နိုင်ငံတော်သမ္မတ ရွေးချယ်မှု နှင့် အစိုးရတာဝန်များ လွှဲပြောင်းမှုကို မတ်လ ၁၀ ရက်မှစ၍ အစီအစဉ်များအတိုင်း ပြုလုပ်မည်


နိုင်ငံတော်သမ္မတ တာဝန်နှင့် အစိုးရတာဝန်များ လွှဲပြောင်းမှုကို မတ်လ ၁၀ ရက်မှ မတ်လ ၃၁ ရက်နေ့အထိ အစီအစဉ်များအတိုင်း ပြုလုပ်သွားမည်ဟု သိရသည်။

ပြည်သူ့လွှတ်တော်နှင့် အမျိုးသားလွှတ်တော်တွင် ဒုတိယသမ္မတ အမည်စာရင်း အဆိုပြုလွှာကို မတ်လ ၁၀ ရက်တွင် တင်သွင်းမည်ဖြစ်ပြီး မတ်လ ၁၁ ရက်တွင် အဆိုပြုလွှာကို စိစစ်ရေးအဖွဲ့များနှင့် ဌာနဆိုင်ရာများက အရည်အချင်း ကိုက်ညီမှုရှိမရှိ စစ်ဆေးမည်ဖြစ်သည်။

မတ်လ ၁၁ ရက် (သို့မဟုတ်) မတ်လ ၁၄ ရက် တစ်ရက်ရက်တွင် ဒုသမ္မတ ရွေးချယ်မည်ဖြစ်ပြီး မတ်လ ၁၅ ရက်တွင် ပြည်ထောင်စု လွှတ်တော်သို့ သမ္မတလောင်း သုံးဦးစာရင်း တင်သွင်းမည်ဖြစ်သည်။

မတ်လ ၁၇ - ၁၈ တစ်ရက်ရက်တွင် ပြည်ထောင်စု လွှတ်တော်တွင် လျှို့ဝှက်မဲပေးစနစ်ဖြင့် သမ္မတ၊ ဒုသမ္မတ(၁)နှင့် ဒုသမ္မတ(၂) တို့ကို ရွေးချယ်မည်ဖြစ်သည်။

မတ်လ ၂၁ ရက်တွင် ဖွဲ့စည်းမည့် ၀န်ကြီးဌာနများကို သမ္မတက အဆိုပြု စာရင်း တင်သွင်းရမည်ဖြစ်ပြီး မတ်လ ၂၂ ရက်တွင် ဆွေးနွေး အတည်ပြု မည် ဖြစ်သည်။

မတ် ၂၃ ရက်တွင် အစိုးရသစ်နှင့် အစိုးရဟောင်းတို့တွေ့ဆုံကြမည်ဖြစ်ပြီး မတ်လ ၂၄ ရက်တွင် ခန့်အပ်မည့် ၀န်ကြီးစာရင်းကို လွှတ်တော်တွင် တင်သွင်းဖြန့်ဝေမည် ဖြစ်ပြီး မတ်လ ၂၅ ရက်တွင် ဆွေးနွေး အတည်ပြု မည်ဖြစ်သည်။

ယင်းနောက် မတ်လ ၂၈ ရက် (သို့မဟုတ်) ၂၉ ရက်တို့တွင် ၀န်ကြီးများ၊ ရှေ့နေချုပ်၊ စာရင်းစစ်ချုပ်များပါ ကတိသစ္စာပြုမည်ဖြစ်သည်။

မတ်လ ၃၀ ရက်တွင် သမ္မတတာဝန်နှင့် အစိုးရဌာန တာဝန်များ လွှဲပြောင်း ပွဲ ပြုလုပ်မည်ဖြစ်သည်။ မတ်လ ၃၁ ရက်တွင် ရွေးချယ်တင်မြောက် ခံရသည့် နိုင်ငံတော်သမ္မတက ပြည်ထောင်စု လွှတ်တော်တွင် မိန့်ခွန်းပြောကြားမည် ဖြစ်ကြောင်း သိရသည်။

သတင်း - ဇော်မင်းထွန်း

The Ladies News
https://www.facebook.com/News.TheLadies
နိုင်ငံတော်သမ္မတ ရွေးချယ်မှု နှင့် အစိုးရတာဝန်များ လွှဲပြောင်းမှုကို မတ်လ ၁၀ ရက်မှစ၍ အစီအစဉ်များအတိုင်း ပြုလုပ်မည်  နိုင်ငံတော်သမ္မတ ရွေးချယ်မှု နှင့် အစိုးရတာဝန်များ လွှဲပြောင်းမှုကို မတ်လ ၁၀ ရက်မှစ၍ အစီအစဉ်များအတိုင်း ပြုလုပ်မည် Reviewed by THITHTOOLWIN on 22:08 Rating: 5
Powered by Blogger.