ပြည်နယ် ၁၁ခုက အိုဘားမား အစိုးရကိုတရားစွဲ

အိုဘားမားအစိုးရကို ပြည်နယ်တွေကတရားစွဲ

သမ္မတအိုဘားမားအစိုးရက လိင်ပြောင်းထားသူတို့ရဲ့ အခွင့်အရေးကို ပိုပေးဖို့ကြိုးပမ်းတဲ့ ကိစ္စနဲ့ပတ်သက်လို့ အမေရိကန် ပြည်ထောင်စုမှာရှိတဲ့ ပြည်နယ်၁၁ခုတို့က အစိုးရကို တရားစွဲဆို လိုက်ပါတယ်။ အခုလထဲမှာ ပဲသမ္မတ အိမ်ဖြူတော်ကနေ ကျောင်းသူ ကျောင်းသား အားလုံးဟာသူတို့ရဲ့ သွင်ပြင် လက္ခဏာနဲ့ ကိုက်ညီတဲ့အတိုင်း အိမ်သာ သုံးစွဲခွင့်ပြု လိုက်ပါတယ်။ ဒီလိုအမိန့် ထုတ်လိုက်တာဟာ လူမှုရေးအရ ကြီးမားတဲ့လက်တွေ့ စမ်းသပ်မှုလို့ ပြည်နယ်တွေက ပြောပါတယ်။

အချို့ပြည်နယ်တွေက လိင်ပြောင်းထားသူတွေရဲ့ အခွင့်အရေးကို ကန့်သတ်တဲ့ ဥပဒေတွေ ထုတ်ပြန်ခဲ့ပါတယ်။ တကယ်လို့ အစိုးရဲ့ ညွှန်ကြားချက်အတိုင်း မလိုက်နာတဲ့ ပြည်နယ်တွေကို ဗဟိုအစိုးရက ချပေးတဲ့ ပညာရေး ဆိုင်ရာ ထောက်ပံ့ကြေးကို ချမပေးဘူးလို့ အိုဘားမား အစိုးရက ခြိမ်းခြောက်ခဲ့ပါတယ်။ ဒီအတိုင်းဆို အစိုးရ ညွှန်ကြားတာကို မလိုက်နာတဲ့ ရှေးရိုးစွဲ ပြည်နယ်တခုဖြစ်တဲ့ တက်ဆက် ပြည်နယ်မှာ ပညာရေး ရံပုံငွေ အမေရိကန် ဒေါ်လာသန်းပေါင်း ၁၀၀၀ ဆုံးရှုံးနိုင်ပါတယ်။ တက်ဆက်ပြည်နယ် အုပ်ချုပ်ရေးမှူးက အမေရိကန်အစိုးရဟာ အခြေခံဥပဒေကို ခြေဖျက်ရာ ရောက်တယ်လို့ ပြောပါတယ်။

အမှုစွဲဆိုရတာနဲ့ပတ်သက်လို့ တက်ဆက် ပြည်နယ်ရှေ့နေချုပ် Ken Paxton က ဗဟိုအစိုးရက အုပ်ချုပ်ရေး အာဏာကိုသုံးပြီး ဥပေဒတွေ ပြန်ရေးနေတာလို့ပြောပါတယ်။ ဒီလိုတရားစွဲရာမှာ အယ်လဘားမား အာရီဇိုးနား ဂျော်ဂျီယာစတဲ့ ပြည်နယ်ပေါင်း ၁၁ခုပါဝင်ပါတယ်။ အစိုးရအနေနဲ့ ကွန်ဂရက် သို့မဟုတ် ပြည်နယ်တခုချင်းရဲ့ လုပ်ပိုင်ခွင့်တွေကို ကျော်လုပ်တယ်လို့ သူတို့က စွပ်စွဲပါတယ်။

မြောက်ကယ်ရိုလိုင်းနား ပြည်နယ်က လိင်ပြောင်း ထားသူတွေအနေနဲ့ အများနဲ့ဆိုင်တဲ့ အိမ်သာသုံးစွဲရာမှာ သူတို့မွေးစာရင်းမှာပါတဲ့ ကျားမခွဲခြား သတ်မှတ် ထားတဲ့အတိုင်း သုံးရမယ်ဆိုတဲ့ ဥပဒေတခု ပြဌာန်း လိုက်ပြီးတဲ့နောက် သမ္မတရုံးက လိင်ပြောင်းလဲသူတွေရဲ့ အခွင့်အရေး သတ်မှတ်တဲ့ ညွှန်ကြားချက် အသစ် ထုတ်လိုက်တာဖြစ်ပါတယ်။

BBC Burmese
http://www.bbc.com/burmese/