ကွာလာလမ်ပူ ၊ ၂၅-၃-၂၀၁၆
မလေးရှား လုံခြုံရေးတာဝန်ရှိ သူများသည် ISIS အကြမ်းဖက် အဖွဲ့နှင့် ဆက်နွှယ်ဖွယ် ရှိသည့် အကြမ်းဖက် သမား ၁၃ ဦးကို ဖမ်းဆီး နိုင်ခဲ့ကြောင်း မလေးရှား ရဲတပ်ဖွဲ့ထောက်လှမ်းရေး အရာရှိချုပ် က မတ် ၂၄ ရက်တွင် ပြောကြားသည်။
မူဆလင်လူမျိုးစု အများဆုံး နေထိုင်ရာ မလေးရှား နိုင်ငံ၌ မတ် ၂၃ ရက်က နောက်ဆုံး ပြုလုပ်ခဲ့သော အကြမ်းဖက်မှု တန်ပြန် တိုက်ခိုက်ရေး စစ်ဆင်ရေးတွင် အဆိုပါ အကြမ်းဖက် သမား ၁၃ ဦးကို ဖမ်းဆီးနိုင်ခဲ့ခြင်း ဖြစ်ကြောင်း သိရသည်။
အဆိုပါ စစ်ဆင်ရေး အတွင်း မလေးရှား ရဲတပ်ဖွဲ့သည် ISIS အကြမ်းဖက် အဖွဲ့နှင့် ဆက်နွှယ်သည့် စာရွက်စာတမ်း များကိုလည်း သိမ်းဆည်း ရမိခဲ့ကြောင်း ရဲတပ်ဖွဲ့ထောက်လှမ်းရေး အရာရှိချုပ် ခါလစ် အဘူဘေကာ က ပြောကြားသည်။
ဘရပ်ဆဲလ်မြို့ တွင် ဗုံးပေါက်ကွဲမှုများ ဖြစ်ပွားပြီးနောက် အကြမ်းဖက်မှုနှင့် စပ်လျဉ်းသည့် သတင်း အနည်းငယ် ရရုံမျှဖြင့် တန်ပြန် အကြမ်းဖက်မှု လုပ်ငန်းများကို ဆောင်ရွက်ခဲ့ခြင်း ဖြစ်ကြောင်းနှင့် အမှန်တကယ် အကြမ်း ဖက် တိုက်ခိုက်မှု ဖြစ်ပေါ်လာမည့် အချိန်ကို စောင့်ဆိုင်းနေမည် မဟုတ်ကြောင်း ခါလစ် က The Star သတင်းစာနှင့် တွေ့ဆုံ မေးမြန်းခန်း ၌ ပြောကြား ထားသည်။
မလေးရှား နိုင်ငံသည် ဇန်နဝါရီ ၁၄ ရက်က အင်ဒိုနီးရှားနိုင်ငံ ဂျကာတာမြို့ တွင် ဖြစ်ပွားခဲ့သော ISIS အကြမ်းဖက် အဖွဲ့က လုပ်ဆောင်သည့် အကြမ်းဖက် တိုက်ခိုက်မှု ပြီးနောက် လုံခြုံရေး အခြေအနေ များကို တိုးမြှင့်ထားခြင်း ဖြစ်ကြောင်း သိရသည်။
PyiChitThar
http://www.pyichitthar.com
ISIS အဖွဲ့နှင့် ဆက်နွှယ်သူ ၁၃ ဦးကို မလေးရှားဖမ်းဆီး
Reviewed by THITHTOOLWIN
on
20:54
Rating: