သေနတ်ပစ်သတ်ခံအမျိုးသမီး(MNA) |
ထိုင်း-မြန်မာနယ်စပ် ဘုရားသုံးဆူမြို့တွင် မတ်လ ၃ ရက် ည ၉ နာရီအချိန်ခန့်တွင် အမျိုးသမီးတစ်ဦး သေနတ်ပစ်သတ်ခံသေဆုံးပြီး ၄င်းနှင့်အတူ အမျိုးသားတစ်ဦးဒဏ်ရာရရှိခဲ့ကြောင်း စုံစမ်းသိရှိရသည်။
သေဆုံးသူအမျိုးသမီး မနန်းဆိုင်ခမ်း အသက်(၄၀) နှစ်ခန့် လားရှိုးမြို့သူဟုသိရပြီး ဝဲဂျိုစောင်းမှ ယာလည်ဂုတ် ဖောက်ထွက်ဒဏ်ရာ ၁ ချက်ဖြင့်ကရင်စုရပ်ကွက်ရှိ ရာဘာခြံတစ်ခြံတွင် လဲကျသေဆုံးနေသည်ဟု အမည်မဖော်လိုသော ဘုရားသုံးဆူမြို့ခံတစ်ဦးက ပြောသည်။
ဒဏ်ရာရရှိသူ စောလှမင်း(MNA) |
သူက “သေနတ်ပစ်ခံထိတဲ့သူတို့နှစ်ယောက် ဘုရားသုံးဆူရောက်တာ ရက်ပိုင်းလောက်ပဲ ရှိသေးတယ်၊ ငွေကြေးကိစ္စ စကားများကြတယ်လို့ပဲ ပြောနေကြတယ်၊” ဟု ဆိုသည်။
ဘုရားသုံးဆူမြို့ ကရင်စုရပ်ကွက်ရှိ ရာဘာခြံတစ်ခြံတွင် အခင်းဖြစ်ပွားခဲ့ပြီး သေနတ်ပစ်ခတ်သူမှာ ဘုရားသုံးဆူမြို့၊ အမှတ် ၁ ရပ်ကွက်နေ လှအောင် ဆိုသူဖြစ်ကြောင်း သေနတ်ဒဏ်ရာရရှိသူ စောလှမင်း တဆင့်ပြောကြားချက်အရ သိရသည်။
အခင်းဖြစ်ပွားသည့်အနီးတဝိုက်တွင် ၉ မီလီမီတာကျည်ခွံ ၆ ခု ရဲကတွေ့ရှိသိမ်းဆည်းရမိသော်လည်း သေနတ်သမားအား ဖမ်းဆီရမိခဲ့ခြင်း မရှိပေ။
သေနတ်ဖြင့်ပစ်ခတ်သူ လှအောင် အား ဘုရားသုံးဆူ နယ်မြေရဲစခန်း (ပ ၅/၂၀၁၆) ပုဒ်မ ၃၀၂ အရ အမှုဖွင့်လှစ်ထားကြောင်း ရဲဝန်ထမ်းတစ်ဦးထံမှ သိရသည်။
ယခုဖြစ်ပေါ်ခဲ့သောလူသတ်မှုသည် ၂၀၁၆ ခုနှစ်အတွင်း ဘုရားသုံးဆူမြို့တွင် ပထမဦးဆုံး ဖြစ်ပွားခဲ့သောလူသတ်မှုဖြစ်သည်။
ရေးသားသူ: မွန်သတင်းအေဂျင်စီ
http://burmese.monnews.org
ဘုရားသုံးဆူမြို့တွင် အမျိုးသမီးတစ်ဦး သေနတ်ပစ်သတ်ခံရ
Reviewed by THITHTOOLWIN
on
11:18
Rating: