မြန်မာဇနီးမောင်နှံရေနစ် ခင်ပွန်းသေဆုံးပြီး ကိုယ်ဝန်ရှိဇနီးကိုတော့ကယ်နိုင်


မနေ့မတ်လ ၂၀ ရက်နေ့တွင် ကမ်ဖယ်ဖေ့ (กำแพงเพชร ) ခရိုင်၊ ခလောင်ခလွန် (คลองขลุง )မြို့နယ်၊ မယ်လတ်ရပ်ကွက်(ต.แม่ลาด) ရှိ လွန့်ဝန်ယန် (ล้นวังยาง)ရေကာတာတွင် ရေကစားနေသောမြန်မာဇနီးမောင်နှံစုံတွဲ ရေနစ်ရာမှ ကိုယ်ဝန် ၅ လ လွယ်ထားသော ဇနီးဖြစ်သူကို ထိုင်းလူမျိုးတစ်ဦးမှ လှေလှော်၍သွားရောက်ကယ်တင်နိူင်ခဲ့သော်လည်း ခင်ပွန်းဖြစ်သူကိုတော့ကယ်တင်နိူင်ခြင်းမရှိဘူး လို့သိရပါတယ်။

 အမျိုးသားဖြစ်သူရဲ့ အလောင်းကိုရှာဖွေရာမှာ ရေကာတာမှကျလာသောရေက ရေစီးအလွန်သန်ပြီးရေအနက်မှာ ၂ မီတာလောက်ရှိသဖြင့်ကယ်ဆယ်ရေးအဖွဲ့မှ အချင်းချင်းကူညီနိူင်ရန်အတွက် လူ ၁၀ယောက်ခန့်အသုံးပြု၍ ရေငုတ်ရှာဖွေစေခဲ့တယ်လို့ ပြောပါတယ်။

 အခင်းဖြစ်ပွားရခြင်းအကြောင်းရင်းကိုမေးမြန်းသောအခါ ရေနစ်သောဇနီးမောင်နှံ့တို့၏မိတ်ဆွေဖြစ်သူ ကိုစိုင်းရဲ့ ပြောပြချက်အရ ရာသီဥတုအလွန်ပူပြင်းတဲ့အတွက် သူငယ်ချင်းတွေကိုအဖော်ခေါ်ပြီး လွန့်ဝန်ယန် (ล้นวังยาง)ရေကာတာ မှာလာရောက်ရေကစားရင်း သေဆုံးသွားတဲ့ကိုစိုးရွှေဟာ ရေလယ်မှာရှိတဲ့ကျောက်ဆောင်ပေါ်ကို အရင်ရေကူးသွားပြီး အန္တာရာယ် မရှိဘူးလို့ယူဆတဲ့အတွက်သူ၏ဇနီးကိုပြန်လာခေါ်၍ နှစ်ယောက်အတူရေကူး၍ကျောက်ဆောင်တွေဆီသို့သွားတဲ့အချိန်မှာရေကာတာမှ ရေစီးအလွန်ကြမ်းလာသည့်အတွက် နှစ်ယောက်စလုံးရေစီးကြောင်းထဲမျှောပါသွားခဲ့တယ်လို့ပြောပါတယ်။

 မိမိတို့သွားကူရာမှာ ရေစီးအရမ်းကြမ်းတဲ့အတွက် ကယ်တင်နိူင်ခြင်းမရှိဘူးလို့ပြောပါတယ်။ အဲဒီအချိန်မှာ သဲလာတူးသောထိုင်းလူမျိုးများမှ လှေဖြင့်ဝင်ရောက် ကယ်တင်ပေးသဖြင့် ဇနီးဖြစ်သူမယဉ်ယဉ်အေးကိုသာ ကယ်တင်နိူင်ခဲ့ပြီး ခင်ပွန်းဖြစ်သူကိုတော့မကယ်တင်နိူင်ဘူးလို့ပြောပါတယ်။ ကမ်ဖယ်ဖေ့ခရိုင်လူမှုကယ်ဆယ်ရေးအသင်းကို အကူအညီတောင်းပြီး သေဆုံးသူကိုစိုးရွှေရဲ့အလောင်းကို ရှာဖွေရာမှာ အချိန် ၃နာရ်ီခန့်ကြာမှသာ ၎င်းအလောင်းကိုကုန်းပေါ်တင်နိူင်ခဲ့တယ်လို့ပြောပါတယ်။

MTF Channel
https://www.facebook.com/mtftv

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ