လက်ဘနွန်အခြေစိုက် ဟစ်ဇ်ဘိုလာအဖွဲ့ကို အကြမ်းဖက် အဖွဲ့အစည်းအဖြစ် ကြေညာ


ရီယာ့ဒ် မတ် ၂

ဆော်ဒီအာရေဗျဦးဆောင်သည့် ပင်လယ်ကွေ့နိုင်ငံများ ပူးပေါင်းဆောင်ရွက်ရေးကောင်စီသည် လက်ဘ နွန်အခြေစိုက် ရှီးယိုက်စစ်သွေးကြွလက်နက်ကိုင်အဖွဲ့ နှင့် နိုင်ငံရေးပါတီဖြစ်သော ဟစ်ဇ်ဘိုလာအဖွဲ့ကို အကြမ်း ဖက်အဖွဲ့အစည်းအဖြစ် ကြေညာလိုက်သည်။ ပင်လယ် ကွေ့နိုင်ငံများ၌ ယင်းအဖွဲ့က ရန်ဘက်အပြုအမူများ လုပ်ဆောင်နေခြင်းကြောင့်ဖြစ်ကြောင်း သတင်းတွင် ဖော်ပြသည်။

ဆီးရီးယား ပြည်တွင်းစစ်တွင် သမ္မတ ဘာရှားအယ် အာဆတ်အစိုးရအဖွဲ့ဘက်မှ ထောက်ခံခြင်း၊ ဒေသတွင်း၌ ဆော်ဒီအာရေဗျ၏ ပြိုင်ဘက် အီရန်က ထောက်ပံ့မှုများ ပေးခြင်းကို ရရှိနေချိန်တွင် ပင်လယ်ကွေ့ ပူးပေါင်း ဆောင်ရွက်ရေးကောင်စီ (ဂျီစီစီ)ဝင် အာရပ်စော်ဘွားများ ပြည်ထောင်စု၊ ကူဝိတ်၊ ကာတာ၊ ဘာရိန်းနှင့် အိုမန် နိုင်ငံတို့က ဟစ်ဇ်ဘိုလာအဖွဲ့အား အကြမ်းဖက်အဖွဲ့အဖြစ် ကြေညာရန် ဆုံးဖြတ်ချက်ချခဲ့ခြင်း ဖြစ်သည်။

ဆေယက်ဟက်ဆန် နာဆာလား ခေါင်းဆောင်သည့် ဟစ်ဇ်ဘိုလာအဖွဲ့သည် အကြမ်းဖက်တိုက်ခိုက်မှုများ ပြုလုပ်ခြင်း၊ လက်နက်များနှင့် ဖောက်ခွဲရေးပစ္စည်းများ မှောင်ခိုသယ်ဆောင်ခြင်း၊ နိုင်ငံတော်အား အကြည် ညိုပျက်စေရန် မြှောက်ပင့်ပေးခြင်းနှင့် အကြမ်းဖက်မှုများ ဖြစ်ပေါ်စေရန် လှုံ့ဆော်ခြင်းတို့ပြုလုပ်နေသည်ဟူ၍ ဂျီစီစီက ပြောကြားသည်။

ပင်လယ်ကွေ့နိုင်ငံများသည် ဆီးရီးယားအုပ်စိုးသူများအား ဟစ်ဇ်ဘိုလာအဖွဲ့ဝင်များက ထောက်ပံ့မှုများ ပြုလုပ်ခဲ့ခြင်းကြောင့် ၂ဝ၁၃ ခုနှစ်အတွင်း ယင်းအဖွဲ့အပေါ် အရေးယူပိတ်ဆို့မှုများ ပြုလုပ်ခဲ့သည်။

ရိုက်တာ။
The Mirror Daily
https://www.facebook.com/TheMirrorDaily
လက်ဘနွန်အခြေစိုက် ဟစ်ဇ်ဘိုလာအဖွဲ့ကို အကြမ်းဖက် အဖွဲ့အစည်းအဖြစ် ကြေညာ  လက်ဘနွန်အခြေစိုက် ဟစ်ဇ်ဘိုလာအဖွဲ့ကို အကြမ်းဖက် အဖွဲ့အစည်းအဖြစ် ကြေညာ Reviewed by THITHTOOLWIN on 06:00 Rating: 5
Powered by Blogger.