ထားဝယ်တွင် ဘုရားဖူးယာဉ်တိမ်းမှောက် ၁၃ ဦးသေဆုံး

|Dawei Watch| ထားဝယ်၊ မတ် ၂၃

ထားဝယ်ခရိုင်၊ လောင်းလုံးမြို့နယ်ရှိ လက်ခတ်တောင်သို့ ဘုရားဖူးသွားသည့် ယာဉ်တိမ်းမှောက်သဖြင့် ၁၃ ဦး သေဆုံးခဲ့ကြောင်း အခင်းဖြစ်သည့် နေရာသို့ ရောက်နေသည့် Dawei Watch သတင်းထောက်မှ ကနဦး သတင်းပေးပို့သည်။

တိမ်းမှောက်ရာတွင် ပါဝင်သည့် ခရီးသည် ၆၀ ဦးအနက် ၁၃ ဦးသေဆုံးခဲ့ပြီး ၄၇ဦး ဒဏ်ရာရရှိခဲ့သည်။

လတ်ခတ်တောင် ဘုရားဖူးရာမှ အပြန် နံနက် ၁၀ နာရီဝန်းကျင်တွင် တိမ်းမှောက်ခဲ့ခြင်း ဖြစ်ကြောင်း ကားမှောက်သည့် နေရာအနီးတွင် နေထိုင်သည့် ကျောက်ခွဲ အလုပ်သမားတစ်ဦးက ပြောသည်။

“ပီပါပုံး တောင်ပေါ်က လှိမ့်ချသလိုမျိုး အသံ သုံးချက်ကြားလိုက်ရတယ် ဖြစ်ဖြစ်ချင်းမှာကို ၉ ယောက်လောက်သေနေပြီး”ဟု အထက်ပါ ကျောက်ခွဲသမားက ပြောသည်။

ခရီးသည်များသည် သရက်ချောင်းမြို့နယ် ညောင်ဇင်ကျေးရွာနှင့် ဆေးဖြန့်ကုန်း ကျေးရွာမှ ဖြစ်ကြောင်း သိရသည်။

အခင်းဖြစ်ဖြစ်ချင်း လောင်းလုံးဆေးရုံသို့ တင်ပို့ခဲ့ပြီးနောက် ထားဝယ်ဆေးရုံသို့ ထပ်မံလွှဲပြောင်းခဲ့သည်။

Dawei Watch
https://www.facebook.com/DaweiWatch