အစိုးရသစ် အရည်အချင်းရှိသလား


အမျိုးသားဒီမိုကရေစီအဖွဲ့ချုပ် (NLD) ရွေးကောက်ပွဲတွင် အပြတ် အသတ် အနိုင်ရသည့်အခါ ဆန္ဒမဲပေးသူပြည်သူလူထုတို့ ဝမ်းမြောက် ဝမ်းသာ ဖြစ်ကြ သည်။NLD ၏ အောင်ပွဲသည် မိမိတို့၏ အောင်ပွဲဟု ထပ်တူမှတ်ယူကြသကဲ့သို့ NLD အစိုးရ သစ်ပေါ်ထွက်လာမည့် နေ့ရက်ကိုလည်း စိတ်ရှည် လက်ရှည်
စောင့်မျှော်ကြသည်။

သို့သော် တစ်ဖက်တွင်လည်း မေးခွန်းထုတ်သံတစ်ခု ကြားလာရသည်။
အဲဒါက အစိုးရ လုပ်မည့်သူတွေအရည်အချင်းရှိသလား ဟူ၍ ဖြစ်သည်။
မေးခွန်း ထုတ်သူများကNLDကို မယုံကြည်သူ၊NLDအစိုးရတက်လာမည်ကို မနှစ်သက်သူတွေဖြစ်သည်။

သူတို့မေးခွန်း ကြောင့်NLDလိုလားသော ပြည်သူအချို့ထဲမှာပါ စိုးရိမ်ပူပန်မှု များ ရှိခဲ့သည်။

အကြောင်းက တစ်ခါမှ အုပ်စိုးသူမဖြစ်ဖူးဘဲ နှစ်ပေါင်း များစွာ အတိုက်အခံ ဘဝမှာ နေလာသူတွေသည် အစိုးရအလုပ်ကို လုပ်နိုင်ပါမည်လား၊ လုပ်ကော လုပ်တတ်မည်လား ဟူသော ဆင်ခြေကန် စဉ်းစားနည်းကြောင့် ဖြစ်သည်။
စင်စစ်နိုင်ငံရေးသမားဆိုသည်မှာ အာဏာမရသည့်အခါ အတိုက် အခံဖြစ်သော်လည်း အာဏာရအောင် လုပ်နိုင်လျှင်ကား အစိုးရအလုပ်ကို လုပ်နိုင်စမြဲဖြစ်သည်။


နှစ်တစ်ရာကျော် ကိုလိုနီနယ်ချဲ့အောက်မှာ ကျွန်ဘဝ ကျရောက်ခဲ့သည့် မြန်မာတွေ လွတ်လပ်ရေးရသည့်အခါ ကိုယ့်မင်း ကိုယ့်ချင်း၊ ကိုယ့်တိုင်းပြည်နှင့် ကိုယ့်အစိုးရဖြစ်လာခဲ့သည် မဟုတ်လား။ တို့ဗမာတွေ အစိုးရမလုပ်ဖူးလို့ လုပ်တတ်သော နယ်ချဲ့များကိုပဲ ဆက်လက်အပ်နှံထားရမည်ဟု ဘယ်သူစဉ်းစား ဖူးသလဲ။

ယခုလည်း ထိုနည်းအတိုင်းပါပဲ။ ယခင် မအုပ်စိုးဖူးသော် လည်း ယခုတော့ပြည် သူက တင်မြှောက်သဖြင့် အစိုးရလုပ်ကြ တော့မည်။ အရေးကြီးတာ တိုင်းပြည် အတွက်ထားရှိသည့် စေတနာ ပါပဲ။ သို့သော် ထားပါတော့။ မေးမြန်း သူတို့ ပြောသော စကား ကို ပြန်ကောက်ပါမည်။

NLDတွေမှာ ဘာအရည်အချင်းရှိသလဲ။

NLDမှာ ကြီးမားသောအရည်အချင်းနှစ်ရပ် ရှိပါသည်။

တစ် ။ နှစ်ပေါင်းများစွာ ချေမှုန်းတိုက်ဖျက်သည့်ကြားက၊ စိတ်ဓာတ်မပျက်၊ လမ်းစဉ် မပျက်၊ အဖွဲ့အစည်းမပျက်အောင် ကြံ့ကြံ့ခံရပ်တည်နိုင်ခဲ့သည့် ဇွဲသတ္တိ ရှိသည်။

နှစ် ။ အခြေအနေ အခွင့်အခါပေးသည်နှင့် တစ်ပြိုင်နက် စုစည်းညီညွတ်စွာ စည်းရုံးလှုပ်ရှားကာ အောင်ပွဲရယူနိုင်သော အစွမ်းသတ္တိရှိသည်။

ဇွဲနှင့်စွမ်းရည်။

အဲဒါသည်။ အားလုံးသိပြီးဖြစ်သည့် NLD၏ အရည်အချင်း များဖြစ်သည်။
အဲသည် အရည်အချင်းနှစ်ရပ်နှင့် တိုင်းပြည်အတွက်ထားရှိ သည့် စိတ်စေတနာ တို့ ပေါင်းစပ်ကာ NLD အစိုးရ တာဝန်ယူ ဆောင် ရွက်ကြတော့ မည်။


သို့သော် လက်တွေ့လောကကတော့ စိတ်စေတနာတို့ အရည် အချင်းတို့ထက် အကျိုးရ လဒ်ကို ကြည့်ကာသာ အစိုးရသစ်၏ စွမ်းရည်ကို အကဲဖြတ်ကြ မည်ဖြစ်သည်။

သည်တွင်၊ မျှတစွာ အကဲဖြတ်မည့်သူတို့အတွက် တိုင်းတာ ရန် စံ-ပေတံနှစ်ခု ရှိသည်ဟု မြင်ပါသည်။ တစ်ခုက၊ ယခင်နှစ် ၅ဝ ကာလတစ်လျှောက် တိုင်းပြည် ကို စီမံအုပ်ချုပ်ခဲ့သည့် အစိုးရအဆက်ဆက်တို့၏ စွမ်းရည်ဖြစ်သည်။ ထိုအစိုးရ အဆက် ဆက်တို့ တိုင်းပြည်တိုးတက်အောင် မည်မျှလုပ်ဆောင်နိုင်ခဲ့ပါ သလဲ။ အဲဒါ သည် နှိုင်းယှဉ်တိုင်းတာစရာ စံ တစ်ခုဖြစ်သည်။

နောက်စံ-ပေတံတစ်ခုကတော့ ပြည်သူအသိအမှတ်ပြုမှု ဖြစ်သည်။ အစိုးရသစ်၏ ဆောင်ရွက်မှုတွေအပေါ် ၄င်းအား တစ်ခဲနက် ရွေးချယ် တင်မြှောက် ခဲ့သည့် ပြည်သူတွေ ကျေနပ်အားရမှုရှိသလား မရှိဘူးလား ဟူသော အချက်ဖြစ်သည်။

အဆိုပါ ဒုတိယ ပေတံသည်ပင် အစိုးရသစ်အရည်အချင်းရှိမရှိ အကဲဖြတ်နိုင် မည့် ပို၍အရေးကြီးသော စံ-ပေတံဖြစ်သည်ဟု ဆိုချင်သည်။

MOI Webportal Myanmar
https://www.facebook.com/MOIWebportalMyanmar
အစိုးရသစ် အရည်အချင်းရှိသလား  အစိုးရသစ် အရည်အချင်းရှိသလား Reviewed by THITHTOOLWIN on 09:00 Rating: 5
Powered by Blogger.