ရန်ကုန်-ပုသိမ်ကားလမ်းတွင် ညသန်းခေါင်ကျော်အချိန် ကားနှင့် ဆိုင်ကယ်မျက်နှာချင်းဆိုင်တိုက်မိ ဆိုင်ကယ်သမားသေဆုံး

 ညသန်းခေါင်ကျော်အချိန် ကားနှင့် ဆိုင်ကယ်မျက်နှာချင်းဆိုင်တိုက်မိ ဆိုင်ကယ်သမားသေဆုံး

Tuesday, 08 March 2016

ဧရာဝတီတိုင်းဒေသကြီး ပုသိမ်ခရိုင်ကျောင်းကုန်းမြို့နယ် ရန်ကုန်-ပုသိမ်ကားလမ်း မိုင်တိုင်အမှတ် ၇၄/၁ နှင့်၇၄/၂ ကြားတွင် ယာဉ်တိုက်မှုဖြစ်ပွားခဲ့သည်။

ဖြစ်စဉ်မှာ ယနေ့ နံနက် ၁ နာရီ ၄၅ မိနစ်ခန့်တွင် ကွမ်းခြံကုန်းကျေးရွာအနီး၌ ရန်ကုန်ဘက်မှ ပုသိမ်ဘက်သို့ ယာဉ်မောင်းကိုဆန်းဦး မောင်းနှင်သော ယာဉ်အမှတ် 2K/---- အဖြူရောင် မော်တော်ယာဉ်သည် လမ်းကြော အတိုင်း မောင်းနှင်လာစဉ် ပုသိမ်ဘက်မှ ရန်ကုန်ဘက်သို့ ယာဉ်မောင်း(အမည်မသိ)မောင်းနှင်လာသော နံပါတ်မပါ အနက်ရောင်ဆိုင်ကယ်တို့ မျက်နှာချင်းဆိုင်တိုက်မိပြီး ဆိုင်ကယ်ယာဉ်မောင်း (အမည်မသိ)တွင် ဒဏ်ရာများရရှိကာ အခင်းဖြစ်နေရာတွင်သေဆုံးသွားသဖြင့် ယာဉ်မဆင်မခြင် မောင်းနှင်ခြင်းဖြင့်လူကို ထိခိုက်သေစေသူ ကိုဆန်းဦးအား ဒုရဲအုပ်သန့်ဇင်က တရားလိုပြုလုပ်၍ ကျောင်းကုန်းမြို့မရဲစခန်းတွင် အမှုဖွင့်ဆောင်ရွက်ထားကြောင်း သိရသည်။

သေဆုံးသူမှာ သွင်ထူးအောင်ဖြစ်ပြီး စိုက်ပျိုးရေးဆေးအရောင်းကိုယ်စားလှယ် ချောက်မြို့တွင် နေထိုင်သူဖြစ်ကြောင်း စုံစမ်းသိရသည်။

ဝင်းကြိုင်(ကျောင်းကုန်း)
The Union Daily
http://uniondaily.net