တာချီလိတ်မြို့နယ်ရှိ ကျထီးနားကျေးရွာတွင် တောင်ယာမီးမှတဆင့် မီးလောင်မှုဖြစ်ပွား


တာချီလိတ် ဧပြီ ၁၁

ရှမ်းပြည်နယ်(အရှေ့ပိုင်း) တာချီလိတ်မြို့နယ်၊ လွယ်တော်ခမ်းကျေးရွာအုပ်စု၊ ကျထီးနားကျေးရွာတွင် ယနေ့ ညနေ ၅နာရီ ၀န်းကျင်က မီးလောင်ကျွမ်းမှုဖြစ် ပွားရာ နေအိမ်(၁၃)လုံးနှင့် ဘုရားရှိခိုးကျောင်း (၁)ကျောင်း မီးလောင် ကျွမ်းခဲ့ကြောင်း သိရသည်။


တောင်ယာမီးရှို့ရာမှတဆင့် မီးပွားကျကာ မီးလောင်ကျွမ်းခဲ့ခြင်းဖြစ်ပြီး၊ မီးလောင်မှု ဖြစ်ပွားရာသို့ တပ်နယ်မှ အရာရှိစစ်သည် များနှင့် ပြည်သူ့စစ် အဖွဲ့ဝင်များက ၀ိုင်းဝန်းကူညီ ငြှိမ်းသတ်ခဲ့သည်။ မီးလောင်မှု ကြောင့် လူနေအိမ် (၁၃)လုံး၊ ခရစ်ယာန်ဘုရားကျောင်း (၁)ကျောင်း မီးလောင် ကျွမ်းခဲ့ပြီး၊ ကျား(၂၃)ဦး နှင့် မ(၁၇)ဦး စုစုပေါင်း လူဦးရေ (၄၀)ဦး အိုးမဲ့ အိမ်မဲ့ ဖြစ်ခဲ့သည်။


အဆိုပါ မီးဘေးသင့် ပြည်သူများအား ယင်းကျေးရွာတွင် ယာယီ ကယ်ဆယ်ရေး စခန်း ဖွင့်လှစ်ထားရှိပြီး၊ မြို့နယ် အုပ်ချုပ်ရေးမှူး ဦးထွန်းဝင်းအောင်နှင့် တာဝန်ရှိသူများက လိုအပ်သည်များ သွားရောက် ကူညီဆောင်ရွက် ပေးလျက်ရှိသည်။ မီးလောင်မှု ဖြစ်ပွားသည့် ကျေးရွာသည် တာချီလိတ်-မိုင်းဆတ် သွားလမ်းပေါ်ရှိ ကြိုးတံတား ကျေးရွာမှ (၄) မိုင်ကျော်ကွာဝေးပြီး သွားလာရခက်ခဲသည့်ကျေးရွာဖြစ်ကြောင်းသိရသည်။

ခရိုင်ပြန်/ဆက်
MOI Webportal Myanmar
https://www.facebook.com/MOIWebportalMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ