ကင်ဆာဖြစ်စေနိုင်သည့် ဓာတုပစ္စည်းများပါဝင်သော Johnson & Johnson ကလေးပေါင်ဒါမှုန့်ကို မြန်မာ FDA မှ အရေးမယူမှုသေး

Photo - ရန်ကုန်မြို့ ကုန်တိုက်တခုတွင် Johnson&Johnson ကလေးသုံးပစ္စည်းများ ခင်းကျင်းထားသည်ကို မတ် ၁၀ ရက်နေ့က တွေ့ရပုံ
“အမေရိကားမှာ မကောင်းတာတော့ မပြောနဲ့။ ဒီမှာတခုခုဖြစ်ရင် တိုင်တဲ့သူလည်း မရှိသေးဘူး။ တိုင်ရင်တော့ စစ်ဆေးရမှာပေါ့…”

မြန်မာနိုင်ငံတွင် ရောင်းချလျက်ရှိသော Johnson & Johnson ကလေးပေါင်ဒါမှုန့်နှင့် ပတ်သက်၍ တိုင်ကြားမှုတစုံတရာမရှိသေးသည့်အတွက် ဈေးကွက်အတွင်းမှ သိမ်းဆည်းသွားရန် အစီအစဉ် မရှိ သေးကြောင်း မြန်မာနိုင်ငံ အစားအသောက်နှင့်ဆေးဝါးကွပ်ကဲရေးဦးစီးဌာန ညွှန်ကြားရေးမှူး ဒေါက်တာ စိန်သောင်းက News Watch သို့ ပြောသည်။
``Johnson & Johnson က ဒီမှာဖြစ်တာ မဟုတ်ဘူးလေ။ ဒီမှာက တိုင်တဲ့သူမရှိဘူး။ ဒီမှာလည်း သူက မှတ်ပုံ တင်ထားတယ် ကျွန်တော်တို့ဌာနမှာ ဘာမှပြဿနာ မရှိသေးဘူး။ ဒီက အဖြေကတော့ ကောင်းတယ်တဲ့ အမေရိကားမှာ မကောင်းတာတော့ မပြောနဲ့။ ဒီမှာတခုခုဖြစ်ရင် တိုင်တဲ့သူလည်း မရှိသေးဘူး။ တိုင်ရင်တော့ စစ်ဆေးရမှာပေါ့။ ဟုတ်ရင်တော့ အရေးယူရမှာပေါ့'' ဟု ၎င်းကပြောသည်။

အမေရိကန်နိုင်ငံတွင် Johnson & Johnson ကလေးပေါင်ဒါမှုန့်ကို နှစ်ရှည်လများသုံးစွဲခဲ့သည့် အမျိုးသမီးတဦး သားအိမ်ခေါင်းကင်ဆာရောဂါဖြင့် လွန်ခဲ့သည့်နှစ်က ကွယ်လွန်ခဲ့သည့်ဖြစ်စဉ်နှင့်ပတ်သက်၍ ၎င်း၏ မိသားစုက ကုမ္ပဏီကို တရားစွဲဆိုခဲ့ရာ ထိခိုက်နစ်နာကြေး အမေရိကန်ဒေါ်လာ ၁၀ သန်းနှင့် ဒဏ်ကြေး ဒေါ်လာ ၆၂ သန်း စုစုပေါင်းဒေါ်လာ ၇၂ သန်းပေးလျော်ရန် တရားရုံးက ဖေဖော်ဝါရီ ၂၂ ရက်တွင် ဆုံးဖြတ်ခဲ့သည်။ ထို့ပြင် ကုမ္ပဏီကိုယ်တိုင်ကလည်း ၎င်းတို့၏ ထုတ်ကုန်တွင် ကင်ဆာဖြစ်စေနိုင်သည့် ဓာတုပစ္စည်းများပါဝင်ကြောင်း ၀န်ခံထားသည်ဟု နိုင်ငံတကာသတင်းဌာနများ၏ ဖော်ပြချက်အရ သိရသည်။

Johnson & Johnson ကလေး ပေါင်ဒါမှုန့်ကို မြန်မာနိုင်ငံတွင်လည်း အများအပြားသုံးစွဲနေကြရာ ကင်ဆာဖြစ်စေနိုင်သည့် ဓာတုပစ္စည်းများ ပါဝင်သည်ဟူသော သတင်းများကြောင့် ပြည်သူလူထုအတွင်း စိုးရိမ်မှုများ ဖြစ်ပေါ်လျက်ရှိသည်။ ''ကင်ဆာဆိုတာ အခုသုံးလို့ အခု ထဖြစ်တဲ့ရောဂါမှမဟုတ်တာ။ အမေရိကန် FDA မှာ စစ်တာ ကင်ဆာဖြစ်စေတဲ့ ဓာတုပစ္စည်းတွေ့တယ်။ မြန်မာ FDA မှာ စစ်တာမတွေ့ဘူး။ ဒါဆိုရင် သုံးစွဲ တဲ့ကုန် ကြမ်းမတူလို့လား၊ ဘာဖြစ်လို့လဲ မြန်မာပြည်ကို ဒီပစ္စည်းတင်သွင်းတဲ့ ကုမ္ပဏီဘက်ကလည်း တခုခု ဖြေရှင်းချက်ပေးသင့်တယ်။ FDA ကလည်း အမေရိကားမှာ ဖြစ်ပေမယ့် မြန်မာနိုင်ငံမှာ မဖြစ်ဘူးဆိုတဲ့ အကြောင်း တရားဝင်ထုတ်ပြန်သင့်တယ်'' ဟု Johnson & Johnson ကလေး ပေါင်ဒါမှုန့်ကို သုံးစွဲလျက်ရှိသည့် မြောက်ဥက္ကလာပမြို့နယ်မှ ကလေးသုံးယောက် မိခင်ဒေါ်စန္ဒာကNews Watch သို့ ပြော သည်။ Johnson & Johnson ကုမ္ပဏီ၏ ကလေးပေါင်ဒါမှုန့်များနှင့် ရေချိုးဆပ်ပြာမှတဆင့် သားအိမ် ကင်ဆာဖြစ်စေသည်ဟုဆိုကာ တရားစွဲဆိုမှုသည် အမှုပေါင်း ၁၂၀၀ ခန့်ရှိကြောင်း နိုင်ငံတကာသတင်းများ အရသိရသည်။

နန္ဒမျိုးဆောင်

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ