မရမ်းကုန်းတွင် အုပ်စုလိုက် ရိုက်ပွဲဖြစ်

ရန်ကုန်တိုင်းဒေသကြီး မရမ်းကုန်းမြို့နယ် သမိုင်း ၁ ရပ်ကွက် ၅ လမ်းတွင် ယနေ့မေ ၂၆ ရက် ည ၈ နာရီခွဲခန့်က အုပ်စုလိုက်ရိုက်နှုက်မှုတခု ဖြစ်ပွားခဲ့သည်။

ဖြစ်ပွားပုံမှာ အမျိုးသားတစ်ဦးအား အမည်မသိ အမျိုးသား ၅ ဦးမှ တုတ်များဖြင့်လိုက်ရိုက်ပြီး အမျိုးသားမှာ အနီးရှိ ပန်ပန်ဆံပင်ညှပ်ဆိုင်သို့ဝင်ပြေးခဲ့သည်။

ဆံပင်ညှပ်ဆိုင်ပိုင်ရှင်မှ တံခါးအား ပိတ်လိုက်ရာ တံခါးပိတ်လိုက်သဖြင့် အမည်မသိအမျိုးသား ၅ ဦးမှာ ဆိုင်၏မှန်များကို ရိုက်ခွဲ၍ ထွက်သွားကြောင်း အဆိုပါရပ်ကွက်တွင်နေထိုင်သူတစ်ဦးက ပြောသည်။

ယခုအခါ ဒဏ်ရာရရှိသည့်အမျိုးသားအား ဆေးရုံသို့တင်ပို့ထားပြီး အခင်းဖြစ်နေရာသို့ စခန်းမှူးမှ သွားရောက်စစ်ဆေးနေကြောင်း ဘုရင့်နောင်ရဲစခန်းမှ တာဝန်ကျအရာရှိတစ်ဦးကပြောသည်။

ဓာတ်ပုံ မြတ်ဆု
Myanmar Citizen News Agency