မူစယ်က မူးယစ်ဆေးတိုက်ဖျက်ရေးဂေဟာတခုအား တပ်မ ၈၈ ဝင်ရောက် စီးနင်းဖမ်းဆီး


မတ်လ ၂၂ ရက် ၂၀၁၆

သျှမ်းပြည်မြောက်ပိုင်း မူစယ်မြို့နယ် ရွှေလီမြစ်တဖက်ကမ်းရှိ ကိုယ်ထူကိုယ် ထ လူငယ့် အကျင့်စာရိတ္တ ပြုပြင်ရေး မူယစ်ဆေးဝါးတိုက်ဖျက်ရေးဂေဟာ တခုအား တပ်မ ၈၈်မှ အင်အားကာ တာဝန်ရှိသူများအပြင် စာရိတ္တပြုပြင်သူ လူ ၆၅ ဦးအားဖမ်းဆီးကာ မူစယ်မြို့ သို့ ပို့ဆောင် လိုက်ပြီဖြစ် ကြောင်းသိရ သည်။

မတ်လ ၂၀ ရက်နံနက် ၅ နာရီက အစိုးရတပ်မ ၈၈ အင်အား ၆၀ ခန့်သည် မူးယစ် ဆေးဖြတ် ပေးသည့် အကျင့်စာရိတ္တပြုပြင်ရေးဂေဟာမှ အုပ်ချုပ်ရေး မှူး စိုင်းချစ်ငွေနှင့် အတူ ဆေးဖြတ်လူငယ် ၆၅ ဦး၊ ဂေဟာရှိ တာဝန်ရှိပုဂ္ဂိုလ် ၇ ဦး စုစုပေါင်း ၇၂ ဦးကို ဖမ်းဆီးသွားခဲ့ခြင်းဖြစ်သည်။


ဂေဟာတည်ရှိရာ ဆင်တိုက်ရပ်ကွက်သား စိုင်းကောန်က “ တပ်မတော်က ရွာသားတွေကို မူးယစ်ဆေးဝါးထုတ်လုပ်ရောင်းဝယ်တယ် ဆိုပြီး အင်အား သုံးပြီးတော့ဝင်စီးတယ်။ ကျနော်တို့ ဒီနေရာ ဘိန်းမချက်ပါ ဘူး။ ဆေးစွဲလူ ငယ်တွေကို ဆေးဖြတ်ပေးတာပါ။ လူငယ်တွေဝင်ငွေရအောင်လို့ တရုတ်ရိုးရာ အလှူတွေ ၊ အသုဘတွေမှာ မီးရှို့ဖို့သုံးတဲ့ ငွေစက္ကူတွေကို လုပ်ရောင်း ပါတယ်။ ” ဟုပြော သည်။

၂၁ ရက်နေ့တွင် အဖမ်းခံရသူများအား မူစယ်အချုပ်ခန်းတွင်ချုပ်နှောင် ထားပြီး၊ ၂၂ ရက်တွင် တရားရုံးတင်ကာ စစ်ဆေးမှုတခုပြုလုပ်ခဲ့သည်ဟု ရွာသားများကပြောသည်။

ဂေဟာတာဝန်ရှိပုဂ္ဂိုလ် ၇ ဦးတွင် အမှတ် ၃ အုပ်စုအုပ်ချုပ်ရေးမှူး စိုင်းဆမ်ပီး၊ ဆင်တိုက် ကျေးရွာအုပ်ချုပ်ရေးမှူး စိုင်းအိုက်အောင်နှင့်ဂေဟာအုပ်ချုပ်ရေးမှူး စိုင်းချစ်ငွေတို့အပြင် ၁၉ ရွာအုပ်စုမှ ရပ်မိရပ်ဖများပါဝင်သည်ဟုသိရသည်။

၁၉ ရွာအုပ်စုသည် မူစယ်မြို့၏ အနောက်မြောက်အရပ် ၁၀ မိုင်အကွာတွင် တည် ရှိပါသည်။


၎င်းနှင့်ပတ်သက်၍ စိုင်းချစ်ငွေက “ ဂေဟာကလူတွေကိုအကုန် လုံးပြန် လွှတ်ပေး ပါလို့ တောင်းဆိုချင်တယ်။ ဒီလူတွေဟာ အကျင့်စာရိတ္တကောင်း မွန်လာအောင် ဂေဟာကို ရောက်လာ တဲ့သူတွေဖြစ်တဲ့အတွက် အပြစ်မရှိ ဘူး။ ကျနော့်ကိုတော့ သူတို့မဖမ်းဘူး။ ဒါပေမယ့် ဂေဟာက လူတွေကို သူတို့ ပြန်မလွှတ်ပေးရင်လည်း ကျနော်လည်း ပြန်မှာ မဟုတ်ဘူး” ဟုပြောသည်။


အဆိုပါ လူငယ့်စာရိတ္တပြုပြင်ရေးဂေဟာကို လွန်ခဲ့သည့် ၂၀၀၀ ပြည့်နှစ် ကတည်းက စိုင်းချစ်ငွေ၊ စိုင်းဆန်ငေါ့၊ စိုင်းဆွယ့်ခမ်းဆမ်ကျော် နှင့် စိုင်းဆန်ဆမ်တို့က ၎င်းပိုင်ဆိုင်သည့်ငွေကြေးဖြင့် တည်ထောင်လာခဲ့သည်။

ယခုကဲ့သို့ ၁၆ နှစ်ကြာ လူငယ်များအား စာရိတ္တပြုပြင်ရေးလုပ်ဆောင် လာနိုင် ခဲ့သည်မှာ ရပ်မိရပ်ဖများ ဒေသခံများ၏ ကူညီထောက်ပံ့မှု သက်သက် သာဖြစ်ပြီး အစိုးရအာဏာပိုင် များဘက်မှ ကူညီထောက်ပံ့မှုတစုံတရာမရရှိ သည့်အပြင် ယခုကဲ့သို့ လုပ်ဆောင်မှုမှာ မသင့်လျော်ကြောင်း ဒေသတွင်း အကြီးအကဲများ ပြောဆိုဝေဖန်ချက်ပြုကြသည်။

သျှမ်းသံတော်ဆင့် /ဟွမ်ဟိန်း
Panglong(Burmese)
https://www.facebook.com/Panglong.burmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ