ပူတင့္ လက္ေထာက္ေဟာင္း ေသဆုံးမွု၊ ရိုက္ႏွက္ခံရလို႔ ျဖစ္

မစ္ေခးလ္ လက္ဇင္ရဲ့ အေလာင္းကို Dupont Circle ေဟာ္တယ္က အခန္းထဲမွာ ေတြ႕ခဲ့ၾကရ။
႐ုရွား သမၼတ ဗလာဒီမီယာ ပူတင္ရဲ့ လက္ေထာက္ေဟာင္း ျဖစ္သူ Mikhail Lesin ဆိုသူဟာ ၿပီးခဲ့တဲ့ နိုဝင္ဘာက အေမရိကန္ ျပည္ေထာင္စု၊ ဝါရွင္တန္ ဒီစီမွာ ေသဆုံး ေနတာကို ေတြ႕ရွိ ခဲ့ရၿပီးေနာက္ သူ ေသဆုံးရတာဟာ ေခါင္းမွာ အရိုက္ခံရတဲ့ ဒဏ္ရာေၾကာင့္ ျဖစ္တယ္လို႔ ေသမွုေသခင္း စစ္ေဆးသူေတြက ေျပာလိုက္ပါတယ္။

မစ္ေခးလ္ လက္ဇင္ရဲ့ အေလာင္းမွာ အဲဒီ ေခါင္းဒဏ္ရာ အျပင္ လည္ကုပ္၊ ရင္ဘတ္၊ ေျခနဲ႔ လက္ေတြမွာလည္း ရိုက္ႏွက္ ခံထားရတဲ့ ဒဏ္ရာေတြကို ေတြ႕ရတယ္လို႔ ဝါရွင္တန္ ဒီစီရဲ့ ေဆးဘက္ စစ္ေဆးေရးမွူးက ေျပာပါတယ္။

မစ္ေခးလ္ လက္ဇင္ဟာ ႐ုရွားရဲ့ ျပန္ၾကားေရး ဝန္ႀကီးေဟာင္း ျဖစ္သလို ၾသဇာႀကီးတဲ့ ဂက္ဇ္ပရြမ္ မီဒီယာ အုပ္စုရဲ့ အႀကီးအကဲလည္း ျဖစ္ခဲ့ဖူးပါတယ္။

သူ ေသဆုံးၿပီးေနာက္ သူ႔မွာ ႏွလုံးေရာဂါ ရွိေၾကာင္း သူ႔မိသားစုေတြက ေျပာတယ္လို႔ ႐ုရွား သတင္းမီဒီယာက ေဖာ္ၿပ ခဲ့ပါတယ္။

မစၥတာ လက္ဇင္ဟာ ႐ုရွားမွာ ၾသဇာ အရွိဆုံးေတြထဲက တစ္ဦးအျဖစ္ အခ်ိန္ အတန္ၾကာ မွတ္ယူခံခဲ့ရတာပါ။

သူ ဝါရွင္တန္မွာ ဘာေၾကာင့္ ေရာက္ေနသလဲ ဆိုတာကို မရွင္းလင္းေပမယ့္ သူ႔မိသားစုဝင္ တခ်ိဳ႕ကေတာ့ အေမရိကန္မွာ ေနထိုင္သူေတြ ျဖစ္ပါတယ္။

မစၥတာ လက္ဇင္ဟာ ၂၀၀၄ ကေန ၂၀၀၉ အထိ သမၼတ လက္ေထာက္အျဖစ္ လုပ္ကိုင္ ခဲ့ပါတယ္။

BBC Burmese
http://www.bbc.com/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ