အီရန်မီးပုံပွဲတော် မတော်တဆမှုများကြောင့် သုံးဦးသေဆုံး၊ ၂၅၉ ဦးဒဏ်ရာရ


တီဟီရန် မတ် ၁၆

အီရန်နိုင်ငံ၌ ပါရှားနှစ်သစ်ကူးပွဲတော်အကြို ရိုးရာ မီးပုံပွဲကျင်းပရာတွင် မတော်တဆဖြစ်မှုများကြောင့် သုံးဦးသေဆုံးပြီး ၂၅၉ ဦးဒဏ်ရာရရှိကြောင်း တာဝန်ရှိသူများက မတ် ၁၆ ရက်တွင် ပြောကြားကြသည်။

အီရန်ပြက္ခဒိန်၏ နောက်ဆုံးဗုဒ္ဓဟူးနေ့မတိုင်မီ တစ်ရက်အလိုတွင် ချာဟူရှန်ဘက်ဆူရီအမည်ရှိရိုးရာ ပွဲတော်ကို အီရန်နိုင်ငံတွင် နှစ်စဉ်ကျင်းပလေ့ရှိသည်။ ရှေးဟောင်းဇိုရိုအက်စတာရိုးရာ အစဉ်အလာပွဲတော်ဖြစ်ပြီး မီးပုံပွဲကျင်းပကာ မီးလျှံများအပေါ်မှ ခုန်ပျံ ကျော်လွှားရသည့် ထုံးဓလေ့တစ်ရပ်ဖြစ်သည်။

မီးပုံပွဲအထိမ်းအမှတ်အဖြစ် မီးရှူးမီးပန်းများ ပစ်လွှတ်ခြင်း၊ ဗြောက်အိုးများ ဖောက်ခြင်းတို့ကိုလည်း ပြုလုပ်ကြလေ့ရှိပြီး မတော်တဆမှုများကြောင့် နှစ်စဉ် လူသေဆုံးခြင်းနှင့်ထိခိုက်ဒဏ်ရာရရှိခြင်းတို့ ဖြစ်ပွားလေ့ရှိသည်။

မတ် ၁၅ ရက်ညက မီးပုံပွဲကျင်းပစဉ် အသက်(၄၅) နှစ်ရှိ နှလုံးရောဂါသည် အမျိုးသားတစ်ဦးသည် ပေါက်ကွဲသံတစ်ခုကြောင့် ထိတ်လန့်ကာ နှလုံးဖောက်လာပြီး သေဆုံးခဲ့ရကြောင်း အရေးပေါ်ဆေးဘက်ဆိုင်ရာဌာန အကြီးအကဲ အာမင်ဆာဘာရီနီယာက ပြောကြားသည်။

အသက် (၂၄)နှစ်အရွယ် အမျိုးသားတစ်ဦးနှင့် ဆယ်ကျော်သက်အရွယ် လူငယ်တစ်ဦးတို့မှာလည်း မတော်တဆမှုများကြောင့် သေဆုံးခဲ့ရသည်။

မီးပုံပွဲတော်အတွင်းမီးပုံပေါ်မှ ခုန်ကျော်ခြင်း၊ မီးရှူး မီးပန်းပစ်လွှတ်ခြင်းနှင့် ဗြောက်အိုးဖောက်ခြင်းတို့ မပြုလုပ်ရန်တာဝန်ရှိသူတို့က သတိပေးခဲ့သည့်ကြားမှ မတော်တဆမှုများဖြစ်ပွားခြင်းဖြစ်သည်။

အီရန် နှစ်သစ်ကူးပွဲတော်သည် မတ် ၂ဝ ရက်တွင် စတင်မည်ဖြစ်သည်။

ပီတီအိုင်။
The Mirror Daily
https://www.facebook.com/TheMirrorDaily/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ