တရုတ်နိုင်ငံဟာ မြောက်ကိုရီးယားနိုင်ငံကို စစ်ဘက်ဆိုင်ရာ အသုံးပစ္စည်းတွေ တင်ပို့ရောင်းချမှု ပိတ်ပင်

တရုတ်နိုင်ငံဟာ မြောက်ကိုရီးယားနိုင်ငံကို စစ်ဘက်ဆိုင်ရာမှာ အသုံးပြုနိုင်တဲ့ နည်းပညာနဲ့ ပစ္စည်းကိရိယာတွေ တင်ပို့ရောင်းချနေမှုကို ဗုဒ္ဓဟူးနေ့မှာ ပိတ်ပင်လိုက်တယ်လို့ အေပီသတင်းမှာ ဖော်ပြခဲ့ပါတယ်။

 မြောက်ကိုရီးယား နိုင်ငံဟာ နျူကလီးယားလက်နက်နဲ့ ဒုံးကျည်တွေ ထုတ်လုပ်နေမှုကို တုံ့ပြန်တဲ့အနေနဲ့ တရုတ်နိုင်ငံက အခုလို ပိတ်ပင်ချက် ထုတ်ပြန်လိုက်တာဖြစ်တယ်လို့ ဆိုပါတယ်။

တရုတ်နိုင်ငံက မြောက်ကိုရီးယား နိုင်ငံကို တင်ပို့ရောင်းချမှု ပိတ်ပင်လိုက်တဲ့ စာရင်းမှာ အရပ်ဖက်ရော စစ်ဘက်အတွက်ပါ အသုံးပြုလို့ရတဲ့ သတ္တုစပ်တွေ၊ လေဆာနဲ့ ဖြတ်တောက်နိုင်ပြီး ပြန်ဆက်နိုင်တဲ့ ကိရိယာတွေ၊ ဓါတုလက်နက်တွေမှာ အသုံးပြုနိုင်တဲ့ ပစ္စည်းတွေပါဝင်တယ်လို့ တရုတ် နိုင်ငံရဲ့ ကုန်သွယ်ရေး ၀န်ကြီးဌာနက ပြောကြားခဲ့ပါတယ်။

တရုတ်အစိုးရဟာ မြောက်ကိုရီးယား နိုင်ငံကို နှစ်ပေါင်းများစွာ ထောက်ပံ့ပေးလာခဲ့ပေမယ့် ဇန်န၀ါရီလအတွင်းက မြောက်ကိုရီးယားအစိုးရဟာ စတုတ္ထအကြိမ်မြောက် နျူကလီးယား စမ်းသပ်မှု လုပ်ဆောင်အပြီးမှာတော့ မြောက်ကိုရီးယားအပေါ် ကုလသမဂ္ဂရဲ့ ပိတ်ဆို့မှုတွေပြုလုပ်ရေးမှာ တရုတ်နိုင်ငံကလည်း ပါဝင်လက်မှတ်ရေးထိုးခဲ့ပါတယ်။

ဧပြီလအတွင်းကလည်း တရုတ်နိုင်ငံဟာ မြောက်ကိုရီးယား နိုင်ငံကို ကျောက်မီးသွေးနဲ့ သံ သတ္တရိုင်းတွေ တင်ပို့ရောင်းချမှုကို ပိတ်ပင်ခဲ့ပါတယ်။

 ဒါ့အပြင် မြောက်ကိုရီးယားနိုင်ငံကို ဂျက်လေယာဉ်ဆီတွေရောင်းချမှုကိုလည်း ပိတ်ပင်ခဲ့ပြီး၊တရုတ်နိုင်ငံကို ပြေးဆွဲနေတဲ့ မြောက်ကိုရီးယား အရပ်ဖက်သုံး လေယာဉ်တွေအနေနဲ့ တရုတ်နိုင်ငံမှာပဲ လောင်စာဆီဖြည့်ခွင့်ပေးထားခဲ့တယ်လို့လည်း သတင်းမှာ ဖော်ပြခဲ့ပါတယ်။

5 Plus News
https://www.facebook.com/5plusnews/