ကျောက်တန်း-ယုဇနပလာဇာ ပြေးဆွဲနေတဲ့ ဌာနခွဲ(၂) တောင်ပိုင်းခရိုင်ယာဉ်လိုင်း ဘတ်(စ်)ကား အရှိန်မထိမ်းနိုင်လို့ တိမ်းမှောက်သွားပြီး ခရီးသည်(၄)ဦး ဒဏ်ရာရရှိသွားတယ်လို့ သိရပါတယ်။ဒီကနေ့နံနက် (၉)နာရီ(၁၅)မိနစ်ဝန်းကျင်လောက်က တောင်ပိုင်းခရိုင်ယာဉ်လိုင်း ယာဉ်အမှတ် (9G-1654) ဘတ်စ်ကားဟာ သာကေတမှ သုဝဏ္ဏသို့ ဝေဇယန္တရာလမ်းအတိုင်းမောင်းနှင်လာပြီး သုဝဏ္ဏတံတားအဆင်းမှာ အရှိန်လွန်ကာ ညာဘက်ခြမ်းကို တိမ်းမှောက်သွားခဲ့တာပါ။
ကားတိမ်းမှောက်မှုကြောင့် ဒီကားပေါ်ပါ ခရီးသည် (၂၅)ဦးအနက် (၄)ဦးက ပုခုံး၊ ဦးခေါင်းတွေမှာ အတွင်းဒဏ်ရာ ရရှိခဲ့ပြီး ကျန်သူတွေကတော့ ပွန်းပဲ့ထိခိုက်ဒဏ်ရာရရှိခဲ့တယ်လို့ သိရပါတယ်။ဒီဒဏ်ရာရရှိခဲ့တဲ့ (၄)ဦးကိုတော့ လက်ရှိ သင်္ဃန်းကျွန်းစံပြဆေးရုံကြီးမှာ ဆေးကုသမှု ခံနေပါတယ်။ ဒီတိမ်းမှောက်မှုနဲ့ပတ်သက်ပြီး အနီးနားရှိ မျက်မြင်တွေ့ရှိသူတွေအနေနဲ့ စည်းကမ်းမဲ့ မောင်းနှင်မှုကြောင့် အခုလို တိမ်းမှောက်ခဲ့တယ်လို့လည်း မှတ်ချက်ပေးထားပါတယ်။
ဒီအမှုနဲ့ပတ်သက်ပြီး ယာဉ်ထိန်းရဲတပ်ဖွဲ့အနေနဲ့ ယာဉ်မောင်းကို သုဝဏ္ဏရဲစခန်းမှာယာဉ်မဆင်မခြင် မောင်းနှင်မှုပြစ်မှုပုဒ်မ(၂၇၉) ယာဉ်တိုက်မှုကြောင့် သာမန်ဒဏ်ရာရမှု(၃၃၇) ပြင်းထန်ဒဏ်ရာရရှိမှု(၃၃၈)နဲ့ တရားလိုပြုတိုင်တန်းထားတယ်လို့ သိရပါတယ်။
For Info News
https://www.facebook.com/forinfo
သုဝဏ္ဏတံတားအဆင်း ဘတ်စ်ကားတိမ်းမှောက်
Reviewed by THITHTOOLWIN
on
21:00
Rating: