အသနားခံစာတင်မယ်လို့ ရိုးရိုးလေးကုမ္ပဏီပိုင်ရှင် ပြော

ရိုးရိုးလေးကုမ္ပဏီပိုင်ရှင် ဦးနေထက်သိန်းနိုင် ကို တွေ့ရစဉ်
ကျိုက်ထီးရိုးတောင်ပေါ်မှာ အစိုးရဲ့ ခွင့်ပြုချက်ထက် အခန်းပေါင်း ၁၀၀ ကျော် ဆောက်ထားတဲ့ ရိုးရိုးလေးကုမ္ပဏီပိုင်ရှင်က အဲဒီအခန်းတွေကို ဆက်လက်ထားရှိခွင့်ပေးဖို့ နိုင်ငံတော်သမ္မတ နဲ့ နိုင်ငံတော်အတိုင်ပင်ခံပုဂ္ဂိုလ်ထံ အသနားခံစာ တင်ပြသွားမယ်လို့ ပြောပါတယ်။

ဖျက်သိမ်းလိုက်ရင် နောက်ဆက်တွဲဆိုးကျိုးတွေ ရှိလာနိုင်တဲ့အတွက် အသနားခံစာတင်မှာဖြစ်တယ်လို့ ရိုးရိုးလေးကုမ္ပဏီပိုင်ရှင် ဦးနေထက်သိန်းနိုင်က RFA က ဆက်သွယ်မေးမြန်းရာမှာ ပြောပါတယ်။

သာသနာရေးနဲ့ ယဉ်ကျေးမှုဝန်ကြီးဌာနက ကျိုက်ထီးရိုးစေတီတော်ဆိုင်ရာ လုပ်ငန်းညှိနှိုင်း အစည်းအဝေးကို မနေ့က နေပြည်တော်မှာ ကျင်းပခဲ့ပြီး စေတီတော်ဂေါပကအဖွဲ့ကို ပညာရှင်တွေပါဝင်ပြီး ပြင်ဆင်ဖွဲ့စည်းမယ်လို့ ဆုံးဖြတ်လိုက်ပါတယ်။

ရိုးရိုးလေးကုမ္ပဏီဟာ ဟိုတယ်နဲ့ ခရီးသွားလာရေးဝန်ကြီးဌာနရဲ့ ခွင့်ပြုချက်မရှိဘဲ ဟိုတယ်အခန်းပေါင်း ၁၀၆ ခန်းကို ဆောက်လုပ်ထားတဲ့အတွက် တစ်လအတွင်း ပိတ်သိမ်းဖို့လည်း ဆုံးဖြတ်ခဲ့ကြပါတယ်။

၂၀၁၃ ခုနှစ်က မြန်မာနိုင်ငံမှာ ကျင်းပခဲ့တဲ့ အရှေ့တောင်အာရှအားကစား ပြိုင်ပွဲမှာ နိုင်ငံခြားသားတွေ တည်းခိုနိုင်ဖို့အတွက် တည်းခိုဆောင်တွေ ဆောက်လုပ်ဖို့ အရင်အစိုးရက ညွှန်ကြားခဲ့တာကြောင့် စေတီတော် ဂေါပကအဖွဲ့နဲ့ စည်ပင်သာယာရေးကော်မတီတို့ရဲ့ ခွင့်ပြုချက်နဲ့ ဆောက်လုပ်ခဲ့တာဖြစ်တယ်လို့ ဦးနေထက်သိန်းနိုင် က ပြောပါတယ်။

ဟိုတယ်နဲ့ ခရီးသွားလာရေးဝန်ကြီးဌာနက ကျိုက်ထီးရိုးတောင်ပေါ်မှာ ရိုးရိုးလေးကုမ္ပဏီကို ဟိုတယ်ခန်း ၁၃၅ ခန်း ဆောက်လုပ်ခွင့် ချထားပေးတာဖြစ်ပြီး ရိုးရိုးလေးကုမ္ပဏီက ခွင့်ပြုတာထက်ပိုပြီး အခန်း ၁၀၀ ကျော် ဆောက်လုပ်ထားတာဖြစ်ပါတယ်။

RFA Burmese
https://www.facebook.com/rfaburmese
အသနားခံစာတင်မယ်လို့ ရိုးရိုးလေးကုမ္ပဏီပိုင်ရှင် ပြော  အသနားခံစာတင်မယ်လို့ ရိုးရိုးလေးကုမ္ပဏီပိုင်ရှင် ပြော Reviewed by THITHTOOLWIN on 17:31 Rating: 5
Powered by Blogger.