တရုတ်နို့ထွက်ပစ္စည်း အိန္ဒိယ နောက်တနှစ်ပိတ်မည်


တရုတ်နိုင်ငံထုတ် နို့နဲ့ နို့ထွက်ပစ္စည်းတွေတင်သွင်းခွင့် ပိတ်ပင်ထားမှုကို ၂၀၁၇ ခုနှစ်၊ ဇွန်လအထိ အိန္ဒိယအစိုးရက နောက်ထပ် တနှစ် သက်တမ်းတိုးလိုက်ကြောင်း အိန္ဒိယနိုင်ငံထုတ် The Economic Times သတင်းမှာ ဖော်ပြထားပါတယ်။

ချောကလက်နဲ့ ချောကလက်ပါတဲ့ ကုန်ပစ္စည်းတွေ၊ သကြားလုံးတွေ၊ ချိုချဉ်၊ ကိတ် မုန့်၊ နို့ဓာတ်ပါတဲ့ စားသောက်ကုန်ပစ္စည်းတွေ အပါအ၀င် တရုတ်နိုင်ငံထုတ် နို့နဲ့ နို့ ထွက်ပစ္စည်းအားလုံးတင်သွင်းမှုကို ၂၀၁၇ ခုနှစ်၊ ဇွန်လ ၂၃ ရက်နေ့အထိ နောက် ထပ် တနှစ်၊ ဒါမှမဟုတ် နောက်ထပ် ကြေညာချက်တစုံတရာ ထွက်မလာမချင်း ပိတ်ပင်လိုက်ကြောင်း နိုင်ငံခြားကုန်သွယ်မှုညွန်ချုပ်ရုံးက ကြေညာချက်မှာ ဖော်ပြထားပါတယ်။ လက်ရှိ တည်ရှိနေတဲ့ပိတ်ပင်မှုဟာ အခုနှစ် ဇွန်လမှာ သက်တမ်းကုန် သွားတဲ့အတွက် နောက်ထပ် တနှစ် သက်တမ်း ထပ်တိုးလိုက်တာ ဖြစ်ပါတယ်။

ဖမ်းဆီးရမိတဲ့တရုတ်နိုင်ငံထုတ် နို့နဲ့ နို့ထွက်ပစ္စည်းတွေမှာ Melamine (မယ်လမင်း) လို့ခေါ်တဲ့ ပလပ်စတစ်နဲ့ ဓာတ်မြေသြဇာ ထုတ်ရာမှာ သုံးတဲ့ အဆိပ်ဖြစ်စေတဲ့ ဓာတုပစ္စည်းတွေ ပါနေတာကိုတွေ့ရတာကြောင့် ၂၀၀၈ ခုနှစ်ကစပြီး နို့နဲ့ နို့ထွက် ပစ္စည်းတွေ အပါအ၀င် အစားအသောက်တွေ တင်သွင်းမှုကို အိန္ဒိယအစိုးရက တရားဝင် ပိတ်ပင်ထားခဲ့တာ ဖြစ်ပါတယ်။

အိန္ဒိယနိုင်ငံအနေနဲ့ တရုတ်နိုင်ငံထုတ် နို့နဲ့ နို့ထွက်ပစ္စည်းတွေကို တရားဝင် တင်သွင်းခြင်းမရှိပေမယ့်လည်း ကြိုတင် ကာကွယ်တဲ့အနေနဲ့ အခုလို တားမြစ် ကန့်သတ်ချက်ကို ထုတ်ပြန်ထားတာ ဖြစ်ပါတယ်။

အိန္ဒိယနိုင်ငံဟာ ကမ္ဘာမှာ နို့အများဆုံး ထုတ်လုပ်တဲ့နိုင်ငံဖြစ်သလို၊ အများဆုံး စားသုံးတဲ့နိုင်ငံလည်း ဖြစ်ပါတယ်။ အိန္ဒိယနိုင်ငံက ၂၀၁၃ - ၁၄ ခုနှစ်မှာ နို့တန်ချိန် ၁၃၈ သန်း နီးပါး ထုတ်လုပ်ခဲ့ရာက ၂၀၁၄ - ၁၅ ခုနှစ်မှာ တန်ချိန်ပေါင်း ၁၄၆ သန်းကျော် တိုးမြင့် ထုတ်လုပ်ခဲ့ပါတယ်။

ဗွီအိုအေ (မြန်မာဌာန)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ