အန်ကာရာ ဗုံးခွဲမှု၊ သူတို့လက်ချက်လို့ ကာဒစ်ရ်ှအဖွဲ့ပြော

အခု လပိုင်းအတွင်း ပြင်းထန်တဲ့ တိုက်ခိုက်မှုတွေ တူရကီ ကြုံနေရ။
တူရကီနိုင်ငံ၊ အန်ကာရာ မြို့တော်မှာ ပြီးခဲ့တဲ့ တနင်္ဂနွေနေ့က ပေါ်ပေါက်ခဲ့တဲ့ အသေခံ ဗုံးခွဲ တိုက်ခိုက်မှုကို TAK ကာဒစ်ရှ် တပ်ဖွဲ့က သူတို့ လုပ်ခဲ့တာလို့ ပြောလိုက်ပါတယ်။

လူ ၃၇ ဦး သေဆုံးခဲ့ရတဲ့ အဲဒီ ဗုံးခွဲမှုကို တူရကီ အရှေ့တောင်ပိုင်းမှာ ကာဒ်စ်ရ်ှတွေကို နှိမ်နင်းခဲ့တာကို လက်တုံ့ပြန်တဲ့ အနေနဲ့ လုပ်ခဲ့တာလို့ TAK အဖွဲ့က အွန်လိုင်း ထုတ်ပြန်ချက် တစ်ခုမှာ ဖော်ပြပါတယ်။

TAK အဖွဲ့ဟာ တူရကီမှာ မတရားအသင်း ကြေညာခံထားရတဲ့ ကာဒစ်ရှ် အလုပ်သမား ပါတီ PKK ရဲ့ အဖွဲ့ခွဲ တစ်ခု ဖြစ်ပါတယ်။ ပြီးခဲ့တဲ့ လက အန်ကာရာမြို့မှာပဲ ဖြစ်ပွားခဲ့တဲ့ ဗုံးခွဲတိုက်ခိုက်မှု နောက်တစ်ခုကိုလည်း TAK အဖွဲ့က သူတို့ စီစဉ်ခဲ့တာလို့ ပြောခဲ့ပါတယ်။

တူရကီ အာဏာပိုင်တွေ ကတော့ တနင်္ဂနွေနေ့ ဗုံးခွဲမှုကို PKK က ပြုလုပ်ခဲ့တာလို့ စွပ်စွဲခဲ့ပါတယ်။

ဂျာမနီကလည်း အန်ကာရာမှာ နောက်ထပ် တိုက်ခိုက်မှုတွေ ဖြစ်လာနိုင်တဲ့အတွက် အန်ကာရာမှာ ရှိတဲ့ သူတို့ရဲ့ သံရုံး၊ ကောင်စစ်ဝန်ရုံးနဲ့ ကျောင်းတစ်ကျောင်းကို ဒီကနေ့ ကြာသပတေးနေ့မှာ ပိတ်လိုက်ပါတယ်။

ပြီးခဲ့တဲ့ ဇန်နဝါရီလက အီစတန်ဘူလ် မြို့မှာ IS အဖွဲ့ရဲ့ အသေခံ ဗုံးခွဲမှုကြောင့် ဂျာမနီ နိုင်ငံသား ကမ္ဘာလှည့် ခရီးသည် ၁၂ ဦး သေဆုံး ခဲ့ရပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ