ဦးမြင့်ဆွေအား ဒုတိယ သမ္မတလောင်းအဖြစ် ရွေးချယ်

တပ်မတော်သားအစုအဖွဲ့က တင်မြှောက်ရွေးချယ်သည့်ပုံ။ ဓါတ်ပုံ - ကကပြည်
လွှတ်တော်နှစ်ရပ်ပေါင်းမှာရှိတဲ့ တပ်မတော်သားကိုယ်စားလှယ် အစုအဖွဲ့က တင်မြှောက်မယ့် ဒုတိယ သမ္မတလောင်းအဖြစ် လက်ရှိ ရန်ကုန်တိုင်းဝန်ကြီးချုပ် အငြိမ်းစား ဒုတိယဗိုလ်ချုပ်ကြီး မြင့်ဆွေကို ရွေးချယ် လိုက်တယ်လို့ တပ်မတော်က သတင်းထုတ်ပြန်လိုက်ပါတယ်။

ဒီနေ့ နေပြည်တော်က ဆင်ဖြူရှင်ခန်းမမှာ ကျင်းပတဲ့ တပ်မတော်သား လွှတ်တော်ကိုယ်စားလှယ် အစုအဖွဲ့က ကျင်းပတဲ့ ဒုတိယသမ္မတရွေးချယ်ရေး အခမ်းအနားမှာ တပ်မတော်သားကိုယ်စားလှယ် ဗိုလ်မှူးချုပ် သန်းလွင်က အငြိမ်းစား ဒုတိယဗိုလ်ချုပ်ကြီး မြင့်ဆွေကို ဒုတိယသမ္မတလောင်းအဖြစ် အဆိုပြုတင်သွင်းပြီး ကန့်ကွက်သူ မရှိတဲ့အတွက် အတည်ပြုလိုက်တာဖြစ်တယ်လို့ သတင်းထုတ်ပြန်ချက်မှာ ပါရှိပါတယ်။

အဲ့ဒီအခမ်းအနားကို လွှတ်တော်နှစ်ရပ်ပေါင်းက တပ်မတော်သားကိုယ်စားလှယ် ၁၆၆ ဦး တက်ရောက်ခဲ့တယ်လို့ သိရပါတယ်။

တပ်မတော်သား ကိုယ်စားလှယ်အစုအဖွဲ့က တင်မြှောက်တဲ့ အငြိမ်းစား ဒုတိယဗိုလ်ချုပ်ကြီး မြင့်ဆွေဟာ အငြိမ်းစား ဗိုလ်ချုပ်မှူးကြီး သန်းရွှေနဲ့ နီးစပ်သူဖြစ်ပြီး သူဟာ တပ်မတော်က တင်မြှောက်ခဲ့တဲ့ ဒုတိယသမ္မတဟောင်း သီဟသူရတင်အောင်မြင့်ဦး ပြီးခဲ့တဲ့ ၂ဝ၁၂ ခုနှစ်မှာ ကျန်းမာရေးကြောင့် ရာထူးကနေ နှုတ်ထွက်စဉ် အစားထိုး ခန့်အပ်ဖို့ လျာထားခံခဲ့ရသူတွေထဲက တစ်ဦး ဖြစ်ပါတယ်။ အဲ့ဒီအချိန်က အငြိမ်းစား ဒုတိယဗိုလ်ချုပ်ကြီး မြင့်ဆွေရဲ့ သမက်ဖြစ်သူဟာ နိုင်ငံခြားသားအဖြစ် ခံယူထားတာကြောင့် ပုဒ်မ ၅၉(စ) နဲ့ ငြိစွန်းခဲ့ပြီး ဒုတိယသမ္မတ နေရာနဲ့ လွဲချော်ခဲ့သူဖြစ်ပါတယ်။

ပုဒ်မ ၅၉(စ) မှာ နိုင်ငံတော်သမ္မတ၊ ဒုတိယသမ္မတတွေရဲ့ သမက် သို့မဟုတ် ချွေးမတို့ဟာ နိုင်ငံခြားသားမဖြစ်ရ ၊ နိုင်ငံခြားအစိုးရရဲ့ လက်အောက်ခံ မဖြစ်ရဆိုတဲ့ အချက်တွေကို ပြီးခဲ့တဲ့ လွှတ်တော်မှာ ပယ်ဖျက်လိုက်တာကြောင့် ဦးမြင့်ဆွေဟာ ငြိစွန်းမှုမရှိတော့ဘူးလို့လည်း သိရပါတယ်။ သူဟာ ၂ဝဝ၇ ရွှေဝါရောင်သံဃာ့အရေးအခင်းကို ကိုင်တွယ်ဖြေရှင်းခဲ့သူဖြစ်ပြီး ထောက်လှမ်းရေးအဖွဲ့ကို ဖြိုခွဲစဉ်ကလည်း အဓိကတာဝန်ယူခဲ့သူဖြစ်တယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ