နျူကလီးယား စက်ရုံက သိပ္ပံပညာရှင်တွေနဲ့ တွေ့ဆုံတဲ့ မြောက်ကိုရီးယား ခေါင်းဆောင် Kim Jong-un (Credit: AFP) |
တနင်္လာနေ့တုန်းက အမေရိကန်နဲ့ တောင်ကိုရီးယားတို့ စစ်ရေးလေ့ကျင့်လာတဲ့ နေ့ကစပြီး မြောက်ကိုရီးယား ခေါင်းဆောင်ဟာ နျူကလီးယား စွမ်းရည် ဘယ်လောက် ရှိလာပြီလဲ ဆိုတာကို တောက်လျှောက် ပြောဆိုနေပါတယ်။
ဒုံးကျည် ထိပ်ဖူးမှာ တပ်ဆင်နိုင်မယ့် နျူကလီးယားတွေကို တီထွင်နိုင်ပြီလို့ ပြောဆိုသလို တာတိုပစ် ဒုံးကျည်တွေကိုလည်း ပင်လယ်ထဲ ပစ်ခတ်ခဲ့ပါတယ်။
နျူကလီးယား လက်နက်ကို ဆက်လက် စမ်းသပ်မှုတွေလုပ်ဖို့ ညွန်ကြားလိုက်သလို သတင်းတစ်ခုမှာတော့ အမေရိကန်နဲ့ တောင်ကိုရီးယားကို ပြာကျသွားအောင် လုပ်ပစ်မယ်လို့တောင် ခြိမ်းခြောက်လိုက်ပါတယ်။
ပြီးခဲ့တဲ့ ဇန်နဝါရီလတုန်းကပဲ မြောက်ကိုရီးယားက နျူကလီးယား စမ်းသပ်မှု လုပ်ပြီးတဲ့နောက် နိုင်ငံတကာရဲ့ ဝေဖန်မှုကို ခံရပြီး ကုလသမဂ္ဂကလည်း ဒဏ်ခတ်ပိတ်ဆို့မှု တိုးချဲ့ ချမှတ်လိုက်ပါတယ်။
မြောက်ကိုရီးယားအပေါ် ကုလသမဂ္ဂက ဒဏ်ခတ်ပိတ်ဆို့မှု အသစ်ကို ချမှတ်ပြီးတဲ့နောက် တရုတ်က မြောက်ကိုရီးယား သင်္ဘောတွေကို ဝင်ခွင့် ပိတ်ပင်လိုက်ပါတယ်။
အရင်တုန်းက မြောက်ကိုရီးယား နိုင်ငံအပေါ် ချမှတ်တဲ့ ဒဏ်ခတ်ပိတ်ဆို့မှုတွေကို တရုတ်က လိုက်နာလေ့မရှိပေမယ့် ဒီတချီမှာတော့ ပေးဝင်မှာ မဟုတ်ဘူးလို့ တရုတ်အစိုးရက ပြောလိုက်ပါတယ်။
ကုလသမဂ္ဂရဲ့ ဒဏ်ခတ်ပိတ်ဆို့မှုကို ပထမဆုံး အကောင်အထည် ဖော်တဲ့ နိုင်ငံကတော့ ဖိလစ်ပိုင်နိုင်ငံဖြစ်ပါတယ်။
ဖိလစ်ပိုင် နိုင်ငံထဲ ဝင်ရောက်တဲ့ မြောက်ကိုရီးယား သင်္ဘောကို ဖိလစ်ပိုက်က ကျောက်ချခိုင်းခဲ့ပြီး စစ်ဆေးမှုတွေ လုပ်ခဲ့သလို ကုလသမဂ္ဂတွေ စစ်ဆေးနိုင်အောင်လည်း လုပ်ဆောင်ပေးခဲ့ပါတယ်။
ABC Radio Australia
http://www.radioaustralia.net.au/burmese
ကိုရီးယားနဲ့ ကန်တို့ ပြာကျတဲ့အထိ နျူ့ကို စမ်းသပ်မယ်
Reviewed by THITHTOOLWIN
on
20:54
Rating: