ဘရပ်ဆဲလ်လေဆိပ်နှင့်မြေအောက်ရထားဘူတာရုံ၌ ဗုံးပေါက်ကွဲ၊ ၃၄ ဦးသေဆုံး၊ ၁၇၀ ကျော်ဒဏ်ရာရရှိ

ဘရပ်ဆဲလ် မတ် ၂၂

ဘယ်လ်ဂျီယံနိုင်ငံ မြို့တော် ဘရပ်ဆဲလ်မြို့ရှိ နိုင်ငံတကာလေဆိပ် ၏ ထွက်ခွာနားနေဆောင်တစ်ခုတွင် မတ် ၂၂ ရက် နံနက်ပိုင်းက ဗုံးပေါက် ကွဲမှုနှစ်ခု ဖြစ်ပွားခဲ့သည်။ ယင်းပေါက်ကွဲမှု ဖြစ်ပွားခဲ့ပြီးနောက် မကြာမီအတွင်းမှာပင် မြို့လယ်ကောင် ရှိ ဥရောပသမဂ္ဂရုံးချုပ်အနီး၌ တည်ရှိသည့် မြေအောက်ဘူတာရုံ တစ်ခု၌ နောက်ထပ်ပေါက်ကွဲမှုတစ်ခု ဖြစ်ပွားခဲ့ရာ လူ ၃၄ ဦးသေဆုံးပြီး ၁၇ဝ ကျော် ဒဏ်ရာရရှိခဲ့ကြောင်း၊ အဆိုပါပေါက်ကွဲမှုမှာ အသေခံ ဗုံးခွဲတိုက်ခိုက်ရေးသမားများ၏ လက် ချက်ပင်ဖြစ်ကြောင်းဖြင့် ဘယ်လ်ဂျီယံ ရုပ်သံလွှင့်ဌာနတစ်ခုဖြစ်သည့် VRT က ကြေညာသည်။

တိုက်ခိုက်ရေးသမားများသည် လေဆိပ်၌ ဖောက်ခွဲမှုများမပြုလုပ်မီ သေနတ်ပစ်ဖောက်မှုများပြုလုပ်ပြီး အာရေဗျဘာသာစကားဖြင့် အော် ဟစ်ခဲ့ကြောင်း၊ လေဆိပ်တွင်ဖြစ်ပွား သည့် အဆိုပါဗုံးပေါက်ကွဲမှုနှစ်ခုတွင် လူ ၁၁ ဦးသေဆုံးပြီး မြေအောက် ဘူတာရုံပေါက်ကွဲမှုတွင် လူ ၁၅ ဦး သေဆုံးကြောင်း၊ အဆိုပါပေါက်ကွဲမှု များတွင် ဒဏ်ရာရရှိသူ ၁၇ဝ ကျော်ရှိ ကြောင်း ဘယ်လ်ဂျီယံသတင်း အေဂျင်စီ The Belga က ရေးသား ဖော်ပြထားသည်။

ဒဏ်ရာရရှိသူများအနက် နောက် ထပ်သေဆုံးသူ ရှစ်ဦး ထပ်မံ ပေါ်ပေါက်ခဲ့ကြောင်း သိရသည်။

၂ဝဝ၅ ခုနှစ်က လန်ဒန် မြေအောက်ရထားဘူတာရုံတစ်ခု၌ အလားတူ တိုက်ခိုက်မှုဖြစ်ပွားခဲ့ပြီး လူ ၅၂ ဦး သေဆုံးမှုဖြစ်ပွားခဲ့ခြင်း ကြောင့် မြို့တော်ဘရပ်ဆဲလ်ရှိ အများ ပြည်သူသယ်ယူပို့ဆောင်ရေးလုပ်ငန်း များကို ပိတ်ပင်ထားသည်။ နောက် ထပ် တိုက်ခိုက်မှုများဖြစ်ပွားမည်ကို စိုးရိမ်သောကြောင့် စစ်သည်အင်အား ၂၂၅ ဦးကို ဘရပ်ဆဲလ်မြို့နှင့် အရေးပေါ်ဗဟိုဌာနသို့ လုံခြုံရေး အတွက် နောက်ထပ်စေလွှတ်ခဲ့ ကြောင်း သိရသည်။

ဘရပ်ဆဲလ်လေဆိပ်နှင့် မြေ အောက်ရထားဘူတာရုံရှိ အဆိုပါ ပေါက်ကွဲမှုမှာ လူပေါင်း ၁၃ဝအသက် ဆုံးရှုံးစေခဲ့သည့် ပါရီအကြမ်းဖက် တိုက်ခိုက်မှု၌ ပါဝင်ပတ်သက်သည် ဟုသံသယရှိသူတစ်ဦးအား ဘရပ် ဆဲလ်မြို့တွင် ဖမ်းဆီးခဲ့ပြီးနောက် လေးရက်အကြာတွင် ယင်းကဲ့သို့ ဖြစ်ပွားခဲ့ခြင်းဖြစ်သည်။ ဘယ်ဂျီယံ အစိုးရသည် အဆိုပါပေါက်ကွဲမှုများ ဖြစ်ပွားခဲ့ပြီးနောက် အန္တရာယ် သတိပေးချက်အမြင့်ဆုံးအဆင့်ဖြင့် တပ်လှန့်ထားကြောင်း သိရသည်။

ယင်းပေါက်ကွဲမှု များကြောင့် ပြင်သစ်နှင့် ဗြိတိန်အပါအဝင် အနောက်ဥရောပ တစ်ခွင်လုံး၌ စိုးရိမ်ပူပန်မှုများ ဖြစ်ပွားစေခဲ့ပြီး အရေးပေါ် အစည်းအဝေးများ ကျင်းပကာ ဆွေးနွေးကြကြောင်း သိရသည်။ ယင်းပေါက်ကွဲမှုများ ဖြစ်ပွားခဲ့ပြီးနောက် နယ်သာလန် တပ်မတော်က လေဆိပ်နှင့်နယ်စပ် ဒေသများတွင် လုံခြုံရေးတင်းကျပ် ထားသလို ဗြိတိန်ကလည်း အများ ပြည်သူ သယ်ယူပို့ဆောင်ရေးနေရာ များအပါအဝင် နိုင်ငံအတွင်းရှိ အဓိကအထင်ကရ ဖြစ်သည့်နေရာ များတွင် လုံခြုံရေးရဲတပ်ဖွဲ့ချထားမှု တိုးမြှင့်ထားကြောင်း သိရသည်။

(ရိုက်တာ)
Myanmaalinn
https://www.facebook.com/MYANMAALINNNEWS