နိုင်ငံတော်အတိုင်ပင်ခံရုံး ဝန်ကြီးအဖြစ် သံအမတ်ကြီး(ငြိမ်း) ဦးကျော်တင့်ဆွေအား ခန့်အပ်ရန် အတည်ပြု

သံအမတ်ကြီး(ငြိမ်း) ဦးကျော်တင့်ဆွေ

နေပြည်တော်၊ မေ ၁၁

နိုင်ငံတော်အတိုင်ပင်ခံပုဂ္ဂိုလ်အဖြစ် တာဝန်ယူထားသည့် ဒေါ်အောင်ဆန်းစုကြည် အနေဖြင့် လုပ်ငန်းတာဝန် များပြားသဖြင့် ၄င်းအား အထောက်အကူပြုနိုင်ရန် နိုင်ငံတော်အတိုင်ပင်ခံရုံး ဝန်ကြီးအဖြစ် သံအမတ်ကြီး(ငြိမ်း) ဦးကျော်တင့်ဆွေအား ပြည်ထောင်စုဝန်ကြီးအဖြစ် ခန့်အပ်တာဝန်ပေးရခြင်း ဖြစ်ကြောင်း ပြည်ထောင်စုလွှတ် တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင် အဖွဲ့ဝင်၊ အမျိုးသားဒီမိုကရေ စီအဖွဲ့ချုပ်ပါတီ ဗဟိုကော်မတီဝင် ဦးဝင်းထိန်က အတည်ပြုပြောသည်။

“နိုင်ငံတော်အတိုင်ပင်ခံရုံးဖွဲ့တဲ့အခါမှာ ဒေါ်အောင်ဆန်းစုကြည်က နိုင်ငံတော်အတိုင်ပင်ခံဖြစ်သလို နိုင်ငံခြား ရေးဝန်ကြီးလည်းဖြစ်တဲ့အတွက်ကြောင့် တာဝန်တွေများတယ်၊ အဲ့ဒီတာဝန် များတာကို အထောက်အကူ ပေးနိုင်အောင်လို့ ဦးကျော်တင့်ဆွေကို နိုင်ငံတော်အတိုင်ပင်ခံရုံး ဝန်ကြီးအဖြစ်နဲ့ ခန့်တာဖြစ်တယ်” ဟု ဦးဝင်ထိန်က ရှင်းပြသည်။

ဦးကျော်တင့်ဆွေသည် ၂၀၁၃ ခုနှစ် လက်ပံတောင်းတောင်အရေး ဖွဲ့စည်းခဲ့သည့် ဒေါ်အောင်ဆန်းစုကြည် ခေါင်းဆောင်သော ကော်မရှင်အဖွဲ့တွင် ပါဝင်ခဲ့သူဖြစ်ပြီး ယင်းအချိန်မှစ၍ ၄င်း၏ အရည်အချင်းများအား ဒေါ်အောင်ဆန်းစုကြည်က သတိထားမိကြောင်းလည်း ၄င်းက ဖြည့်စွက်ပြောသည်။

“ရွေးကောက်ပွဲပြီးလို့ အစိုးရဖွဲ့တဲ့အခါမှာ ဦးကျော်တင့်ဆွေက တော်တော်အရေးပါတဲ့ အခန်း ကဏ္ဍကနေ ပါခဲ့တယ်” ဟု ဦးဝင်းထိန်က ဆိုသည်။
ဝန်ကြီးဌာနများတွင် ဒုတိယဝန်ကြီးများ ဆက်လက်ခန့်ထားနိုင်ဖွယ်ရှိကြောင်းလည်း ၄င်းကထပ်လောင်းပြောဆို သည်။

“အလုပ်အခြေအနေပေါ်မူတည်ပြီးတော့မှ ခန့်တယ်၊ ခန့်ပြီးတာ တော့ သိတဲ့အတိုင်းပဲ၊ နိုင်ငံခြားရေးမှာ တစ် ယောက်၊ လယ်/ဆည်၊ နောက်လာရင်လည်း လာအုန်းမယ်၊ ဝန်ကြီး တွေက သူတို့လုပ်ငန်းသိပ်များပြီးတော့ မနိုင်မနင်းဖြစ်မစိုးလို့ တင်ပြချက်အရ ဒု-ဝန်ကြီးတွေ ထပ်တိုးခန့်ဖို့ အစီ အစဉ်တွေရှိတယ်” ဟု ဦးဝင်းထိန်က ပြောသည်။

အစိုးရသစ်လက်ထက် ဝန်ကြီးဌာန ၂၃ ခုအား ပြည်ထောင်စုဝန်ကြီး ၂၁ ဦး၊ ဒုတိယဝန်ကြီး ၅ ဦး နှင့်ဖွဲ့စည်း ဆောင်ရွက်လျှက်ရှိသော်လည်း လုပ်ငန်းလိုအပ်ချက်အရ ဒုတိယဝန်ကြီးများ ခန့်အပ်သွားဖွယ်ရှိ ကြောင်းသိရသည်။

ကိုပေါက်

The Ladies News
https://www.facebook.com/News.TheLadies