ဒေါ်ခင်စောဝေ ကို လွှတ်တော်ဥက္ကဌ သတိပေး


ရခိုင်ပြည်နယ်က စစ်ဘေးဒုက္ခသည်တွေကို အကူအညီပေးဖို့ ပြည်ထောင်စုအစိုးရထံ တိုက်တွန်းကြောင်း အရေးကြီးအဆိုကို တင်သွင်းဖို့ ခွင့်တောင်းခဲ့တဲ့ လွှတ်တော်ကိုယ်စားလှယ် ဒေါ်ခင်စောဝေ က အဆိုတင်သွင်းခွင့်မရတာကို ပြည်တွင်း ပြည်ပမီဒီယာတွေကို ထုတ်ဖေါ်ပြောကြားခဲ့တဲ့အတွက် ပြည်သူ့လွှတ်တော် ဥက္ကဌ ဦးဝင်းမြင့်က သတိပေးပြောကြားပါတယ်။

ဒီကနေ့ ပြည်သူ့လွှတ်တော်အစည်းအဝေးမှာ ဥက္ကဌ ဦးဝင်းမြင့်က ရခိုင်ပြည်နယ်က စစ်ဘေးဒုက္ခသည်တွေအရေး အရေးကြီးအဆိုနဲ့ ပတ်သက်ပြီး သတိပေးပြောကြားခဲ့တာ ဖြစ်ပါတယ်။

အရေးကြီးအဆိုမတင်ဖို့ လွှတ်တော်ဥက္ကဌက လွှတ်တော်ကိုယ်စားလှယ် ဒေါ်ခင်စောဝေနဲ့ လွှတ်တော်ကိုယ်စားလှယ် ဦးဘရှိန်တို့ကို ခေါ်ယူဆွေးနွေးခဲ့ပါတယ်။ အဲဒါအပြီးမှာ ဒေါ်ခင်စောဝေက အဆိုတင်ခွင့်မရတာကို သူ့ရဲ့ဖေ့စ်ဘွတ်ပေါ်တင်လိုက်သလို သတင်းမီဒီယာတွေကိုလည်း ထုတ်ဖေါ်ပြောခဲ့တာ ဖြစ်ပါတယ်။ အဲဒီလို ထုတ်ဖေါ်ပြောဆိုမှုဟာ ပြည်သူတွေအနေနဲ့ လွှတ်တော်ကို အထင်အမြင်လွဲမှားစေတယ်လို့လည်း ဥက္ကဌ ဦးဝင်းမြင့် က ရှင်းပြပါတယ်။

ဒေါ်ခင်စောဝေ တင်သွင်းဖို့ ပြင်ဆင်ထားတဲ့အဆိုထဲမှာ AA အဖွဲ့ကို ငြိမ်းချမ်းရေးဆွေးနွေးပွဲ စကားဝိုင်းကို ဖိတ်ခေါ်ဖို့ဖြစ်ကြောင်း၊ အပစ်ခတ်ရပ်စဲရေးအတွက် တိကျမှန်ကန်တဲ့ လုပ်ငန်းစဉ်များ ချမှတ်ပြီး ငြိမ်းချမ်းရေးကို မြန်မြန်ဆန်ဆန် အကောင်အထည်ဖေါ် ဆောင်ရွက်နိုင်ဖို့ လိုအပ်ကြောင်း၊ ကျေးရွာသူ ကျေးရွာသားတွေကို လမ်းပြအဖြစ် ပေါ်တာဆွဲခံရတာတွေရှိကြောင်း စတဲ့အချက်တွေ ပါရှိတယ်လို့ ဥက္ကဌ ဦးဝင်းမြင့် က ရှင်းပြပါတယ်။

ဒါ့အပြင် စစ်ဘေးဒုက္ခသည်တွေကို နိုင်ငံတော်က အကူအညီပေးရန် ခေါင်းစဉ်တပ်ပြီး AA လက်နက်ကိုင်အဖွဲ့ကို ငြိမ်းချမ်းရေးဆွေးနွေးပွဲမှာ ပါဝင်ခွင့်ရဖို့အတွက် ဦးတည်တဲ့ ဆွေးနွေးချက်ကို တွေ့ရှိရတယ်လို့လည်း လွှတ်တော်ဥက္ကဌက ရှင်းလင်းပါတယ်။ အဲ့ဒီလိုအချက်တွေဟာ လွှတ်တော်က ကန့်သတ်ထားတဲ့ အချက်တွေနဲ့ ညီညွတ်ခြင်း မရှိတဲ့အတွက် ငြင်းပယ်ရတာဖြစ်ကြောင်း ရှင်းပြပါတယ်။

လွှတ်တော်ဥက္ကဌ ဦးဝင်းမြင့်ရဲ့ ရှင်းပြချက်အပေါ် အဆိုတင်သွင်းဖို့ ခွင့်တောင်းခဲ့သူ ဒေါ်ခင်စောဝေက အခုလို ပြောပါတယ်။

အဆိုတင်သွင်းခွင့် မရခဲ့တဲ့အတွက် ရခိုင်ပြည်နယ်က စစ်ဘေးဒုက္ခသည်တွေကို အစိုးရက အကူအညီပေးဖို့ နိုင်ငံတော်သမ္မတ ဦးထင်ကျော်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ထံ ရခိုင်အမျိုးသားပါတီက လွှတ်တော် ကိုယ်စားလှယ် ၂၂ ယောက် စုပေါင်းလက်မှတ်ထိုးပြီး ဒီကနေ့ တင်ပြမယ်လို့ ဒေါ်ခင်စောဝေ က ပြောပါတယ်။

RFA Burmese
https://www.facebook.com/RFA-Burmese
ဒေါ်ခင်စောဝေ ကို လွှတ်တော်ဥက္ကဌ သတိပေး  ဒေါ်ခင်စောဝေ ကို လွှတ်တော်ဥက္ကဌ သတိပေး Reviewed by THITHTOOLWIN on 17:22 Rating: 5
Powered by Blogger.