နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်နှင့် တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီး မစ္စတာဝမ်ယိတို့ တွေ့ဆုံ

နေပြည်တော်၊ ဧပြီ ၅

တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီး မစ္စတာဝမ်ယိ သည် နှစ်နိုင်ငံ ချစ်ကြည်ရေး ခရီးစဉ်အဖြစ် မြန်မာနိုင်ငံသို့ ယနေ့ရောက်ရှိပြီး မွန်းလွဲ ၃ နာရီခွဲ တွင် နေပြည်တော် ရှိ နိုင်ငံခြားရေးဝန်ကြီးဌာန အစည်းအဝေးခန်းမ ၌ နိုင်ငံခြားရေး ဝန်ကြီးဌာန ပြည်ထောင်စု ဝန်ကြီး ဒေါ်အောင်ဆန်း စုကြည်နှင့် တွေ့ဆုံသည်။

ထိုသို့တွေ့ဆုံစဉ် တရုတ်-မြန်မာချစ်ကြည်ရေး ပိုမိုခိုင်မြဲစေရေးနှင့် နှစ်နိုင်ငံ ပြည်သူများ အကျိုးဖြစ်ထွန်းစေရေး ကိစ္စရပ်များ ကို ဆွေးနွေးကြသည်။

နှစ်နိုင်ငံ နိုင်ငံခြားရေးဝန်ကြီးများ တွေ့ဆုံမှုအပြီးတွင် သတင်းစာရှင်းလင်းပွဲ ကို အဆိုပါ ဝန်ကြီးဌာန၌ ဆက်လက်ကျင်းပရာ ပြည်ထောင်စု ဝန်ကြီး ဒေါ်အောင်ဆန်းစုကြည်က ယခုအချိန်တွင် တရုတ်နိုင်ငံ နိုင်ငံခြားရေး ဝန်ကြီးကို ကြိုဆိုနိုင်ခဲ့သည့် အတွက် ဝမ်းသာ ပါကြောင်း၊ မိမိတို့ အစိုးရသည် သက်တမ်းအားဖြင့် တစ်ပတ်သာ ရှိသေးကြောင်း၊ ယခုကဲ့သို့ အချိန်တိုကာလ အတွင်း လာရောက်လည်ပတ်သည့် အတွက် နှစ်နိုင်ငံကြားချစ်ကြည်ရေး ကို ဖော်ဆောင်သည်ဟု ယူဆကြောင်း၊ မိမိတို့သည် အိမ်နီးချင်းနိုင်ငံဖြစ် သည်နှင့် အမျှ နှစ်နိုင်ငံဆက်ဆံရေးသည် အရေးကြီးကြောင်း၊ နိုင်ငံရေး အရသာမက လူမှုရေး၊ စီးပွားရေးအရပါ အရေးကြီးကြောင်း၊ ထိုကဲ့သို့ အရေးကြီးမှုကို တရုတ်နိုင်ငံအနေဖြင့်လည်း အသိအမှတ်ပြုသည်ဟု ထင်မြင် မိကြောင်း၊ မိမိတို့ အစိုးရသည် နိုင်ငံခြားရေးမူဝါဒအရ တစ်ကမ္ဘာလုံးနှင့် ခင်မင်ရင်းနှီး စွာ ပူးပေါင်းဆောင်ရွက်လိုပါကြောင်း၊ တစ်ကမ္ဘာလုံး ခင်မင် ရင်းနှီးစွာဖြင့် ငြိမ်းချမ်း ရေးအတွက်၊ လူသားများ၏ တိုးတက်ဖွံ့ဖြိုးရေး အတွက် ဆောင်ရွက် သည့်နေရာတွင် အိမ်နီးချင်းနိုင်ငံများကလည်း ပူးပေါင်းဆောင်ရွက်မည်ဟု ယုံကြည်ပါကြောင်း၊ ထို့ကြောင့် ယခုကဲ့သို့ အချိန်ကာလတွင် တရုတ်နိုင်ငံ နိုင်ငံခြားရေးဝန်ကြီးက လာရောက်ဂုဏ်ပြု သည့်အတွက်၊ မြန်မာအစိုးရကို ဆုမွန်ကောင်းများ တောင်းပေးသည့်အတွက် မိမိ အနေဖြင့် ကျေးဇူး တင်ရှိပါကြောင်း ပြောကြားသည်။

ဆက်လက်၍ မစ္စတာဝမ်ယိက အစိုးရသစ်ပေါ်ပေါက်လာပြီး မြန်မာနိုင်ငံ ၏ နှစ်သစ်ကူး အခါသမယတွင် ပြည်ထောင်စုဝန်ကြီး ဒေါ်အောင်ဆန်းစုကြည်၏ ဖိတ်ကြားချက်အရ လာရောက်လည်ပတ်ခွင့်ရခဲ့ပါကြောင်း၊ ထိုကဲ့သို့ လာရောက်လည်ပတ်ခွင့် ရသည့်အတွက် ဝမ်းမြောက်ဝမ်းသာ ဖြစ်မိ ပါကြောင်း၊ နှစ်နိုင်ငံဆက်ဆံရေးနှင့် နှစ်နိုင်ငံ ပြည်သူလူထုအကြား ချစ်ကြည်ရင်းနှီးမှုကို ပြသနေပါကြောင်း၊ တရုတ်နိုင်ငံသည် တရုတ်-မြန်မာ ချစ်ကြည်ရင်းနှီးမှုကို အလေးထားပါကြောင်း၊ တရုတ်နိုင်ငံသည် မြန်မာနိုင်ငံ၏ အိမ်နီးချင်းနိုင်ငံဖြစ်ပြီး ဆက်လက်၍ လည်း နှစ်နိုင်ငံဆက်ဆံရေး ကို မြှင့်တင်သွားမည်ဖြစ်ပါကြောင်း။

မိမိတို့ နှစ်ဦးတွေ့ဆုံရာတွင် မြန်မာနိုင်ငံတွင် အစိုးရအပြောင်းအလဲရှိသော်လည်း ချစ်ကြည်ရေး မူဝါဒဖြင့်သာ ဆောင်ရွက်သွား မည်ဖြစ် ပါကြောင်း၊ နှစ်နိုင်ငံ ဆက်ဆံရေးသည် ပြေလည်မှု ရှိသော၊ ရေရှည်ဖြစ်သော၊ စဉ်ဆက်မပြတ်ရှိသော ချစ်ကြည်ရေး ဖြစ်ပါကြောင်း၊ တရုတ်နိုင်ငံ သည် မြန်မာနိုင်ငံ၏ ပြည်တွင်းရေးကိစ္စများကို ဝင်ရောက်စွက်ဖက် မည်မဟုတ် ပါကြောင်း၊ မြန်မာနိုင်ငံ ပြည်သူလူထု၏ မှန်ကန်သော ရွေးချယ် မှုများကို ထောက်ခံ ပါကြောင်း၊ မြန်မာနိုင်ငံ၏ အမျိုးသား ရင်ကြားစေ့ရေး ဖြစ်စဉ်ကိုလည်း ထောက်ခံပါကြောင်း၊ အစိုးရသစ်လက်ထက် တွင် တည်ငြိမ်မှန်ကန် သော လမ်းကြောင်းကို လျှောက်လှမ်းနိုင်မည်ဟု ထင်မြင်မိပါကြောင်း။

နှစ်နိုင်ငံ စီးပွားရေးကဏ္ဍတွင် အပြန်အလှန် အထောက်အကူပြုနိုင် ပါကြောင်း၊ မြန်မာနိုင်ငံ စီးပွားရေးဖွံ့ဖြိုးတိုးတက်မှု ဆောင်ရွက်ချက်များတွင် လည်းကောင်း၊ မြန်မာပြည်သူများ၏ လူနေမှုဘဝမြှင့်တင်ရာတွင် လည်းကောင်း ဆက်လက်ပူးပေါင်း ဆောင်ရွက်သွား မည်ဖြစ်ပါကြောင်း၊ တရုတ်နိုင်ငံသည် မြန်မာနိုင်ငံ၏ အရှည်ကြာဆုံး မိတ်ဖက်နိုင်ငံ လည်းဖြစ်ပါကြောင်း၊ မြန်မာနိုင်ငံဘက်မှ တရုတ်နိုင်ငံအပေါ် ထားရှိသည့် ချစ်ကြည်ရင်းနှီးမှုကို ချီးကျူးပါကြောင်း၊ ထိုသို့ချစ်ကြည်ရင်းနှီးမှု ဆက်လက် ရှည်ကြာ စေရန် အတွက် နှစ်နိုင်ငံ နိုင်ငံခြားရေး ဝန်ကြီးများအကြား ကျယ်ကျယ်ပြန့်ပြန့် ဆွေးနွေး ခဲ့ပါကြောင်း၊ သဘောတူညီချက်များလည်း ရရှိခဲ့ပါကြောင်း၊ နှစ်နိုင်ငံ ခေါင်းဆောင်များ ဆက်ဆံရေးကိုလည်း တိုးမြှင့်ဆောင်ရွက်သွားမည်ဖြစ်ပါကြောင်း၊ စီးပွားရေးကဏ္ဍ တွင်လည်း ပူးပေါင်းဆောင်ရွက်မှု များကို ဆက်လက်ဆောင်ရွက်သွားမည်ဖြစ်ပါကြောင်း၊ ရှင်းလင်းပြောကြားသည်။

ထို့နောက် သတင်းမီဒီယာများ၏ သိရှိလိုသော မေးခွန်းများ အပေါ် နှစ်နိုင်ငံ နိုင်ငံခြားရေး ဝန်ကြီးများက ပြန်လည် ရှင်းလင်းဖြေကြားခဲ့ကြသည်။

MOI Webportal Myanmar
https://www.facebook.com/MOIWebportalMyanmar/