စစ္ေတြ ဒုကၡသည္စခန္းတြင္ ကေလးငယ္တစ္ဦးအား စိတ္မႏွံ႔သူမွ လည္လွီးသတ္


စစ္ေတြ၊ မတ္လ (၁၂) ရက္ ။ ။ရခိုင္ျပည္နယ္ စစ္ေတြၿမိဳ႕နယ္ရိွ ဒုကၡသည္စခန္းတစ္ခုတြင္ ကေလးငယ္ တစ္ဦးကုိ စိတ္မႏွံ႔သူတစ္ဦးက သတ္ျဖတ္ခဲ့သည့္အတြက္ လက္တုံ႔ျပန္ရာမွ လက္လြန္ကာ ေသဆံုးသြားေၾကာင္း သိရသည္။

ေဘာဒူဘုိက္ဒုကၡသည္စခန္းမွ အသက္ (၃၆) ႏွစ္အရြယ္ အဒူလာဆိုသူက မတ္လ (၉) ရက္ေန႔ ညေန ၄ နာရီခန္႔တြင္ အဆိုပါဒုကၡသည္စခန္းမွ ေဆာ့ကစားေနသည့္ ကေလးငယ္တစ္ဦးကို လည္ပင္းကုိ ဓားျဖင့္ လွီးျဖတ္သတ္ျဖတ္ခဲ့ျခင္းျဖစ္ေၾကာင္း စစ္ေတြၿမိဳ႕နယ္ ဒုရဲမွဴး ဦးေအးခင္ေမာင္ထံမွ သိရသည္။

“တရားခံဟာ ကေလးငယ္ကုိ သတ္ျဖတ္ၿပီးတာနဲ႔ ထြက္ေျပးေတာ့ အနီးအနားမွာ ရွိတဲ့ လူေတြက ဝုိင္းၿပီး ဖမ္းရိုက္လုိက္ၾကလုိ႔ တရားခံလည္း ေသဆုံးသြားပါတယ္။ ကေလးက်ေတာ့ အခင္းျဖစ္ပြားတဲ့ ေနရာမွာ ပြဲခ်င္းၿပီး ေသဆုံးသြားပါတယ္။ တရားခံဟာ အရုိးေလးလက္မ ရွိတဲ့ ဓားနဲ႔ သတ္ျဖတ္ခဲ့တာပါ”ဟု စစ္ေတြၿမိဳ႕နယ္ ဒုရဲမႈး ဦးေအးခင္ေမာင္ကဆိုသည္။

ဒုကၡသည္စခန္းမ်ားတြင္ စိတ္ေဝဒနာရွင္မ်ားအား က်န္းမာေရးအရ ေစာင့္ေရွာက္မႈမဲ့ေနျခင္းေၾကာင့္ ယင္းကဲ့သို႔အျဖစ္မ်ားႀကံဳရျခင္းျဖစ္သည္ဟု တရားရုံးေရွ႕ေန အၿငိမ္းစား ဦးေက်ာ္လွေအာင္က ဆုိသည္။

“ကၽြန္ေတာ္တို႔ ရြာေတြဘက္ကုိ သြားရင္လည္း လမ္းမေတြေပၚမွာ စိတ္ေရာဂါျဖစ္ေနတဲ့ သူေတြကုိ ေတြ႔ျမင္ၾကရမွာပါ။ သူတုိ႔ေတြကုိ က်န္းမာေရးအရ ကုသခံယူမႈေတြ ျပဳလုပ္ေပးသင့္ပါတယ္။”ဟု ၎ကဆိုသည္။

ကေလးငယ္အားသတ္သူကို ျပစ္မႈအမွတ္ (ပ) ၃၃၆/၂၀၁၆၊ ျပစ္မႈဆုိင္ရာဥပေဒပုဒ္မ ၃၀၂ ျဖင့္ တရားစြဲဆုိထားၿပီး အဆိုပါတရားခံကုိ သတ္ခဲ့သည့္လူအုပ္စုကုိ (ပ) ၃၃၇/၂၀၁၆၊ ပုဒ္မ ၃၀၂ ျဖင့္ ထပ္မံ စြဲဆုိထားေၾကာင္း စစ္ေတြၿမိဳ႕မရဲစခန္းမွ သိရသည္။

ဝုိင္းဝန္း႐ိုက္ႏွက္ခဲ့သူမ်ားဟုယူဆရသူမ်ားကုိ ဖမ္းဆီးစစ္ေဆးေနၿပီး တရားခံမ်ားကုိ အျမန္ဆုံး ေဖာ္ထုတ္သြားမည္ျဖစ္ေၾကာင္း စစ္ေတြ နယ္ထိန္းေခါင္းေဆာင္ ရဲအုပ္ ေအးခင္ေမာင္ထံမွ သိရသည္။

သတင္း ။ ။ ‪‎RiA‬
Tachileik News Agency
http://www.tachileik.net

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ