ဘရပ်ဆဲမှာ စီးနင်း ရှာဖွေမှုတွေလုပ်

စီးနင်း တိုက်ခိုက်မှုမှာ ပြင်သစ်ရဲတွေ ပါဝင်ခဲ့

ပြီးခဲ့တဲ့ နိုဝင်ဘာလက ပဲရစ်မြို့မှာ အစ္စလာမစ်အစွန်းရောက်သမားတွေရဲ့ တိုက်ခိုက်ခဲ့မှုနဲ့ဆက်နွယ်ပြီး တနင်္လာ နေ့က ဘယ်လ်ဂျီယံနိုင်ငံ ဘရပ်ဆဲလ်စ်မြို့မှာ ရဲတွေ စီးနင်း ရှာဖွေ တိုက်ခိုက်မှုတွေ လုပ်နေချိန်မှာပဲ တမြို့လုံးကို သတိ အနေအထား တပ်လှန့် ထားပါတယ်။

အဲဒီ စီးနင်း ရှာဖွေ တိုက်ခိုက်မှုနဲ့ ပတ်သက်လို့ ဘယ်လ်ဂျီယမ် ဝန်ကြီးချုပ် ရှားလ် မီရှဲလ် က လုပ်ရိုး လုပ်စဉ် ဝင်ရောက် ရှာဖွေမှု လုပ်စဉ် ရဲတွေ အတိုက်ခိုက်ခံခဲ့ရတယ် ဆိုတာကို ချက်ချင်း အကြောင်းကြား လာပါတယ်။

အဲဒီနောက် နေ့လယ်ခင်းက စလို့ ရဲတွေ စီးနင်း ဝင်ရောက် ခဲ့တာလို့ ဘယ်လ်ဂျီယမ် ဝန်ကြီးချုပ် က ပြောသွားပါတယ်။

စီးနင်း ရှာဖွေမှုတွေ အတွင်း ဒဏ်ရာရခဲ့တဲ့ ရဲတွေကိုလည်း ပြည်ထဲရေး ဝန်ကြီး ကိုယ်တိုင် သွားတွေ့ခဲ့တယ် လို့ ဆိုပါတယ်။

တနင်္လာနေ့ နေ့လယ် ဒေသ စံတော်ချိန် ၃ နာရီလောက်က ဘရပ်ဆဲလ်မြို့ရဲ့ တောင်ဘက်ပိုင်း Forest ရပ်ကွက်မှာ ရှိတဲ့ တိုက်ခန်းတခုကို ရဲတွေ ဝင်ရောက် ရှာဖွေ ခဲ့ရာမှာ တံခါးနားအရောက်မှာ အထဲကနေ ပစ်ခတ်မှုတွေ လုပ်ခဲ့တာလို့ သိရပါတယ်။

ရဲ ၃ ဦး ဒဏ်ရာရခဲ့ပြီး အဲဒီနောက်မှာ တော့ အပြန်အလှန် ပစ်ခတ်မှုတွေ အတွင်း နောက်ရဲတဦး ဒဏ်ရာရခဲ့ပါတယ်။

အဲဒီစီးနင်း တိုက်ခိုက်မှု မှာ ပြင်သစ်ရဲတွေ လည်း ပါဝင်ခဲ့ပြီး ဒဏ်ရာရသွားသူ ရဲတွေထဲက တဦး ဟာ ပြင်သစ်ရဲမေ တဦး ဖြစ်တယ်လို့ သိရပါတယ်။

သေနတ် ကိုင်ဆောင်ထားတဲ့ မသင်္ကာသူ တဦး ကို တော့ တိုက်ခန်း အပြင်ဘက်မှာ ရဲတွေက အသေပစ်သတ် ဖမ်းဆီးခဲ့ပါတယ်။

သေဆုံးသွား သူဟာ ဘယ်သူဘယ်ဝါလဲ ဆိုတာကိုတော့ အတိအကျ ထုတ်ဖော် ပြောတာမျိုး မရှိသေးပါဘူး။

ဒါပေမဲ့လည်း အဲဒီလူဟာ ပဲရစ်မြို့ တိုက်ခိုက်မှု အပြီး ထွက်ပြေး လွတ်မြောက်နေသူ နှစ်ဦး ထဲက တဦး ဖြစ်တဲ့ ဆလာ အက်ဘ်ဒက်ဆလဲမ် မဟုတ်ဘူး ဆိုတာ ကိုတော့ ဘယ်လ်ဂျီယမ် အစိုးရ ရှေ့နေ ပြောခွင့်ရ ပုဂ္ဂိုလ်က အစောပိုင်း တုန်းက အခိုင်အမာ ပြောသွား ခဲ့ပါတယ်။

စီးနင်း တိုက်ခိုက်မှုက ပြီးသွားပြီ ဖြစ်ပေမယ့် အဲဒီ ရပ်ကွက်မှာရှိတဲ့ နောက်နေရာ တခုမှာ ရှာဖွေ စစ်ဆေးမှုတွေ ပို ကျယ်ကျယ်ပြန့်ပြန့် ဆက်လုပ်နေတယ် လို့ ရဲ သတင်းရပ်ကွက်က ပြောပါတယ်။

ဒါပေမဲ့ လည်း နောက်ထပ် အသေးစိတ် ကိုတော့ ထုတ်ဖော် မပြောခဲ့ပါဘူး။

လောလောဆယ် မှာတော့ လမ်းတွေပေါ်မှာ လက်နက်တွေ အပြည့် ကိုင်ဆောင်ထားတဲ့ ရဲတွေ လမ်းမတွေ ပေါ်မှာ ဆက်ရှိ နေပြီး ရဟတ်ယာဉ် တစင်းလည်း ဝေဟင်မှာ ဝဲပျံ ကင်းလှည့်နေတာ တွေ့ရတယ် လို့ ဘီဘီစီ သတင်းထောက် Anna Holligan က အခင်းဖြစ်ပွားရာ နေရာကနေ သတင်း ပေးပို့ပါတယ်။

BBC Burmese
http://www.bbc.com/burmese