အီရတ်စစ်ဘက်က ISIS ထိပ်တန်းခေါင်းဆောင် ရှီရှာနီ ၏ အလောင်းကို တွေ့ရှိ

ဘဂ္ဂဒက် ၊ ၂၂-၃-၂၀၁၆

အီရတ်စစ်ဘက် တပ်ဖွဲ့ဝင် များသည် ရာမာဒီမြို့ အရှေ့ဘက်ရှိ အယ်လ်ဘူအိုဘေး အရပ်၌ နယ်မြေ ရှင်းလင်းရေး လုပ်ငန်းများ ဆောင်ရွက်စဉ် ISIS စစ်သွေးကြွ အဖွဲ့၏ ထိပ်တန်း ခေါင်းဆောင် တစ်ဦး ဖြစ်သည့် အဘူအိုမာ ရှီရှာနီ ၏ အလောင်းကို တွေ့ရှိခဲ့ကြောင်း ဒေသတွင်း သတင်းဌာနက မတ် ၂၁ ရက်တွင် ဖော်ပြထားသည်။

စစ်ဆင်ရေး နယ်ပယ်တွင် အိုမာ ဟု လူသိများသော ရှီရှာနီ သည် မတ် ၄ ရက်က လုပ်ဆောင်ခဲ့သော အမေရိကန် ဦးဆောင်သည့် ညွန့်ပေါင်း တပ်ဖွဲ့၏ လေကြောင်း တိုက်ခိုက်မှု အတွင်း ဒဏ်ရာ ပြင်းထန်စွာ ရရှိကာ အဆိုပါ ဒဏ်ရာဖြင့် သေဆုံး သွားကြောင်း ပင်တဂွန် စစ်ဌာနချုပ် က ပြီးခဲ့သည့် ရက်သတ္တပတ် တွင် အတည်ပြု ပြောကြား ထားသည်။

သို့သော် ရှီရှာနီသ ည် သေဆုံးခြင်း မရှိသည့် အပြင် မည်သည့် ဒဏ်ရာမျှပင် ရရှိခြင်း မရှိဟု ISIS စစ်သွေးကြွ အဖွဲ့ကို ထောက်ပံ့သော သတင်းဌာနက ထုတ်ပြန် ခဲ့ကြောင်း သိရသည်။

အယ်လ်ဘူအိုဘေး နယ်မြေ ရှင်းလင်းရေး စစ်ဆင်ရေးတွင် ISIS စစ်သွေးကြွ အကြမ်းဖက် အဖွဲ့ဝင်များ၏ အလောင်း ၁ဝ လောင်းကို တွေ့ရှိ ခဲ့ကြောင်း၊ ယင်းတို့အနက် အလောင်း တစ်ခုသည် ISIS စစ်သွေးကြွ အဖွဲ့ ထိပ်တန်း ခေါင်းဆောင် ရှီရှာနီ ၏ အလောင်း ဖြစ်သည်ဟု အီရတ် စစ်ဘက် အရာရှိ၏ ပြောကြားမှုကို ကိုးကား၍ alsumaria TV သတင်းဌာနက ဖော်ပြ ထားကြောင်း သိရသည်။

PyiChitThar
http://www.pyichitthar.com