မြန်မာ-အမေရိကန် စစ်တပ်ချင်း ချိတ်ဆက်ဆောင်ရွက်နိုင်ရေး စီစဉ်

အမျိုးသားလုံခြုံရေးဆိုင်ရာ လက်ထောက်အကြံပေးပုဂ္ဂိုလ် Ben Rhodes ။  Photo: AFP / Getty Images ။
မြန်မာနဲ့ အမေရိကန် နှစ်နိုင်ငံ စစ်တပ်ချင်း ချိတ်ဆက်ဆောင်ရွက်နိုင်ရေး စီစဉ်နေတယ်လို့ အမေရိကန်သမ္မတ အိမ်ဖြူတော် အကြီးတန်းအရာရှိ တစ်ဦးက ပြောပါတယ်။

အရပ်ဘက်အစိုးရအဖြစ် အသွင်ကူးပြောင်းနေတဲ့ မြန်မာနိုင်ငံကို အားပေးကူညီဖို့အတွက် ဘယ်လိုနေရာတွေမှာ စစ်တပ်ချင်း ထိတွေ့ဆက်ဆံ ချိတ်ဆက်ဆောင်ရွက်နိုင်မလဲဆိုတာ လွှတ်တော်နဲ့ အသေအချာ တိုင်ပင်ဆွေးနွေးနေ ပါတယ်လို့ အမေရိကန်အစိုးရ အမျိုးသားလုံခြုံရေးဆိုင်ရာ လက်ထောက်အကြံပေးပုဂ္ဂိုလ် Ben Rhodes က ပြောဆို ခဲ့တာပါ။

မြန်မာနိုင်ငံအပေါ် ပိတ်ဆို့အရေးယူထားတာတွေထဲကတချို့ကို ဖြေလျှော့ပေးလိုက်ကြောင်း သမ္မတ အိုဘားမား က ကြေညာခဲ့အပြီး၊ နောက်တစ်ရက်မှာ အခုလို ပြောကြားခဲ့တာဖြစ်ပါတယ်။

နှစ်နိုင်ငံစစ်တပ်ချင်း ထိတွေ့ဆက်ဆံရေး အစီအစဉ်တွေမှာ အကြီးတန်းစစ်ဘက်၊ အရပ်ဘက်အရာရှိတွေ အပြန်အလှန်လည်ပတ်ကြတာ၊ နိုင်ငံတကာ လူ့အခွင့်အရေး၊ စစ်ရေးပဋိပက္ခဆိုင်ရာ ဥပဒေ၊ ထိတွေ့ဆက်ဆံမှု စည်းမျဉ်း တွေနဲ့ပတ်သက်တဲ့ ဆွေးနွေးပွဲတွေ၊ နှီးနှောဖလှယ်ပွဲတွေ၊ ပစိဖိတ်ဒေသမှာ အမေရိကန်က နှစ်စဉ် ကျင်းပနေတဲ့ Cobra Gold ခေါ် ရွှေမြွေဟောက် စစ်ရေးလေ့ကျင့်မှုတွေမှုကို လေ့လာရေးတွေ ပါဝင်တယ်လို့ သိရပါတယ်။

မြန်မာ့တပ်မတော်ကို အရပ်ဘက်အစိုးရအောက်မှာ စစ်တပ်ပီပီသသ ဖြစ်လာရေးအတွက် တပ်မတော်၊ သမ္မတ ၊ ဒေါ်အောင်ဆန်းစုကြည်တို့နဲ့အတူ ညှိနှိုင်းဆောင်ရွက်သွားမှာဖြစ်တယ်လို့လည်း Ben Rhodes က ပြောဆို ခဲ့ပါတယ်။

RFA Burmese
http://www.rfa.org/burmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ