ဗ.က.သ. ကျောင်းသားများ ပုဒ်မ ၁၈ အား အမှုရင်ဆိုင်သွားတော့မည် မဟုတ်ဟု ဆို


ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ ဒီမိုကရေစီပညာရေး လှုပ်ရှားမှု ဦးဆောင်ကော်မတီက ဦးဆောင်ခြင်း မရှိသည့်အတွက် တရားစွဲဆိုထားသည့် ငြိမ်းစုစီ ပုဒ်မ ၁၈ အား အမှုရင်ဆိုင်သွားမည် မဟုတ်တော့ကြောင်း ဖမ်းဆီးခံကျောင်းသားများနှင့် ၎င်းတို့၏ ရှေ့နေများထံမှ သိရှိရသည်။

ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ ဒီမိုကရေစီပညာရေး လှုပ်ရှားမှု ဦးဆောင်ကော်မတီက ဦးဆောင်ခြင်းမရှိသည့် ၂၀၁၅ ခုနှစ်က ဆန္ဒထုတ်ဖော်ခဲ့သည့် လယ်သူမ ဒေါ်ခင်ဝင်း သေဆုံးမှု ဆန္ဒထုတ်ဖော်ပွဲ၊ ၂၀၁၅ ခုနှစ် ဖဖေါ်ဝါရီိလက ပြုလုပ်ခဲ့သည့် လက်ပံတန်းပင်မ သပိတ်စစ်ကြောင်း ထောက်ခံ ဆန္ဒထုတ်ဖော်ပွဲများတွင် ခွင့်ပြုချက်မဲ့ ပြုလုပ်ခဲ့သည့်အတွက် ရန်ကုန်တိုင်းအတွင်းရှိ မြို့နယ်များက စွဲဆိုထားသည့် ပုဒ်မ ၁၈ အား မတ်လ ၃ ရက်နေတွင် ကမာရွတ်မြို့နယ်နှင့် လှိုင်မြို့နယ် တရားရုံးတို့က ရုံးထုတ်ခဲ့ကာ အဆိုပါရုံးချိန်းများမှ စတင်ကာ အမှုရင်ဆိုင် တော့မည် မဟုတ်ကြောင်း ဖမ်းဆီးခံ ဗ.က.သ ကျောင်းသားများထံမှ သိရသည်။

“သူတို့တွေ ခေါင်းဆောင်ပြီး ဆန္ဒပြတာမဟုတ်တဲ့ အမှုတွေကို အမှုမရင်ဆိုင်တော့ဘူး။ မရင်ဆိုင်တော့ဘူး ဆိုတာက တရားလိုသက်သေတွေ ကို ပြန်လည် မေးခွန်းတွေ မေးမှာ မဟုတ်တော့ဘူး။ ရှေ့နေ ပါဝါတွေလည်း ထပ်စွဲတဲ့ အမှုတွေကို မတင်တော့ဘူး။ တင်ပြီးသား ရှေ့နေ ပါဝါတွေကိုလည်း မနက်က လှိုင်တရားရုံးမှာ ရုပ်သိမ်းပြီးပြီ” ဟု ဖမ်းဆီးခံ ကျောင်းသားများ ရှေ့နေ ဦးဌေးက ပြောသည်။

အင်းစိန်အကျဉ်းထောင်တွင် ဖမ်းဆီးခံထားရသည့် ဗမာနိုင်ငံလုံး ဆိုင်ရာ ကျောင်းသားများ သမဂ္ဂ ဥက္ကဋ္ဌ ကိုကျော်ကိုကို၊ ကိုဂျိမ်း၊ သာယာဝတီ အကျဉ်းထောင်တွင် ဖမ်းဆီးခံ ထားရသည့် ကိုနန္ဒာစစ်အောင်၊ ကိုမင်းသွေးသစ်နှင့် မဖြိုးဖြိုးအောင်တို့အား ကမာရွတ်မြို့နယ်၊ လှိုင်မြို့နယ်၊ သင်္ဃန်းကျွန်းမြို့နယ်၊ ဗိုလ်တထောင်မြို့နယ်၊ တာမွေမြို့နယ်နှင့် ကျောက်တံတား မြို့နယ်တို့မှ ငြိမ်းစုစီပုဒ်မ ၁၈ ဖြင့် တရားစွဲဆိုထားကြောင်း သက်ဆိုင်ရာ ရဲစခန်းများမှ သိရသည်။

“ကျွန်တော်တို့ ဖမ်းဆီးခံရပြီး ကတည်းက တရားရုံး လုပ်ထုံးလုပ်နည်းအရ ရုံးထွက်ခဲ့တယ်။ ကျွန်တော်တို့ တရားရုံးထွက်တာက ဒီပုဒ်မကြီးကို လေးစားလိုက်နာလို့ တရားရုံးထွက်တာ မဟုတ်ဘူး။ မတရားမှုတွေကို ထင်ရှားအောင်လို့ တရားရုံး ရင်ဆိုင်တာဖြစ်ပါတယ်။ ဒါကြောင့် ရှေ့နေပါဝါလည်း ထပ်မတင်တော့ဘူး။ တင်ပြီးသား ရှေ့နေ ပါဝါတွေကို လည်း ပြန်ရုပ်သိမ်းနေပါပြီ” ဟု ဗမာနိုင်ငံလုံးဆိုင်ရာ ကျောင်းသားများသမဂ္ဂ ဥက္ကဋ္ဌ ကိုကျော်ကိုကိုက မတ်လ ၃ ရက်နေ့ ကမာရွတ်မြို့နယ် တရားရုံးတွင် ရုံးထုတ်စဉ် ပြောသည်။

အင်းစိန်အကျဉ်းထောင်တွင် ဖမ်းဆီးခံထားရသည့် တက္ကသိုလ် ကျောင်းသားများသမဂ္ဂ (တကသ) ခေါင်းဆောင်များဖြစ်သည့် ကိုဇေယျာလွင်၊ ကိုပိုင်ရဲသူနှင့် ကိုနန်းလင်းတို့မှာ လည်း ပုဒ်မ ၁၈ ကို အမှုရင်ဆိုင်ခြင်း မရှိကြောင်း သိရသည်။

သတင်း - MMK
Photo - Sai Han
The Ladies News
https://www.facebook.com/News.TheLadies/
ဗ.က.သ. ကျောင်းသားများ ပုဒ်မ ၁၈ အား အမှုရင်ဆိုင်သွားတော့မည် မဟုတ်ဟု ဆို ဗ.က.သ. ကျောင်းသားများ ပုဒ်မ ၁၈ အား အမှုရင်ဆိုင်သွားတော့မည် မဟုတ်ဟု ဆို Reviewed by THITHTOOLWIN on 18:33 Rating: 5
Powered by Blogger.