ပြင်သစ်နဲ့ ဘယ်လ်ဂျီယမ်မှာ ရှာဖွေ စီးနင်း

ဘရပ်ဆဲလ် လုံခြုံရေး အထူးတင်းကျပ်ဆဲ
ပြင်သစ် မှာ တိုက်ခိုက်မှု ကျူးလွန်ဖို့ အကွက်ချ ကြံစည်နေသူ လို့ ယူဆရတဲ့ စစ်သွေးကြွ တယောက်ကို ဖမ်းမိထားတယ်လို့ ပြင်သစ် ပြည်ထဲရေး ဝန်ကြီး ဘယ်နာ့ ကဇန်နုဗ် က ပြောပါတယ်။

ဖမ်းထားသူဟာ ပြင်သစ် နိုင်ငံသား ဖြစ်ပြီး အပြင်းစား တိုက်ခိုက်မှု တခု ကြံစည်နေသူလို့ သင်္ကာ မကင်းကြောင်း၊ အကြမ်းဖက် ကွန်ယက် တခုနဲ့ ချိတ်ဆက် လုပ်ကိုင်နေတာ ဖြစ်ကြောင်း ပြည်ထဲရေး ဝန်ကြီး က ပြောပါတယ်။

ပဲရစ် မြို့တော် အနောက်တောင်ပိုင်း ဆင်ခြေဖုံးမှာ ဝင်ရောက် စီးနင်း ရှာဖွေချိန်မှာ ဒီလူကို ဖမ်းဆီး ရမိခဲ့တာပါ။

ဒီဖမ်းဆီးမှုကို အဓိက ဖမ်းဆီးရမိမှုကြီး တခု အဖြစ် မစ္စတာ ကဇန်နုဗ် က ဆိုပေမယ့် ပဲရစ်နဲ့ ဘရပ်ဆဲလ်မှာ ဖြစ်ပွားခဲ့တဲ့ တိုက်ခိုက်မှု တွေနဲ့ ဆက်နွယ် တဲ့ အထောက်အထား တော့ မရှိသေးဘူးလို့ သိရပါတယ်။
ဘယ်လ်ဂျီယမ်

ဘယ်လ်ဂျီယမ် နိုင်ငံ ဘရပ်ဆဲလ် မြို့တော် မှာတော့ လူ ၆ ယောက်ကို အာဏာပိုင်တွေက ဖမ်းဆီးလိုက်ပါတယ်။

ဒါဟာ လူ ၃ဝ ကျော် သေဆုံးတဲ့ လေဆိပ်နဲ့ မြေအောက် ရထား ဘူတာရုံကို စစ်သွေးကြွတွေ တိုက်ခိုက်မှု အပြီး ၂ ရက်အကြာမှာ ဖမ်းဆီးခဲ့တာပါ။

ဒီ ဖမ်းထားတဲ့ ထဲက ၃ ယောက်ကို မြို့လယ်က အစိုးရ ရှေ့နေရုံး အပြင်ဘက်မှာ ဖမ်းထားတယ်လို့ ဆိုပါတယ်။

ဘယ်သူဘယ်ဝါ သေချာ မသိရသေး ပေမယ့် ဘရပ်ဆဲလ် မြို့ထဲမှာ တအိမ်တက်ဆင်း ရှာဖွေ ဖမ်းမိ ခဲ့တာ ဖြစ်ပါတယ်။

ရဲ မှတ်တမ်း ကင်မရာမှာ တွေ့ရှိခဲ့တဲ့ မသင်္ကာသူ အနည်းဆုံး ၂ ယောက် ကတော့ ခုထိ လွတ်နေဆဲလို့ သိရပါတယ်။

BBC Burmese
http://www.bbc.com/burmese
ပြင်သစ်နဲ့ ဘယ်လ်ဂျီယမ်မှာ ရှာဖွေ စီးနင်း  ပြင်သစ်နဲ့ ဘယ်လ်ဂျီယမ်မှာ ရှာဖွေ စီးနင်း Reviewed by THITHTOOLWIN on 09:33 Rating: 5
Powered by Blogger.