သစ်တင်ကား တိမ်းမှောက်၍ သစ်လုံးများပိကာ လူ(၆)ဦး သေဆုံး

စေတုတ္တရာ ဧပြီ ၂၇

မင်းဘူးခရိုင်၊စေတုတ္တရာမြို့နယ်တွင် ဧပြီလ (၂၇)ရက်နေ့ နံနက်(၀၃း၁၅)နာရီတွင် သစ်လုံးများတင် ဆောင်သည့် (၆)ဘီးယာဉ်ကားတစ်စီးတိမ်းမှောက်၍ သစ်လုံးများပိကာ လူ(၆)ဦး သေးဆုံးခဲ့သည်။

ဖြစ်စဉ်မှာ ဧပြီလ(၂၇)ရက်နေ့ နံနက်(၃)နာရီခန့်က ယာဉ်မောင်း သန်းဇော်ဦး(သ)၄၀နှစ်၊(ဘ) စီစစ်ဆဲ ရေနံချောင်းမြို့နယ်နေသူ မောင်းနှင်လာသည့် ဆ/၈၉၆၄ (၆)ဘီး GMS ခေါင်းရှည်ယာဉ်သည် စေတုတ္တမြို့နယ် တပွင်နယ်မြေရဲစခန်းပိုင် ဟန်ဒေါက်ကျေးရွာအုပ်စု အလယ်ဟန်ဒေါက်ကျေးရွာမှ သစ်လုံးများ တင်ဆောင်လာပြီး ပွင့်ဖြူမြို့နယ် ကျောင်းကုန်းကြီးကျေး ရွာသို့ သယ်လာစဉ် စလင်း-စေတုတ္တရာကားလမ်း မိုင်တိုင်အမှတ် (၂၄/၄)ဖာလုံခန့် အရောက်တွင် အရှိန်လွန်ပြီး လမ်းဘေးတောင်စောင်းကို ၀င်တိုက်ကာ ပက်လက်လန် တိမ်းမှောက်ခဲ့သည်။

အဆိုပါဖြစ်စဉ်ကြောင့် သစ်လုံးတင်ကားပေါ်တွင်လိုက်ပါလာသည့် ပွင့်ဖြူမြို့နယ်၊ကျောင်းကုန်းကြီး ကျေးရွာ တွင်နေထိုင်ကြသည့် စည်သူ(အသက်-၂၅နှစ်)(ဘ)ဦးမြင့်ဝေ၊နောက်စေ့ကြေမွဒဏ်ရာ၊ ကျော်မင်းအောင်(အသက်-၂၀နှစ်)(ဘ) ဦးစိန်မောင်၊ဘယ်ခြေသလုံးကျိုး၊ခန္ဓာကိုယ်ပိပြားဒဏ်ရာ၊ ဝေသူကျော် (အသက်-၂၀နှစ်)(ဘ)ဦးမြင့်ဝေ၊ညာပေါင်ကျိုး၊ခန္ဓာကိုယ်ပိပြားဒဏ်ရာ၊ အောင်ကိုဦး(အသက်-၂၁နှစ်)(ဘ) ဦးခင်မောင်မြင့်၊ ဒူးအဆစ်နားခြေ(၂)ချောင်းလုံးပြတ်၊ခန္ဓာကိုယ်ပိပြားဒဏ်ရာ၊ရဲနိုင်ထွန်း(အသက်-၁၈နှစ်)(ဘ)ဦးဇော်နိုင်ထွေး၊ ညာလက်မောင်းရင်းကျိုး၊ခန္ဓာကိုယ်ပိပြားဒဏ်ရာ ရဲမင်းနိုင်(အသက်-၂၀နှစ်)(ဘ)ဦးခင်မောင်လှ၊ ခန္ဓာကိုယ် ပိပြားဒဏ်ရာ၊တို့ဖြင့် အခင်းဖြစ်နေရာတွင် သေဆုံးခဲ့သည်။

ယာဉ်မောင်း သန်းဇော်ဦးမှာ ဒဏ်ရာမရရှိဘဲ တိမ်းရှောင်ထွက်ပြေးသွားသဖြင့် ဥပဒေအရဖမ်းဆီးအရေးယူနိုင်ရန် စေတုတ္တရာမြို့နယ် ရဲစခန်းမှ ကြိုးပမ်းဆောင်ရွက်လျက်ရှိကြောင်းသိရှိရသည်။

MOI Webportal Myanmar
https://www.facebook.com/MOIWebportalMyanmar