နေပြည်တော်၊ မတ် ၇
တပ်မတော် လေယာဉ်တစ်စီး နေပြည်တော် အပြည်ပြည်ဆိုင်ရာ လေဆိပ်သို့ ဆင်းသက်စဉ် အရှိန်ထိန်း လေထီးကြိုး ပြုတ်ထွက်ပြီး ပြေးလမ်းကျော်ထွက် ရပ်တန့်ခဲ့ကြောင်း တပ်မတော် ကာကွယ်ရေး ဦးစီးချုပ်ရုံးက သတင်းထုတ်ပြန် လိုက်ပါတယ်။
တပ်မတော်လေယာဉ်များ အုပ်စုဖွဲ့ပျံသန်း လေ့ကျင့်ခန်း ဆောင်ရွက်ရန်အတွက် လေယာဉ်များကို တောင်ငူလေတပ်စခန်း ဌာနချုပ်မှ နေပြည်တော်သို့ ပြောင်းရွှေ့ရာ ယနေ့နံနက် ၁၁ နာရီ ၅၄မိနစ်ခန့်တွင် တပ်မတော်လေယာဉ်တစ်စီးသည် နေပြည်တော် အပြည်ပြည်ဆိုင်ရာလေဆိပ် လေယာဉ်ပြေးလမ်းသို့ တောင်ဘက်မှ မြောက်ဘက်အတိုင်း ဆင်းသက်စဉ် စက်မှုဆိုင်ရာ ချို့ယွင်းမှုကြောင့် အရှိန်ထိန်းလေထီးကြိုး ပြုတ်ထွက်ခဲ့ပြီး လေယာဉ်ပြေးလမ်း၏ မြောက်ဘက်ထိပ်မှ ပေ ၃၃၀ ခန့် ကျော်ထွက်၍ ပြေးလမ်းမီးတိုင် ၃ တိုင်အား တိုက်မိ ရပ်တန့်ခဲ့ကြောင်း သိရပါတယ်။
လေယာဉ်ပြေးလမ်း အရှိန်လွန်မှုကြောင့် လေသူရဲ ထိခိုက်ဒဏ်ရာ ရရှိမှု မရှိဘဲ လေယာဉ်၏ဘီးများ ပျက်စီးခဲ့ကာ ဆီတိုင်ကီနှင့် လေယာဉ်ဦးပိုင်းတို့ ပျက်စီးခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။
PHOTO - တပ်မတော်ကာကွယ်ရေးဦးစီးချူပ်ရုံး FB
by သစ်ထူးလွင်
တပ်မတော်လေယာဉ်တစ်စီး ပြေးလမ်းကျော် ရပ်တန့် ပျက်စီးခဲ့
Reviewed by THITHTOOLWIN
on
22:18
Rating:
Reviewed by THITHTOOLWIN
on
22:18
Rating:
