သေနတ်လုယက်သူ သေဆုံးမှုနဲ့ပတ်သက်ပြီး ပစ်ခတ်သူ တပ်မတော်သားကို အမှုဖွင့်


တပ်မတော်သားတစ်ဦးဆီကနေ သေနတ်လုယက်တဲ့ ကျောင်းသားတစ်ဦး သေနတ်ကျည်ဆံ ထိမှန်သေဆုံးမှုတစ်ခု ကချင်ပြည်နယ်၊ မြစ်ကြီးနားမြို့မှာ ဇွန်လ(၂၀)ရက်ညပိုင်းက ဖြစ်ပွားခဲ့တယ်လို့ မြစ်ကြီးနားမြို့မရဲစခန်းရဲ့အမှုမှတ်တမ်းတွေမှာ ဖော်ပြထားပါတယ်။

 ဖြစ်စဉ်ကတော့ ဗလမင်းထင်တံတားမှာ အမှတ်(၇၂၇) ထောက်ပံ့နှင့် ပို့ဆောင်ရေးတပ် ဒုတပ်ကြပ်တစ်ဦးနဲ့ ကိုယ်ပိုင်အမှတ် (တ/ ၅၁၁၅၆၈) တပ်သားမောင်မောင်တို့ လုံခြုံရေး တာဝန်ထမ်းဆောင်နေစဉ် အမျိုးသမီးနှစ်ဦးနဲ့ အမျိုးသားနှစ်ဦးတို့ ဆိုင်ကယ်တစ်စီးနဲ့ ရောက်ရှိလာပြီး လူ(၈)ဦးက လိုက်လံနှောင့်ယှက်နေ တာကြောင့် မြို့ထဲသို့ လိုက်ပို့ပေးဖို့ အကူအညီတောင်းခံခဲ့ရာ အထက်အရာရှိရဲ့ တာဝန်ပေးချက်အရ လိုက်လံပို့ဆောင်ပေးခဲ့တယ်လို့ဆိုပါတယ်။


 အဲ့ဒီလိုပို့ဆောင်ပေးစဉ် သီတာရပ်ကွက်၊ သီတာလမ်းသွယ် အရောက်မှာ လူငယ် (၈)ဦးခန့်က စစ်သည်နှစ်ဦးကို ၀ိုင်းဝန်းထိုးကြိတ်ပြီး တပ်သားမောင်မောင်လွယ်ထားနဲ့ သေနတ်ကို လုယူခဲ့ကြရာကနေ တပ်သားမောင်မောင်ပစ်ဖောက်လိုက်တဲ့ သေနတ်ကျည်ဆံဟာ မြစ်ကြီးနားမြို့၊ ကျွန်းပင်သာရပ်ကွက်နေ မောင်ဂွမ်ဆိုင်းအောင်ရဲ့ဝဲဘက်ညှပ်ရိုးကို ကျည်ဆန်ထိမှန်သေဆုံးခဲ့တယ်လို့ ဆိုပါတယ်။

 သေဆုံးသူဟာ ကွန်ပျူတာတက္ကသိုလ်ကျောင်းသားတစ်ဦးဖြစ်ပြီး မကျေနပ်သူတချို့က ဇွန်လ(၂၁)ရက်နေ့လည်ပိုင်းမှာ ဆန္ဒထုတ်ဖော်ခဲ့ကြတယ်လို့လည်း မြစ်ကြီးနားဒေသခံတစ်ဦးကပြောပါတယ်။

5 Plus News
https://www.facebook.com/5plusnews
သေနတ်လုယက်သူ သေဆုံးမှုနဲ့ပတ်သက်ပြီး ပစ်ခတ်သူ တပ်မတော်သားကို အမှုဖွင့်  သေနတ်လုယက်သူ သေဆုံးမှုနဲ့ပတ်သက်ပြီး ပစ်ခတ်သူ တပ်မတော်သားကို အမှုဖွင့် Reviewed by THITHTOOLWIN on 20:06 Rating: 5
Powered by Blogger.