မိုးမိတ္၌ မိုးသက္ေလျပင္းမ်ားတိုက္ခတ္ၿပီး မိုးသီးမ်ားေႂကြက်


မိုးမိတ္၊ ဧၿပီ ၂၂

မိုးမိတ္ခ႐ိုင္ မိုးမိတ္ၿမိဳ႕တြင္ ဧၿပီ ၂၂ ရက္ ညေန(၃)နာရီ ၄၀မိနစ္ မွစတင္၍ (၁၀)မိနစ္ခန္႔ ၾကာမၽွ ေလျပင္းမ်ား တိုက္ခတ္ၿပီး ကြမ္းသီးလုံးခန္႔မိုးသီး မ်ားေႂကြက်ကာ မိုးသည္းထန္ စြာ႐ြာသြန္းခဲ့သည္။

အဆိုပါျဖစ္စဥ္ေၾကာင့္ ေနအိမ္အေဆာက္အဦးအခ်ိဳ႕ မိုးသီးမွန္၍ မွန္ျပတင္း မ်ား ကြဲေၾက ပ်က္စီးျခင္း၊ ေနအိမ္အမိုးမ်ားလန္ျခင္း၊ သစ္ပင္သစ္ကိုင္း မ်ားက်ိဳးက်ျခင္း၊တယ္လီဖုန္းႀကိဳး၊ လၽွပ္စစ္မီးႀကိဳးမ်ားျပတ္ က်ျခင္းမ်ားျဖစ္ပြား ခဲ့သည္။ မိုးမိတ္ၿမိဳ႕ ဘိုးဘိုးႀကီးနတ္စဥ္ေရွ႕တြင္ ရပ္ထား ေသာ PAJERO ID အမ်ိဳးအစား ေမာ္ေတာ္ကားတစ္စီးမွာ ေညာင္ပင္ သစ္ကိုင္းပိ၍ ပ်က္စီးခဲ့သည္။

ေလျပင္းတိုက္ခတ္မႈ ျဖစ္စဥ္အၿပီးတြင္ ၿမိဳ႕နယ္မီးသတ္တပ္ဖြဲ႕ဝင္မ်ားက လဲက်ေနေသာ သစ္ပင္သစ္ကိုင္းမ်ား၊ မီးႀကိဳး၊ တယ္လီဖုန္းႀကိဳးမ်ားကို ကူညီရွင္းလင္း ဖယ္ရွားေပး ခဲ့ေၾကာင္း သိရသည္။

စည္သူေဌး(မိုးမိတ္ျပန္/ဆက္)
MOI Webportal Myanmar
https://www.facebook.com/MOIWebportalMyanmar/

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ