ပေကျင်း မတ် ၂
ဖောဘိစ်မဂ္ဂဇင်း၏ ကမ္ဘာ့အချမ်းသာဆုံးပုဂ္ဂိုလ်များနှစ်စဉ်အညွှန်းအရ နော်ဝေနိုင်ငံမှ ဆယ်ကျော်သက် မြင်းစီးမယ်တစ်ဦးသည် ကမ္ဘာ့အသက် ငယ်ဆုံးဘီလျံနာဖြစ်လာခဲ့ကြောင်း သိရသည်။
အသက် ၁၉ နှစ်အရွယ်ရှိ အလက် ဇန္ဒရားအန်ဒရီဆင်နှင့် အစ်မဖြစ်သူ အသက် ၂ဝနှစ်အရွယ်ရှိ ကက်သရီနာ တို့မှာ ဖခင်ဖြစ်သူ ဂျိုဟန်အန်ဒရီဆင် က မိသားစုပိုင်ရင်းနှီးမြှုပ်နှံမှုကုမ္ပဏီ Ferd ၏ အစုရှယ်ယာ ၄၂ ရာခိုင် နှုန်းစီကို ၄င်းတို့ထံလွှဲပြောင်းလိုက် သောကြောင့် ဖောဘိစ်မဂ္ဂဇင်း၏ ကမ္ဘာ့အချမ်းသာဆုံး ထိပ်တန်း စာရင်းတွင် ပါဝင်လာခဲ့ခြင်းဖြစ်သည်။ မတ် ၁ ရက်က ဖောဘိစ်မဂ္ဂဇင်း၏ ကမ္ဘာ့အချမ်းသာဆုံးစာရင်း၌ ၁၄၇၆ မြောက် အချမ်းသာဆုံးပုဂ္ဂိုလ်အဖြစ် စာရင်းသွင်းခြင်းခံခဲ့ရသူ အန်ဒရီဆင် မှာ ပထမဆုံးအကြိမ်အဖြစ် ထိပ်တန်း စာရင်းတွင်ပါဝင်ခဲ့ခြင်းဖြစ်သည်။
ကိုယ်ပိုင်ကြွယ်ဝမှု အမေရိကန် ဒေါ်လာ ၁ ဒသမ ၂ ဘီလီယံရှိသော်လည်း မြင်းကိုလိမ္မာအောင်ကျင့်ပေး၍ ယှဉ်ပြိုင်သူတစ်ဦးဖြစ်သည့် အန်ဒရီဆင်မှာ အိမ်၌သူပိုင်မြင်းများနှင့် ပိုမိုအချိန်ဖြုန်းလေ့ရှိပုံပေါ်ပြီး ၄င်းကျွမ်းကျင်စွာ မြင်းစီးလေ့ကျင့်ရာ ဂျာမနီနိုင်ငံတွင် နေထိုင်သည်။ အန်ဒရီဆင်မှာ နော်ဝေ အငယ်တန်း ချန်ပီယံဆုကို သုံးကြိမ်ရရှိထားသူ ဖြစ်ပြီး ဥရောပအငယ်တန်းမြင်းစီး ပြိုင်ပွဲများ၌ ဂုဏ်ပြုချီးကျူးမှုများစွာ ရရှိထားသူဖြစ်သည်။
အန်ဒရီဆင်၏မိသားစုက ဆေးရွက်ကြီးရောင်းဝယ်ရေးမှ ငွေကြေး အမြောက်အမြားရရှိခဲ့ပြီး ၂ဝဝ၅ ခုနှစ်တွင် ဆေးရွက်ကြီးလုပ်ငန်းရှိ ၄င်းတို့ပိုင် အစုရှယ်ယာများကို Skandinavisk Tobakskompagni သို့ အမေရိကန် ဒေါ်လာ သန်း ၄၈ဝ ဖြင့်ရောင်းချခဲ့သည်။ ယနေ့အချိန် တွင် Ferd ကုမ္ပဏီမှာ နောဒစ်စတော့ အိတ်ချိန်းစာရင်းဝင် ရင်းနှီးမြှုပ်နှံမှု ကုမ္ပဏီတစ်ခုဖြစ်ပြီး ပုဂ္ဂလိကအစု ရှယ်ယာ ရင်းနှီးမြှုပ်နှံမှုများလည်း ရှိသည်။
ဆင်ဟွာ။
The Mirror Daily
https://www.facebook.com/TheMirrorDaily
နော်ဝေဆယ်ကျော်သက်မြင်းစီးမယ် ကမ္ဘာ့အသက်ငယ်ဆုံးဘီလျံနာဖြစ်လာ
Reviewed by THITHTOOLWIN
on
07:38
Rating: