မယ်လဒုက္ခသည်များ ပါဝင်သည့် လိုင်းကားတစီး တိမ်းမှောက်၍ ၁ဦးသေ၊ ၂၀ ကျော်ဒဏ်ရာရ


မတ် ၉ ရက်၊ ၂၀၁၆ခုနှစ်။ စောသိန်းမြင့်

ထုိုင်း-မြန်မာနယ်စပ် တာ့ခ်ခရုိုင်၊ ထာ့ဆောင်ယန်းမြို့ရှိ မယ်လဒုက္ခသည်စခန်းအနီး အဝေးပြေး လမ်းကြီးပေါ်တွင် မတ် ၈ရက်နေ့၊ နံနက် ၁၀နာရီခန့်က ဒုက္ခသည်များအပါအဝင် ခရီးသည် ၃၂ဦး စီးနင်းလုိုက်ပါသည့် လုိုင်းကားတစီးတိမ်းမှောက်မှုဖြစ်ပွား၍ ခရီးသည် ၁ဦးသေဆုံးပြီး ၂၀ကျော် ထိခုိုက်ဒဏ်ရာရရှိခဲ့သည်ဟု သိရသည်။

မဲဆောက်မြို့မှ မဲ့စရင်းယန်းမြို့သုို့ မောင်းနှင်လာသည့် အဆိုပါ လုိုင်းကားသည် မယ်လဒုက္ခသည်စခန်းနှင့် မဲ့တန့်အကြား၊ လမ်းပြုပြင်မှု လုပ်ဆောင်နေသည့် တနေရာ၌ အရှိန်လွန် တိမ်းမှောက်မှုဖြစ်ပွားခဲ့ခြင်းဖြစ်သည်ဟု ကိုယ်တုိုင်သွားကြည့်သူ မယ်လ ဒုက္ခသည်စခန်းမှ တာဝန်ရှိသူတစ်ဦးဖြစ်သူ စောမောကဲက ကေအုိုင်စီသုို့ ပြောသည်။

၎င်းက “ကားထဲမှာဆုိုရင်(ဒုက္ခသည်)စခန်းထဲက လူ ၁၀ကျော်ပါဝင်ပါတယ်။ ဒဏ်ရာရတဲ့ အထဲမှာလည်း စခန်းကလူပါတယ်။ ဒဏ်ရာပြင်းထန်တဲ့လူအထဲမှာလည်း စခန်းထဲ တစ်ဦးပါဝင် တယ်။ ကားက ခရီးသည် အပြည့်တင်ဆောင်လာပြီးတော့ အရှိန်ပြင်းပြင်းမောင်းလာတဲ့အတွက် တိမ်းမှောက်မှု ဖြစ်သွားတာဖြစ်တယ်လုို့ အဲဒီနားက လမ်းပြုပြင်သူတွေက ပြောပြတယ်”ဟု ပြောသည်။

အဆုိုပါ လုိုင်းကားကို မောင်းသူမှာ ဒဏ်ရာရရှိခြင်း မရှိကြောင်း၊ ကားတိမ်းမှောက်၍ သေဆုံးခဲ့သူ တစ်ဦးမှာ ထုိုင်းနုိုင်ငံသားဖြစ်ကြောင်းနှင့် ထိခုိုက်ဒဏ်ရာရှိသူ ၂၀ဦးကျော်အနက် ဒဏ်ရာ ပြင်းထန်ပြီး စုိုးရိမ်ရသည့် လူနာများကို မဲဆောက်ဆေးရုံကြီးသုို့ မတ်လ ၈ရက်နေ့က ပုို့ဆောင်ထားကြောင်း စောမောကဲက ဆက်ပြောသည်။

၎င်းကားတိမ်းမှောက်မှုကြောင့် ထိခုိုက်ဒဏ်ရာရသူများထဲတွင် ဒုက္ခသည်များပါဝင်ခဲ့မှုအပေါ် စခန်းရှိ ထုိုင်းအာဏာပုိုင်များက စခန်းတာဝန်ရှိသူများကို တစုံတရာ တွေ့ဆုံပြောဆုိုမှုများ မရှိသေးသော်လည်း ဒုက္ခသည်များအနေဖြင့် စခန်းပြင်ထွက်ပြီး အသွားအလာ ဆင်ခြင်ရန် လုိုအပ်သည်ဟု မယ်လဒုက္ခသည်စခန်းဥက္ကဋ္ဌ စောအောနက်က ကေအုိုင်စီသုို့ ပြောသည်။

ထုိုင်းနုိုင်ငံ မဲဆောက်မြို့ မြောက်ဘက် ၆၀ကီလုိုမီတာ အကွာရှိ လူဦးရေ ၄၀‚၀၀၀ ကျော် နေထုိုင်သော မယ်လဒုက္ခသည်စခန်းအတွင်း ဒုက္ခသည်များသည် ယခင်က စခန်းအပြင်ထွက်ပြီး မတော်တဆ ယဉ်တုိုက်သေဆုံးမှုမရှိသော်လည်း ယခုလုို အဝေးပြေးလုိုင်းကား စီးနင်းလုိုက်ပါပြီး တိမ်းမှောက်မှုနှင့် ကြုံနေရခြင်းသည် ပထမဦးဆုံးအကြိမ်ဖြစ်သည်။

ကေအိုင်စီ - KIC
http://kicnews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ