သင်္ကြန်တွင် ယာဉ်မောင်းများအား Alcohol Tester ဖြင့် တိုင်းတာစစ်ဆေးမည်


 ရန်ကုန်တိုင်းဒေသကြီး၊ သင်္ကြန်ကာလအတွင်း ယာဉ်မောင်းသူများအား အရက်မူတိုင်း ကိရိယာ (Alcohol Tester) ဖြင့် တိုင်းတာ စစ်ဆေးသွားမည်ဖြစ်ကြောင်း ရန်ကုန်တိုင်းဒေသကြီး ယာဉ်စည်းကမ်း ထိန်းသိမ်းရေးကြီးကြပ်မှု ကော်မတီထံမှ သိရသည်။

“အဓိက ယာဉ်မတော်တဆမှုတွေ မဖြစ်အောင် ယာဉ်မောင်းတွေကို အရက်သေစာ သောက်စားတာ ရှိ မရှိ စစ်ဆေးမယ်။ စစ်လို့မှ တွေ့ရင် ထိရောက်စွာ အရေးယူမယ်”ဟု ရန်ကုန်တိုင်းဒေသကြီး ယာဉ်စည်းကမ်း ထိန်းသိမ်းကြီးကြပ်မှု ကော်မတီမှ တာဝန်ရှိသူတစ်ဦးက ပြောသည်။

သင်္ကြန်ကာလအတွင်း စည်းကမ်းဖောက်ဖျက်မှုမျုားကိုလည်း CCTV ကင်မရာများ၊ လမ်းဆုံလမ်းခွများ တွင် ရိုက်ကူးပြီး ထိရောက်စွာ အရေးယူဆောင်ရွက်သွားမည်ဖြစ်ကြောင်း သိရသည်။

ယင်းနောက် လမ်းလယ်၌ မော်တော်ယာဉ် စက်ပျက်၍ ရပ်ထားပါက ကရိန်းယာဉ်ဖြင့် ဆွဲယူမည်ဖြစ်ပြီး၊ ယာဉ်မောင်းများလိုက်နာရန်အတွက် စည်းကမ်းချက် (12)ချက် ထုတ်ပြန်ထားကြောင်း သိရသည်။

အဆိုပါ စည်းကမ်းချက်များမှာ ပြိုင်မမောင်းရ၊ အိတ်ဇောပိုက်ဖြုတ် မမောင်းရ၊နံပါတ်ပြားမရှိဘဲမမောင်းရ၊ ဘေးတံခါးများ၊ နောက်ဖုံးများ ဖြုတ်မမောင်းရ၊ လိုင်စင်နှင့် ၀ှီးတတ်မပါဘဲ မမောင်းရ၊ ဟွန်းသံကင်းမဲ့ ဇုန်တွင် ဟွန်းမတီးရ၊ နိုင်ငံတကာအလံများ တပ်ဆင်၍ မမောင်းရ၊ ၀န်အလေးချိန်ထက် ပိုမိုတင်ဆောင်ခြင်း မပြုရစသည်တို့ဖြစ်ကြောင်း ယာဉ်စည်းကမ်းထိန်းသိမ်းရေး ကြီးကြပ်ရေးကော်မတီထံမှ သိရသည်။

Messenger News Journal
https://www.facebook.com/Messenger-News-Journal
သင်္ကြန်တွင် ယာဉ်မောင်းများအား Alcohol Tester ဖြင့် တိုင်းတာစစ်ဆေးမည်  သင်္ကြန်တွင် ယာဉ်မောင်းများအား Alcohol Tester ဖြင့် တိုင်းတာစစ်ဆေးမည် Reviewed by THITHTOOLWIN on 11:00 Rating: 5
Powered by Blogger.