ကျောက်ပန်းတောင်းမြို့နယ်တွင် လွှတ်ကျောင်းစနစ်ဖြင့် လွှတ်ထားသောနွားအချို့ကူးစက်မြန်ထောင့်သန်းရောဂါဖြင့် သေဆုံး


ကျောက်ပန်းတောင်း ဧပြီ ၂

မန္တလေးတိုင်းဒေသကြီး ကျောက်ပန်း တောင်းမြို့နယ်၌ ဧပြီ ၁ ရက် နံနက်ပိုင်းက မြို့တွင်းသို့လွှတ်ကျောင်း စနစ်ဖြင့် လွှတ်ထားသော နွားအချို့ သေဆုံးမှုဖြစ်ပွားရာ မြို့နယ် စည်ပင်သာယာရေး ကော်မတီဝင် ဦးဖြိုးတင့်ခိုင်၊ တိရစ္ဆာန်မွေးမြူရေးနှင့် ကုသရေးဦးစီးဌာနမှ ဒေါက်တာ ကျော်ဝင်းနှင့် မြို့နယ်စည်ပင်သာယာ ရေးအဖွဲ့ အမှုဆောင်အရာရှိ ဦးကျော်နိုင်တို့က သွားရောက် ကြည့်ရှုစစ်ဆေးခဲ့ကြကြောင်း သိရ သည်။

ဖြစ်ပွားပုံမှာ ဧပြီ ၁ ရက် နံနက် ၆ နာရီခန့်တွင် သီရိမင်္ဂလာရပ်ကွက် အုတ်ရေကန်အနီး၌ နွားမနှစ် ကောင်နှင့် နွားငယ်တစ်ကောင် သေဆုံးနေကြောင်း ရပ်ကွက်နေ ပြည်သူများ၏ သတင်းပေးချက်အရ သီရိမင်္ဂလာရပ်ကွက်အုပ်ချုပ်ရေးမှူး ဦးမျိုးမင်း၊ အောင်မင်္ဂလာရပ်ကွက် အုပ်ချုပ်ရေးမှူး ဦးဟံလင်းနှင့်အတူသွားရောက်ကြည့်ရှုပြီး သက်ဆိုင်ရာ စည်ပင်သာယာရေးအဖွဲ့နှင့် မြို့နယ် တိရစ္ဆာန်မွေးမြူရေးနှင့် ကုသရေးဦးစီး ဌာနများသို့ သတင်းပို့ခဲ့ကြောင်း သိရသည်။

ယင်းနောက် မြို့နယ်စည်ပင် သာယာရေးကော်မတီဝင် ဦးဖြိုးတင့် ခိုင်၊ အမှုဆောင်အရာရှိ ဦးကျော်နိုင် နှင့် တိရစ္ဆာန်မွေးမြူရေးနှင့် ကုသရေး ဦးစီးဌာနမှ ဒေါက်တာကျော်ဝင်းတို့ ရောက်ရှိခဲ့ပြီး နွားသေများ၏ သေဆုံးမှုအခြေအနေနှင့် သေဆုံး နေသည့်လက္ခဏာများကို ကြည့်ရှု စစ်ဆေးခဲ့ကြောင်း သိရသည်။
''နွားသေကို စစ်ဆေးကြည့်ရှုရတဲ့ အခြေအနေကတော့ ကူးစက်မြန် ထောင့်သန်းရောဂါနဲ့ သေဆုံးကြတာ လို့ပဲ ကောက်ချက်ချလို့ရပါတယ်။ နွား ပိုင်ရှင်တွေကို ခေါ်ယူမေးမြန်းကြည့် တဲ့အခါမှာလည်း ဒီထောင့်သန်း ရောဂါကာကွယ်ဆေး တစ်ကြိမ်မှ မထိုးဖူးခဲ့ဘူးလို့သိရပါတယ်။ ကူးစက် မြန်ရောဂါဖြစ်တဲ့အတွက် အဲဒီနွားသေ တွေကိုလည်း နွားပိုင်ရှင်ကို အကျိုး အကြောင်း နားလည်အောင်ရှင်းပြပြီး တော့ စည်ပင်သာယာရဲ့ အကူအညီနဲ့ ပဲ မြေမြှုပ်လိုက်ပါတယ်။ ပြီးတော့ ကျွန်တော်တို့ ဌာနအနေနဲ့လည်း အဲဒီနွားပိုင်ရှင်နေတဲ့ ကြွယ်ဝ တောင်ရွာလေးရှိ နွားတွေကို ကာကွယ်ဆေးထိုးပေးပြီး အသိပညာ ပေးဟောပြောပွဲလေးတွေ လုပ်သွား ဖို့ စီစဉ်နေပါတယ်''ဟု တိရစ္ဆာန် မွေးမြူရေးနှင့် ကုသရေးဦးစီးဌာနမှ မြို့နယ်ဦးစီးမှူး ဒေါက်တာကျော်ဝင်း က ပြောသည်။

သေဆုံးသွားသော နွားသုံးကောင် မှာ သားဆယ်ကြိမ်ကျပြီး နွားမကြီးတစ်ကောင်(ယခုမျိုးခြောက်လခန့်ရှိ)၊ နှစ်လသားအရွယ် သားကျပြီးစ နွား မတမ်းတစ်ကောင်နှင့် နွားပိုက်ကလေး တစ်ကောင်ဖြစ်ကြောင်း သိရသည်။ နွားပိုင်ရှင်များမှာ အောင်မင်္ဂလာ ရပ်ကွက်အနီးမှ အိမ်ခြေ ၃ဝ ခန့်ရှိ သော ကြွယ်ဝတောင်ကျေးရွာလေးမှ ဖြစ်ကြပြီး ယခင်က နွားခြောက် ကောင်ပိုင်ဆိုင်ကြောင်း သိရသည်။
''ကျွန်တော်တို့ နွားတွေကို နေပူ လွန်းလို့ အိမ်မှာတင် တစ်နေကုန်ချည် ထားတာပါ။ ညနေ ခြောက်နာရီ လောက်မှ လွှတ်လိုက်တာ၊ နောက်နေ့ မနက်ရောက်တော့ နွားတွေသေနေ လို့ လာကြည့်လှည့်ကြဦးခေါ်လို့ သိရ တာပါ။ အရင်ကတော့ ထောင့်သန်း ရောဂါကာကွယ်ဆေးလည်း တစ်ခါမှ မထိုးခဲ့ဖူးပါဘူး။ လွှတ်လိုက်တုန်းက လည်း နွားတွေအကုန်လုံး လန်းလန်း ဆန်းဆန်းပါပဲ။ ဘာရောဂါလက္ခဏာမှ မပြပါဘူး။ သေမှသာ ဆရာဝန်က ထောင့်သန်းရောဂါနဲ့ သေတာလို့ ပြောလို့သိရတာ။ အိမ်တောင် ပြန်မယူ ရပါဘူး။ စည်ပင်ကားကြီးနဲ့ သယ် သွားပြီး သုသာန်မှာ မြေမြှုပ်လိုက်တာ ပါ။ နွားမကြီးက မျိုးခြောက်လလောက် ရှိနေပြီ။ အရင်လည်း ဆယ်သား ကျပြီးသားပါ။ နွားမတမ်းကတော့ ပြီးခဲ့တဲ့နှစ်လကမှ တစ်သားကျထား တာ။ နွားထီးလေးကတော့ အငယ် လေးပါ''ဟု ကြွယ်ဝတောင်ကျေးရွာ လေးမှ နွားပိုင်ရှင် ဦးမြသန်းက ပြောသည်။

အဆိုပါ ကျေးရွာငယ်လေးတွင် နွားအကောင် ၂ဝ ခန့်သာရှိပြီး မွေးမြူရေးနှင့် ကုသရေးဦးစီးဌာနမှ ထောင့်သန်းရောဂါ ကာကွယ်ဆေး ထိုးနှံပေးခြင်းနှင့် ပညာပေးဟောပြော ခြင်းများ ဆောင်ရွက်သွားရန် စီစဉ် လျက်ရှိကြောင်း သိရသည်။

နေအောင်(ပြန်/ဆက်)
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ