သိန်း ၁၀၀ အောက် တန်ဖိုးနည်းအိမ်ရာ အခန်း ၈၀၀၀ ကျော်ကို ၂ နှစ်အတွင်း ဆောက်လုပ်သွားမည်ဟု ပြည်ထောင်စုဝန်ကြီး ဦးဝင်းခိုင် ပြော


အစိုးရသစ်လက်ထက်တွင် ပြည်သူလူထုနေထိုင်မှု အဆင်ပြေစေရန် သိန်း ၁၀၀ အောက် တန်ဖိုးနည်းအိမ် အခန်း ၈၀၀၀ ကျော် ဆောက်လုပ်ပေးသွားမည်ဖြစ်ကြောင်း ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင်က မေ ၁၉ ရက်နေ့က ပြောသည်။

''အစိုးရသစ်လက်ထက်မှာ တန်ဖိုးနည်းအိမ်ရာ ထပ်မံဆောက်လုပ်သွားဖို့ ရှိတယ်။ လက်ရှိ မြေဧက ၂၀၀ ကျော် ရထားတယ်။ အိမ်ခန်းပေါင်း ၈၀၀၀ ကျော် လောက်ထွက်လာမယ်၊ အခု စဉ်းစားထားတာကတော့ အခန်းတခန်းကို ငွေကျပ် သိန်း ၁၀၀ အောက်ကို ဖြစ်စေချင်တယ်။ ဒါမှ တန်ဖိုးနည်းတဲ့ အနေအထား ဖြစ်သွားမယ်။ အခန်းကို ၀ယ်မယ်ဆိုရင်တော့ ကျသင့်ငွေ ၁၅ ရာခိုင်နှုန်း အရင်ပေးဆောင် ရတယ်။ ၀ယ်တဲ့သူက အလုပ်အကိုင်ရှိရမယ်။ ဘဏ်မှာငွေစုအကောင့်ရှိရမယ်။ တလကို ပုံမှန်ရှစ်သောင်း တသိန်းလောက်သွင်းပြီး ရှစ်နှစ်နဲ့ ၁၀ နှစ်အကြာမှ အိမ်ခန်းကို ပိုင်ဆိုင်မှာဖြစ်တယ်''ဟု ပြည်ထောင်စုဝန်ကြီးက ပြောသည်။

အဆိုပါတန်ဖိုးနည်းအိမ်ရာစီမံကိန်းကို နှစ်,နှစ်ခန့်အကြာတွင် ပြီးစီးအောင် အကောင်အထည် ဖော်သွား နိုင်မည်ဟု မျှော်မှန်းကြောင်း၊ နေအိမ်အဆောက်အဦမှာ လေးထပ်(သို့) ငါးထပ် အဆောက်အဦများ ဆောက်လုပ်သွားဖြစ်ပြီး အဆောက်အဦတခုအတွက် အခန်းပေါင်း ၄၀ ကျော် ပါဝင်ကြောင်း၊ အခန်းတခန်းတွင် အိပ်ခန်း နှစ်ခန်းပါဝင်မည်ဖြစ်ပြီး အကျယ်စတုရန်း ပေ ၄၀၀ ရှိကြောင်း၊ အစိုးရအနေဖြင့် အဆိုပါ တန်ဖိုးနည်း အိမ်ရာအား ရောင်းချ ပေးမည်ဆိုပါက နေအိမ်အပိုင်မရှိသော အိမ်ထောင်စုများကို ဦးစားပေးသွားမည်ဖြစ် ကြောင်း ပြည်ထောင်စုဝန်ကြီးက ဆက်လက်ပြောသည်။

ထို့အပြင် နေအိမ်မရှိသူများအတွက် တန်ဖိုးနည်းနည်းဖြင့် အိမ်ငှားနေထိုင်နိုင်မည့် အငှားအဆောင်များကိုလည်း စက်မှုဇုန်တွင် ဆောက်လုပ်ပေးရန် အစီအစဉ်ရှိကြောင်း ဆောက်လုပ်ရေးဝန်ကြီးဌာန ပြည်ထောင်စုဝန်ကြီးက ပြောသည်။

''တန်ဖိုးနည်းအငှားအိမ်တွေ အကောင်အထည်ဖော်ဖို့လည်းရှိပါတယ်။ တခန်းကို နှစ်ယောက်၊ သုံးယောက်နေထိုင်လို့ရတဲ့ အနေအထားတော့ ရှိမယ်။ တလကို နှစ်သောင်းလောက်တော့ ငှားခပေးရမယ်လို့ ခန့်မှန်းထားတယ်။ တသက်လုံးတော့ နေလို့မရဘူး။ ၆ လ သို့မဟုတ် တနှစ်လောက်နေပြီး အလုပ်အကိုင်ရရင် တော့ ဖယ်ပေးရမယ်။ အစိုးရကလည်း ဘဏ်ချေးငွေနဲ့ဆောက်ရမှာဖြစ်တဲ့အတွက် ဘဏ်အတိုးသာသာ လောက် ကာမိအောင် အိမ်ငှားခယူရတာ ဖြစ်တယ်။ အရှုံးခံပြီး လုပ်မယ်ဆိုရင်တော့ ရေရှည်ရပ်တည်နိုင်မှာ မဟုတ်ဘူး''ဟု ပြည်ထောင်စုဝန်ကြီးက ပြောသည်။

လက်ရှိအချိန်တွင် တန်ဖိုးနည်းအိမ်ရာများကို တောင်ဒဂုံမြို့နယ်၊ လှိုင်သာယာမြို့နယ်တို့တွင် ဆောက်လုပ်ပေးလျက်ရှိပြီး ယခုလအတွင်း ရောင်းချပေးသွားမည်ဖြစ်ကာ အိမ်ခန်းတခန်းအား ငွေကျပ် သိန်း ၁၂၀ ဖြင့် ရောင်းချပေးသွားမည်ဖြစ်ကြောင်း သိရသည်။

နောင်လေး
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ