မြန်မာကျပ်ငွေသည် ၂၀၁၆ ၏ အာရှအကောင်းဆုံး ငွေကြေးဟုဆို


၂၀၁၆ ခုနှစ်အတွင်း မြန်မာကျပ်ငွေသည် အာရှအကောင်းဆုံး ငွေကြေးဖြစ်လာပြီး ယင်းမှာ မြန်မာနိုင်ငံသည် အထီးကျန်ဘ၀မှ ရုန်းထွက်လာခြင်းအား ပြတ်ပြတ်ထင်ထင် ညွှန်ပြနေခြင်းဖြစ်သည်ဟု Bloomberg သတင်းတပုဒ်က ဆိုသည်။

ဒေါ်အောင်ဆန်းစုကြည်ဦးဆောင်သည့် NLD ပါတီ ၂၀၁၅ နိုဝင်ဘာ အထွေထွေ ရွေးကောက်ပွဲတွင် အနိုင်ရရှိခဲ့ပြီးနောက် နိုင်ငံတွင်းသို့ ပြည်ပမှ ငွေသားများ စီးဝင်နေပြီး ယင်းမှာ ကျပ်ငွေတန်ဖိုး ဆက်တက်လာရန် အခြေခံကောင်းများဖြစ်သည်ဟု ဆိုသည်။ ငွေကြေးတန်ဖိုး ခိုင်မာမှုသည် စီးပွားရေးတိုးတက်မှုအတွက် အရေးပါပြီး သွင်းကုန်များကို ဈေးသက်သာစေသည့်အပြင် ဒေါ်လာငွေဖြင့် လုပ်ဆောင်ရမည့် အခြေခံအဆောက်အဦးတည်ဆောက်ရေး စီမံကိန်းများအတွက် အစိုးရကို ၀န်ပေါ့စေသည်ဟု General Electric ကုမ္ဗဏီပိုင်ရှင် အန်ဒရူးလီးက ပြောသည်။ ၎င်းသည် အမေရိကန်ပြည်ထောင်စုမှ မွေးရပ် မြန်မာပြည်တွင် စီးပွားရေးလုပ်ကိုင်ရန် လွန်ခဲ့သော လေးနှစ်ခန့်က ပြည်တော်ပြန်ခဲ့သူတဦးဖြစ်သည်။

“ကျပ်ငွေတန်ဖိုးတက်လာတာ တိုင်းပြည်စီးပွားရေးအတွက် ကောင်းပါတယ်။ အစိုးရသစ်က တိုင်းပြည်စီးပွားရေး ဦးမော့လာအောင် လုပ်နိုင်မယ်လို့ ကျွန်တော်တို့က ယုံကြည်တယ်။ ဒါပေမယ့် မြန်မာနိုင်ငံရဲ့ အခြေခံအဆောက်အဦးဖွံ့ဖြိုးတိုးတက်ရေးအတွက် လုပ်စရာတွေအများကြီးရှိသေးတယ်ဆိုတာလည်း ကျွန်တော်တို့ သိပါတယ်”ဟု ၎င်းက ပြောသည်။

မြန်မာနိုင်ငံတွင် ၂၀၃၀ ခုနှစ်အထိ လုပ်ဆောင်မည့် အခြေခံလိုအပ်ချက်များဖြစ်သော လျှပ်စစ်မီးလုံလောက်စွာရရှိရေး၊ လမ်းပန်းဆက်သွယ်မှု ကောင်းမွန်ရေးနှင့် နည်းပညာ စီမံကိန်းများအတွက် ရင်နှီးမြှပ်နှံငွေ ဒေါ်လာ ၈၀ ဘီလီယံခန့်လိုအပ်မည်ဖြစ်သည်။ အာရှဖွံ့ဖြိုးရေးဘဏ်(ADB)ကလည်း ၂၀၁၆ နှင့် ၂၀၁၇ အစောပိုင်းအထိ် မြန်မာ့စီးပွားရေးတိုးတက်မှု ၈ရာခိုင်နှုန်းခန့်ရှိမည်ဟု ခန့်မှန်းထားသည်။

မတ် ၃၁ ကပြီးဆုံးခဲ့သော ၂၀၁၅ ဘဏ္ဍာရေးနှစ်တွင် ပြည်ပရင်းနှီးမြှပ်နှံမှုပမာဏသည် ဒေါ်လာ ၉ ဒဿမ ၄၈ ဘီလီယံရှိပြီး ယင်းမှာ ယမန်နှစ်ထက် ၁ ဒဿမ ၄၈ ဘီလီယံ တိုးလာခြင်းဖြစ်ကြောင်း နိုင်ငံပိုင်သတင်းစာများက ဖော်ပြသည်။

“စီးပွားရေးပိတ်ဆို့ထားတာတွေ ရုပ်သိမ်းလိုက်တာနဲ့ နိုင်ငံခြားရင်းနှီးမြှပ်နှံမှုတွေ ထပ်ဝင်လာဦးမှာပါ။ အဲဒီကျရင် ကျပ်ငွေက ပိုပြီတောင် ခိုင်မာလာဦးမယ်”ဟု လွန်ခဲ့သော သုံနှစ်ခန့်က မြန်မာနိုင်ငံတွင် ၀င်ရောက်ခဲ့သော Rising Dragon ရင်းနှီးမြှပ်နှံမှုကုမ္ဗဏီမှ နီကိုးလက်စ်ငုယင်က ပြောသည်။

အာရှဘဏ်များကလည်း မြန်မာကျပ်ငွေသည် အခြားအာရှငွေကြေးများထက် ပိုမို ခိုင်မာအားကောင်းလာမည်ဟု ခန့်မှန်းပြီး ၂၀၁၇ တွင် ကန် ၁ ဒေါ်လာလျှင် မြန်မာကျပ်ငွေ ၁၀၀၀ ခန့်သို့ ကျဆင်းလာမည်ဟု ခန့်မှန်းသည်။ လက်ရှိ ဒေါ်လာဈေးသည် ၁၁၈၆ ကျပ်ဝန်းကျင်ရှိသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ