ပြည်သူ့လွှတ်တော်တွင် တင်သွင်းခွင့်မရခဲ့သည့် ရခိုင်စစ်ဘေးရှောင်များ ကူညီရေးအဆို ရခိုင်ပြည်နယ် လွှတ်တော်တွင် အတည်ပြု


ရခိုင်ပြည်နယ်အတွင်း တိုက်ပွဲများကြောင့် ထွက်ပြေး တိမ်းရှောင်နေကြရသည့် စစ်ဘေးဒုက္ခသည်များ ၂၆၀၀ ကျော်အထိ ရှိလာပြီဖြစ်ရာ ရခိုင်ပြည်နယ်အစိုးရ အနေဖြင့် အမြန်ဆုံး အကူအညီပေးရေး အတွက် မေလ ၁၁ ရက်တွင်ပြုလုပ်သည့် ဒုတိယအကြိမ်မြောက် ရခိုင်ပြည်နယ်လွှတ်တော် အထူးအစည်းအဝေး တတိယနေ့တွင် အတည်ပြုဆုံးဖြတ်ခဲ့သည်။

ကျောက်ဖြူမြို့နယ် မဲဆန္ဒနယ်အမှတ် (၂) လွှတ်တော် ကိုယ်စားလှယ် ကျော်လွင်က မေလ ၉ ရက် တွင် စစ်ဘေးရှောင်များမှာ တောင်ယာနှင့် တခြားစိုက်ပျိုးရေး လုပ်ငန်းများကို အဓိကခြေခံကာ လုပ်ကိုင်စားသောက် နေကြရသူများဖြစ်သဖြင့် ယခုကဲ့သို့ စိုက်ပျိုးလုပ်ကိုင်ကြရမည့် ချိန်တွင် နေရပ်စွန့်ခွာ လာခဲ့ရပြီး နေရပ်သို့ ပြန်လည်သွားရောက်ရန် အဆင်မပြေသည့်အတွက် ရခိုင်ပြည်နယ် အစိုးရအနေဖြင့် ယင်းဒုက္ခသည်များ၏ စားဝတ်နေရေး အခက်အခဲများကို ဖြေရှင်းပေးရန် အရေးကြီးအဆို တစ်ရပ်ကို တင်သွင်းခဲ့ရာ သဘောတူညီခဲ့ပြီး မေလ ၁၁ ရက်တွင် ဆုံးဖြတ်ခဲ့ခြင်းဖြစ်သည်။

“ရခိုင်ပြည်နယ် အစိုးရအဖွဲ့အနေနဲ့ လိုအပ်တဲ့ အထောက်ပံ့ ကူညီရေးတွေကို လုပ်ပေးဖို့ လိုအပ်လာပြီ။ ပြီးတော့ သူတို့ရဲ့ကျန်းမာရေး၊ ပညာရေ;၊ စားဝတ်နေရေးစတဲ့ လူမှုဘဝ အထောက်အကူတွေကို ပေးဖို့ လိုအပ်ပါတယ်” ဟု စစ်တွေမဲဆန္ဒနယ်မှ လွှတ်တော်ကိုယ်စားလှယ် ဦးကျော်ဇောဦးက ထောက်ခံဆွေးနွေးခဲ့သည်။

ရခိုင်ပြည်နယ်အစိုးရ အဖွဲ့အနေဖြင့် ထောက်ပံ့ကူညီရေးများ ပြုလုပ်နိုင်ရန်အတွက် စစ်တမ်းများကို စနစ်တကျ ကောက်ယူပြီးမှ ပြုလုပ်သွားမည်ဖြစ်ကြောင်း၊ မကြာမီကာလအတွင်း မှတ်တမ်းကောက်ယူရေး လုပ်ငန်းများကို ဆောင်ရွက်သွားမည်ဖြစ်ကြောင်း အစိုးရအဖွဲ့ကိုယ်စားလှယ် ဖြစ်သည့် ရခိုင်ပြည်နယ် နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီးထိန်လင်းက လွှတ်တော် အစည်းအဝေးတွင် ပြောဆိုခဲ့သည်။

ရခိုင်ပြည်နယ် ရသေ့တောင်မြို့နယ် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ခင်စောဝေက “ရခိုင်ပြည်နယ်အတွင်း မြန်မာ့တပ်မတော်နှင့် AA တိုင်းရင်းသား လက်နက်ကိုင် တပ်ဖွဲ့တို့အကြား ဖြစ်ပွားလျက်ရှိသော တိုက်ပွဲများကြောင့် မိမိနေရပ်အား စွန့်ခွာ တိမ်းရှောင် လာနေကြသည့် စစ်ဘေးရှောင် ဒုက္ခသည်များအား ပြည်နယ်အစိုးရ၊ ပြည်ထောင်စုအစိုးရများ အနေဖြင့် လိုအပ်သော အကူအညီ အထောက်အပံ့များ ရရှိနိုင်ရေးအတွက် အမြန်ဆုံး စီစဉ်ဆောင်ရွက်ပေးနိုင်ရန် တိုက်တွန်းကြောင်း” အရေးကြီးအဆို ကို မေလ ၆ ရက်က ပြည်သူ့လွှတ်တော်တွင် တင်သွင်းခဲ့သော်လည်း ခွင့်မပြုခဲ့ကြောင်း သိရသည်။

ယင်းကိစ္စအပေါ် ဒေါ်ခင်စောဝေမှ လူမှု့ကွန်ရက်မီဒီယတွင် တင်ခဲ့ရာ ပြည်သူ့လွှတ်တော် ဥက္ကဋ္ဌမှ လွှတ်တော်အား အထင်မြင်မှားစေသည့် ပြောဆိုရေးသားချက်များကို ရှောင်ကြဉ်ရန် သတိပေးခဲ့သည်။ ရခိုပြည်နယ်လွှတ်တော်၌ ကျင်းပသည့် ဆွေးနွေးမှုများတွင် အန်အယ်ဒီဘက်မှ ရခိုင်ဝန်ကြီးချုပ် အပါအ၀င် ကိုယ်စားလှယ်များ တက်ရောက်ခြင်း မရှိကြောင်းလည်း သိရသည်။

The Ladies News
https://www.facebook.com/News.TheLadies

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ