ရန်ကုန်-နေပြည်တော် အမြန်လမ်းမကြီး အနောက်ဘက် တစ်မိုင်ခန့်အကွာမှာ အဆိပ်လူးမျှားနဲ့ ပစ်ခတ်ခံထားရတဲ့ တောဆင်ရိုင်းတစ်ကောင်တွေ့ရှိ


ပဲခူးတိုင်းဒေသကြီး ကျောက်တံခါးမြို့နယ် ရန်ကုန်-နေပြည်တော် အမြန်လမ်းမကြီး မိုင်တိုင် အမှတ် (၇၇) မိုင်(၂) ဖာလုံရဲ့ အနောက်ဘက် တစ်မိုင်ခန့်အကွာ ပဲခူးရိုးမ ဘိုင်းဒါးကြိုးဝိုင်း အကွက်အမှတ်(၁၀၈)မှာ ဇွန်လ(၁)ရက် ညနေ (၆)နာရီက အဆိပ်လူးမျှားနဲ့ ပစ်ခတ်ခံထားရတဲ့ တောဆင်ရိုင်း တစ်ကောင်ကို
တွေ့ရှိခဲ့တယ်လို့ သိရပါတယ် ။


သတင်းအရ အခင်းဖြစ်နေရာ ကို ကျောက်တံခါးမြို့နယ် သစ်တောဦးစီးဌာန ဦးစီးအရာရှိ ဦးစန်းယု၊ တောအုပ်ကြီးဦးကျော်ခင် ဦးမောင်သိန်းနဲ့ သစ်တောဝန်ထမ်းများ၊ သစ်ထုတ်လုပ်ရေးအဖွဲ့များ ၊ ဖဒိုနယ်မြေရဲစခန်းက ဒုရဲအုပ်ဇင်မင်းထွန်းနဲ့ တပ်ဖွဲ့ဝင်တွေ သစ်တောရဲပူးပေါင်းအဖွဲ့က သွားရောက်ကြည့်ရှုစစ်ဆေးရာ ဆင်ဟာ တောဆင်ရိုင်းဟိုင်းဆင်ဖြစ်ပြီး ဆင်ရဲ့ တင်ပါး ဘယ် ၊ ညာမှာ အဆိပ်လူးမျှားတွေ တပ်လျှက်တွေ့ရှိရပြီး ၊ အသက်မသေဆုံးတာကို တွေ့ခဲ့ရတယ်လို့ သိရပါတယ် ။

အဆိပ်လူးမျှား ဒဏ်ကြောင့် လှုပ်ရှားမှု နှေးကွေးနေတဲ့ ဒဏ်ရာရ တောဆင်ရိုင်းကို ဝိုင်းဝန်းဖမ်းဆီးကာ သစ်တောဦးစီးဌာန ရန်ကုန်ဆင်ဆေးကုသရေးအဖွဲ့က အချိန်မှီဆေးကုသ နိုင်ရေး စီစဉ်ဆောင်ရွက်နေပြီး တောဆင်ရိုင်းကို အဆိပ်လူးမျှားနဲ့ ပစ်ခတ်ခဲ့တဲ့ အဖွဲ့ကို ဖမ်းဆီးနိုင်ဖို့ စုံစမ်းစစ်ဆေးနေတယ်လို့ သိရပါတယ် ။

သတင်းစာသား၊ဓာတ်ပုံ .......... ခင်ကို(ကျောက်တံခါး)
MOI Webportal Myanmar
https://www.facebook.com/MOIWebportalMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ