ကျားပါးစပ်အလုပ်သမား အချင်း ချင်း စကားများ ရန်ဖြစ်ရာမှ ဒဏ်ရာရရှိကာ လူတစ်ဦးသေဆုံး


 ကျွန်းစုမြို့၊ ကဘင်ကျေးရွာအုပ်စု၊ သဲအော်ကျေးရွာတွင် ကျားပါးစပ်အလုပ်သမား အချင်း ချင်း စကားများရန်ဖြစ်ရာမှ ဒဏ်ရာရရှိကာ လူတစ်ဦးသေဆုံး

ကျွန်းစု မတ်လ ၁၆ ရက်

ကျွန်းစုမြို့နယ်၊ ကဘင်ကျေးရွာအုပ်စု၊ သဲအော်ကျေးရွာတွင် ၂၀၁၆ ခုနှစ်၊ မတ်လ(၁၄)ရက်နေ့ ည(၇) နာရီအချိန်ခန့်က ကျားပါးစပ်အလုပ်သမား အချင်းချင်း စကားများရန်ဖြစ်၍ ထိုးကြိတ်ရာမှ ဒဏ်ရာရရှိကာ လူတစ်ဦးသေဆုံးခဲ့ကြောင်း သိရသည်။

ဖြစ်စဉ်မှာ သဲအော်ကျေးရွာနေ ကျားပါးစပ်ရေလုပ်ငန်းရှင် ဒေါ်ပု၏ အလုပ်သမားခေါင်းဆောင် ဦးအောင်ဘာလေ ဦးဆောင်သော အလုပ်သမားများမှာ ကျားပါးစပ်ပိုက်တန်းဖော်ရန်အတွက် ရွာကမ်းစပ်တွင် လူစုနေစဉ် သဲအော်ကျေးရွာနေ အဘဦးဖေသန်း၏သား အလုပ်သမား ဦးအာလူး(ခ)ဦးရဲမြင့်ထွန်း အသက်(၄၄) သည် အရက်မူးယစ်ကာနောက်ကျမှ ရောက်ရှိလာပြီး လှေပေါ်သို့တက်စဉ် ပုဆိုးရေစိုသွားသည့် ကိစ္စနှင့်ပတ် သက်၍ အခြားအလုပ်သမားများဖြစ်ကြသော တစ်ရွာတည်းနေ ဌေးနိုင်(ခ)လှဌေး၊ ကုလား(ခ)မျိုးမင်း တို့နှင့် စကားများရန်ဖြစ်ကြရာမှ အပြန်အလှန်ထိုးကြိတ်ကြပြီး ဦးအားလူးမှာ လှေပေါ်တွင်လှဲကျသွားစဉ် ဌေးနိုင်မှ လှေပေါ်ရှိ အရှည်(၃)ပေခန့်ရှိ မျှောလုံးဖြင့် ရိုက်လိုက်ရာ ဦးအာလူးမှာ ဒဏ်ရာများအသီးသီးရရှိ၍ ဇနီးဖြစ်သူ ဒေါ်ခင်အေးက မတ်လ(၁၅)ရက်နေ့ နေ့လည်(၂)နာရီအချိန်ခန့်က ကံမော်နယ်မြေစခန်းသို့ လာရောက်တိုင် တန်း၍ ဒဏ်ရာရရှိသော ဦးအာလူးအား စခန်းသစ်တိုက်နယ်ဆေးရုံတွင် အတွင်းလူနာအဖြစ် တက်ရောက် ဆေးကုသနေစဉ် မတ်လ(၁၅)ရက်နေ့ ည(၇)နာရီအချိန်က ရရှိသောဒဏ်ရာကြောင့် ကွယ်လွန်သွားခဲ့ကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ ဌေးနိုင်(ခ)လှဌေးနှင့် ကုလား(ခ)မျိုးမင်းတို့အား ကံမော်နယ်မြေရဲစခန်းမှ စစ်ဆေးအရေးယူဆောင်ရွက်လျက်ရှိကြောင်းသိရသည်။

Ko Kyunthar (fb)

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ