ဟိန္ဒူဘုရားကျောင်း အမျိုးသမီးဝင်ရောက်ခွင့် ပြဿ နာ

အိန္ဒိယ အမျိုးသမီးအခွင့်အရေး လှုပ်ရှားသူများ
အိန္ဒိယနိုင်ငံအနောက်ဘက် ဟိန္ဒူဘုရားကျောင်းတခုမှာ အမျိုးသမီးများ-မ၀င်ရလို့ တားမြစ်ထားတဲ့နေရာတခုကို ၀င်ဖို့ကြိုးစားခဲ့တဲ့ အမျိုးသမီး အခွင့်အရေးလှုပ်ရှားသူ အယောက် ၃၀ လောက်ကို ရာပေါင်းများစွာသော ဒေသခံရွာသားတွေက စနေနေ့မှာ တားဆီးခဲ့ကြပါတယ်။

အမျိုးသမီးတွေ လွတ်လပ်စွာ ၀တ်ပြုဆုတောင်းမှုကို ရာစုနှစ်နဲ့ချီပြီး တားမြစ်ထားတဲ့ အစဉ်အလာကို ပယ်ဖျက်တဲ့အနေနဲ့ Maharashtra ပြည်နယ်က ဘုရားကျောင်းတွေကို အမျိုးသမီးတွေ ၀င်ထွက်ခွင့်ရှိတယ်ဆိုပြီး မွန်ဘိုင်း တရားရုံးတခုက အမိန့်ချမှတ်ခဲ့ပြီး တရက်အကြာမှာ အခုလို လုပ်ဆောင်လာတာဖြစ်ပါတယ်။

ဟိန္ဒူဘုရားကျောင်းထဲ အမျိုးသမီးတွေ ၀င်ရောက်တာကို တားမြစ်တာဟာ ရာဇ၀တ်မှုဖြစ်တယ်လို့ ၁၉၅၆ ခုနှစ်မှာ ဥပဒေပြဌာန်းထားပေမယ့်Maharashtra ပြည်နယ်ထဲက Shani Shingnapur ဘုရားကျောင်းဝင်းထဲကို ၀င်ရောက်ခဲ့တဲ့ အမျိုးသမီးရေးလှုပ်ရှားသူတွေကို ဘုရားကျောင်း ဂေါပကနဲ့ ရွာသားတွေက တားမြစ်ခဲ့ကြပါတယ်။ ဒေသခံအာဏာပိုင်တွေက အမျိုးသမီးတွေရဲ့ လုံခြုံရေးအတွက် သူတို့ကို မီတာ ၁၀၀ လောက်ထိ နေရာရွှေ့ခဲ့ပါတယ်။

အိန္ဒိယနိုင်ငံက ၀တ်ပြုဆုတောင်းတဲ့ နေရာတွေမှာ အမျိုးသမီးတွေဝင်ရောက်ခွင့်ကို တားမြစ်ထားဆဲဖြစ်ပြီး မွန်ဘိုင်းက မူဆလင် ဘုရားကျောင်းဖြစ်တဲ့ Haji Ali Dargah နဲ့ Kerala က ဟိန္ဒူ Sabarimala ဘုရားကျောင်းတို့လဲ ပါဝင်ပါတယ်။

ဗွီအိုအေ (မြန်မာဌာန)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ