ဒေါ်အောင်ဆန်းစုကြည်တာဝန်ယူနေသည့် သမ္မတရုံးဝန်ကြီးဌာန၏ ပြောရေးဆိုခွင့်ရှိသူအဖြစ် မှူးဇော်ကိုခန့်အပ်

ဒေါ်အောင်ဆန်းစုကြည်ပြည်ထောင်စုဝန်ကြီးအဖြစ် တာဝန်ယူနေသည့် သမ္မတရုံးဝန်ကြီးဌာန၏ ပြောရေးဆိုခွင့်ရှိသူအဖြစ် ဦးဇော်ဌေး (ခ)မှူးဇော်အားခန့်အပ်လိုက်ပြီ ဖြစ်ကြောင်းသိရသည်။

သမ္မတရုံးဝန်ကြီးဌာန၏ ပြောရေးဆိုခွင့်ရှိသူအဖြစ်ခန့်အပ်ခံရသူ ဦးဇော်ဌေးက “ ကျွန်တော်တို့ဆီမှာတော့ နည်းနည်းထူးဆန်းတာပေါ့။ တခြားနိုင်ငံမှာလည်းအစိုးရတွေကအပြောင်းအလဲရှိနေတယ်။ကျွန်တော်တို့နိုင်ငံမှာအစိုးရအပြောင်းအလဲကအခု၂၀၁၅ ရွေးကောက်ပွဲအပြီးမှ တွေ့ရတာကိုး။၅ နှစ်တကြိမ်ရွေးကောက်ပွဲက ရှိနေမှာပဲ။

အစိုးရအဖွဲ့တွေကလည်း၅ နှစ်တစ်ကြိမ် ပြောင်းနေမှာပဲ။ နိုင်ငံဝန်ထမ်းတွေကတော့ ပေးအပ်တဲ့တာဝန်ကို ကျေပွန်အောင် အငြိမ်းစားမယူခင်ထမ်းဆောင်သွားဖို့ပါပဲ။ဒါတွေက နိုင်ငံတကာမှာတော့ မထူးဆန်းဘူးပေါ့။ဒီမှာတော့ အခုမှ NLD အစိုးရအပြောင်းအလဲမှာ နည်းနည်းထူးဆန်းသလိုဖြစ်နေတယ်။

ပရောဖက်ရှင်နယ် နိုင်ငံဝန်ထမ်းအရကြည့်မယ်ဆိုရင်တော့ နောင်လည်း ဒီပုံစံအတိုင်းသွားမှာပေါ့” ဟု ဆိုသည်။၎င်းအနေဖြင့် ချမှတ်ထားသည့် မူဝါဒများနှင့်အညီတာဝန်ကျေပွန်အောင်ဆောင်ရွက်မည်ဖြစ်ပြီး ဒေါ်အောင်ဆန်းစုပါတီဥက္ကဌတာဝန်ယူထားသည့်NLDပါတီပါတီကိစ္စများကို ပြောဆိုခွင့်မရှိသကဲ့သို့ နိုင်ငံခြားဝန်ကြီးဌာန နှင့်ဆက်စပ်သည့်အရေးကိစ္စများကိုလည်း ပြောရေးဆိုခွင့်မရှိကြောင်းသမ္မတရုံးဝန်ကြီးဌာန၏ကိစ္စရပ်များကိုသာ ပြောဆိုသွားမည်ဖြစ်ကြောင်း ဦးဇော်ဌေးကပြောသည်။

ထိုပြင် သမ္မတရုံးဝန်ကြီး ဒေါ်အောင်ဆန်းစုကြည်၏ လမ်းညွှန်ချက်အရ သမ္မတအိမ်တော်သတင်းထောင်များနှင့်လည်း ၂ ပတ်တစ်ကြိမ်တွေ့ဆုံကာ ရှင်းလင်းပွဲ ပြုလုပ်သွားမည်ဖြစ်ကြောင်းသိရသည်။

၎င်းသည်ယခင်သမ္မတဟောင်းဦးသိန်းစိန်အစိုးရလက်ထက်တွင် နိုင်ငံတော်သမ္မတရုံး၏ ဒုတိယညွှန်ကြားရေးမှူးတစ်ဦးအဖြစ်ထမ်းဆောင်ခဲ့သည်။

လင်းလင်းအောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal