အကြမ်းဖက်မှု ကြိုးကိုင်သူ ထွက်ပြေးလွတ်မြောက်ဆဲ

လေဆိပ်ထဲကနေ မီးခိုးငွေ့တွေ ထွက်လာတာကို မြင်ရစဉ် (Credit: ABC licensed) 

ဘယ်လ်ဂျီယံ နိုင်ငံရဲ့ မြို့တော် ဘရာဆဲလ် မြို့မှာ အကြမ်းဖက်မှု ဖြစ်ပေါ်ပြီးတဲ့နောက် ရဲတွေက နိုင်ငံအနှံ့က နေရာတချို့မှာ ဝင်ရောက် စီးနှင်းမှုတွေ လုပ်ခဲ့ပေမယ့် အကြမ်းဖက်မှုကို အဓိက ကြိုးကိုင် လှုပ်ရှားခဲ့သူ လွတ်မြောက်နေသေးတယ်လို့ သိရပါတယ်။

ဘရာဆဲလ်မြို့က နိုင်ငံတကာ လေဆိပ်နဲ့ ရထားဘူတာ တစ်ခုမှာ ဗုံးဖောက်ခွဲမှုတွေကြောင့် လူ ၃၄ ယောက် သေဆုံးပြီး ၂၀၀ ကျော် ဒဏ်ရာ ရရှိခဲ့ပါတယ်။

အကြမ်းဖက်မှုကို တုန့်ပြန်တဲ့အနေနဲ့ နိုင်ငံတဝှမ်းက နေရာတချို့မှာ ဖမ်းဆီးမှုတွေ လုပ်နေတယ်လို့ ဘယ်လ်ဂျီယံ ဝန်ကြီးချုပ်က အတည်ပြု ပြောဆိုပါတယ်။

အဲဒီလို ဝင်ရောက် စီးနှင်းမှုတွေအတွင်း IS အစ္စလာမ်မစ် အဖွဲ့ရဲ့ အလံနက်နဲ့ ဗုံးကို နေအိမ်တစ်လုံးမှာ တွေ့ခဲ့ရတယ်လို့လည်း ဆိုပါတယ်။

ဘယ်လ်ဂျီယံ စံတော်ချိန် မနက် ၈ နာရီလောက်တုန်းက Zaventem လေဆိပ်မှာ ဗုံးပေါက်ကွဲမှု နှစ်ကြိမ် ဖြစ်ပွားခဲ့တာ ဖြစ်ပါတယ်။

အဲဒီမှာ လူ ၁၄ ယောက် သေဆုံးခဲ့ရပြီး မကြာခင်မှာပဲ ဘရာဆဲလ်မြို့လယ်က Maalbeek ဘူတာရုံမှာ ဗုံးပေါက်ကွဲမှု ဖြစ်ပွားလို့ နောက်ထပ် လူ ၂၀ သေဆုံးခဲ့ရပါတယ်။

ဒေသခံ သတင်းဌာနတစ်ခုမှာတော့ မပေါက်ကွဲသေးတဲ့ ဗုံးတစ်လုံးနဲ့ ရိုင်ဖယ် သေနတ်ကိုပါ လေဆိပ်မှာ တွေ့ခဲ့ရတယ်လို့ ဆိုပါတယ်။

CCTV လုံခြုံရေး ကင်မရာတွေကို ပြန်ကြည့်တဲ့အခါမှာတော့ ဘယ်ဘက် လက်တွေမှာ လက်အိတ် စွပ်ထားတဲ့ လူနှစ်ယောက်က အသေခံပြီး ဗုံးဖောက်ခွဲခဲ့တာ ဖြစ်မယ်လို့ ယူဆနေကြပါတယ်။

အရောင်ဖျော့ ဂျက်ကက် အကျီဝတ်ထားပြီး ဦးထုတ်ဆောင်းထားတဲ့ တတိယ လူကလည်း အကြမ်းဖက်မှုမှာ ပါဝင်နိုင်တယ်လို့ ယူဆလို့ လိုက်ခံ ရှာဖွေမှုတွေ လုပ်နေပါတယ်။

ပြင်သစ်နိုင်ငံမှာ ဖြစ်ခဲ့တဲ့ အကြမ်းဖက်မှုမှာ ဦးဆောင်ပါဝင်တဲ့ Salah Abdeslam ကို ဖမ်းဆီးပြီး ၄ ရက်အကြာမှာ အကြမ်းဖက်မှုနဲ့ ကြုံရတာ ဖြစ်ပါတယ်။

IS အစ္စလာမ်မစ် အဖွဲ့က ဒီအကြမ်းဖက်မှုကို သူတို့ လုပ်တာလို့ ပြောဆိုထားပါတယ်။

အမေရိကန် အစိုးရကတော့ အကြမ်းဖက်မှု ပုံစံကို ကြည့်ခြင်းအားဖြင့် အရင်ကတည်းက စီစဉ်ထားခဲ့ဟန် ပေါက်တယ်လို့ ပြောဆိုထားပါတယ်။

ဘယ်လ်ဂျီယံနိုင်ငံမှာ ကွယ်လွန်သူတွေအတွက် ၃ ရက်ကြာ အောက်မေ့သတိယ ကြမယ်လို့လည်း သိရပါတယ်။

ABC Radio Australia
http://www.radioaustralia.net.au/burmese