ပုဂံဒေသ ဇုန်ဝင်ကြေး နှင့် ပုဂံဒေသဖွံ့ဖြိုးတိုးတက်ရေး အတွက် သုံးစွဲသည့် စရိတ်များ ကွာဟနေ

ပုဂံဒေသ ဇုန်ဝင်ကြေး ကျပ်သိန်းပေါင်းခြောက်သောင်းကျော်ရှိသော်လည်း ပုဂံဒေသဖွံ့ဖြိုးတိုးတက်ရေးအတွက် တစ်နှစ်စာသုံးစွဲမည့် စရိတ်သည် ကျပ်သိန်းပေါင်း ၁,၂၀၀ ကျော်မျှသာ ဖြစ်နေခြင်းကြောင့် ပုဂံဒေသ ထိန်းသိမ်းစောင့်ရှောက်ရေး အတွက် ၀င်ငွေများ ပြန်လည်စိစစ်ရန် လိုအပ်ကြောင်း ခရီးသွားလုပ်ငန်းရှင်အချို့က ပြောဆိုနေကြသည်။

ပုဂံဇုန်ဝင်ကြေး ၁၀၀ ရာခိုင်နှုန်းတွင် ပုဂံဒေသ ထိန်းသိမ်းစောင့်ရှောက်ရေး အတွက် ၂ ရာခိုင်နှုန်းသာရှိပြီး မကောင်းတတ်၍ ပေးရသည့် ပုံစံမျိုးဖြစ်နေကြောင်း၊ လွှတ်တော်ကိုယ်စားလှယ်များ အနေဖြင့် ခရီးသွားလုပ်ငန်းကို စောင့်ရှောက်ရန်အတွက် လွှတ်တော်တွင် မေးခွန်းများ မေးမြန်းသင့်ကြောင်း ပုဂံဒေသအတွက် ၀င်သည့်ဝင်ငွေ၊ နိုင်ငံတော်က ခရီးသွားလုပ်ငန်း အတွက် ချပေးသည့် ဘတ်ဂျက်၊ ခရီးသွားဒေသများကို မည်သို့ထိန်းသိမ်းစောင့် ရှောက်၍ ဘတ်ဂျက်မည်မျှ သုံးစွဲနေသည်ကို ပုဂံဒေသကို အခြေထားပြီး မေးခွန်း ထုတ်သင့်ကြောင်း Nature Dream မှ အုပ်ချုပ်မှုဒါရိုက်တာဒေါ်စပယ်အောင်က The Ladies သို့ပြောသည်။

“ပုဂံဇုန်ဝင်ကြေးက ပုဂံဒေသဖွံ့ဖြိုး တိုးတက်ရေးအတွက် ဘယ်လောက်အထိ အကျိူးသက်ရောက်မှု ရှိလဲဆိုတဲ့ မေးခွန်းလေးပဲ မေးချင်တာပါ။ ပုဂံဒေသဖွံ့ဖြိုးတိုးတက်ရေး နဲ့ ပုဂံဒေသ ထိန်းသိမ်း စောင့်ရှောက်ရေး ပုဂံကို အမှီပြုပြီးတော့ ခရီးသွားစီးပွား ရှာဖွေစားသောက်နေကြတာ ဒါဇုန်ဝင်ကြေးတစ်ခုပဲရှိသေးတယ်။ အဲ့ဒီမှာမှ ပုဂံဒေသကို ဘယ်လောက်အထိ အကျိုးပြုဖို့ ဘယ်လိုသုံးစွဲဖို့ ရှိပါသလဲပေါ့၊ အဲ့ဒီမေးခွန်းလေးပဲမေးချင်တာ”ဟု ဒေါ်စပယ်အောင်က ပြောသည်။

အစိုးရသစ်လက်ထက်တွင် အစိုးရဟောင်း၏ အမွေကို ဆက်ခံရမည်ဖြစ်ရာ ယင်းသို့ ဆက်ခံချိန်တွင် အမှန်တကယ် နိုင်ငံ့အကျိုး၊ ပြည်သူလူထုအကျိုး၊ ခရီးသွားအကျိုးကို လုပ်ဆောင်ပေးရန်ပြောလိုကြောင်းနှင့် ပုဂံဒေသသည် ခရီးသွားလုပ်ငန်းအတွက် အဓိကနေရာဖြစ်ပြီး ရေရှည်ထိန်းသိမ်း စောင့်ရှောက်ရမည့် နေရာ
လည်းဖြစ်သည်ဟု ဒေါ်စပယ်အောင်က ဆက်လက်ပြောသည်။

“ပုဂံဒေသဆိုတာ ရေရှည်ထိန်းသိမ်း စောင့်ရှောက်သွားရမယ့်နေရာပေါ့။ တိုးရစ်တွေ အရမ်းများလာမယ်၊ အမှိုက်တွေမသိမ်းတော့ဘူး၊ ဘုရားတွေပြိုတာ ပျက်တာ မထိန်းသိမ်းတော့ဘူးဆိုရင် ပုဂံဒေသက နောက်အနှစ် ၂၀ အနှစ် ၃၀ ဆို မလှပတော့ဘူး။ရှေးဟောင်းတွေ ပျက်စီးသွားတဲ့ အနေအထားမျိုး ဖြစ်နိုင်တယ်။
နိုင်င်ငံတကာအကူအညီတွေကိုပဲ အားကိုးနေလို့မရဘူး။ အခုဟာက ၀င်တဲ့ဝင်ငွေတွေက ဇီးသီးဗန်းမှောက်ဖြစ်နေတယ်။ ပုဂံဒေသ ထိန်းသိမ်း စောင့်ရှောက်ရေးအတွက်က ၂ ရာခိုင်နှုန်းပဲကျန်တယ်” ဟု ဒေါ်စပယ်အောင်က ဆိုသည်။

ပုဂံဇုန်ဝင်ကြေးနှင့် ပတ်သက်၍ ပြီးခဲ့သည့် ၂၀၁၅ခုနှစ် ပုဂံမြို့ ဧည့်ဝင်စာရင်း(ခန့်မှန်း) အပေါ်အခြေခံထားသည့် ၂၀၁၆ မတ်လ ၁ရက်မှ ၂၀၁၇ ဖေဖော်ဝါရီ ၂၈ ရက်အထိ တစ်နှစ်စာ အကြမ်းဖျင်း တွက်ချက်မှု စာရင်းအရ ဧည့်သည်ဦးရေ ၂၄၇,၁၄၀ ရှိရာ တစ်ဦးလျှင် ၂၅,၀၀၀ကျပ်ဖြင့် စုစုပေါင်း ကောက်ခံရရှိမည့်ငွေမှာ ကျပ်သိန်းပေါင်းခြောက် သာင်းကျော်ရှိကြောင်း၊ နိုင်ငံတော်အစိုးရသို့ ပေးသွင်းရမည်ဆိုသည့် ရာခိုင်နှုန်း ၉၀ ၏ စုစုပေါင်းမှာ ကျပ်သိန်းပေါင်းငါးသောင်း ငါးထောင်ကျော်ဖြစ်ကြောင်း၊ MTF မှ ကောက်ယူမည့် ၁၀ ရာခိုင်နှုန်းသည် ကျပ်သိန်းပေါင်း ခြောက်ထောင်ကျော်ရှိကြောင်း၊ MTFမှ ပုဂံဇုန်ဝင်ကြေး ကောက်ခံမှုတွင် ၀န်ထမ်းခန့်ခြင်းအပါဝင် သုံးစွဲမည့်စရိတ်စက ၅ ရာခိုင်နှုန်းမှာ ကျပ်သိန်းပေါင်းသုံးထောင်ကျော်၊ MTF မှ Tourism ဖွံ့ဖြိုးတိုးတက်ရေးအတွက် သုံးစွဲမည့်စရိတ်စက ၃ ရာခိုင်နှုန်းမှာ ကျပ်သိန်းပေါင်း တစ်ထောင့်ရှစ်ရာကျော် ရှိပြီး MTF မှ ထပ်မံခွဲခြမ်းပေးမည့် ပုဂံဒေသ ဖွံ့ဖြိုးတိုးတက်ရေးအတွက် သုံးစွဲမည့် စရိတ်စကမှာ ကျပ်သိန်းပေါင်း တစ်ထောင့်နှစ်ရာကျော်သာ ရှိနေကြောင်း သိရသည်။

သတင်း - ဇော်မင်းထွန်း
Photo – Saung Phyu
The Ladies News
https://www.facebook.com/News.TheLadies/