နေအိမ်တွင် မူးယစ်ရမ်းကားနေသူကို ရဲတပ်ဖွဲ့ဝင်များက ထိန်းသိမ်းစဉ် ဓားဖြင့် ပြန်လည်ခုခံ၍ သေနတ်ဖြင့် ပစ်ခတ်ဖမ်းဆီး
ရန်ကုန် မတ် ၁၃
တာမွေမြို့နယ် မလွှကုန်းဌေးကြွယ်(က)ရပ်ကွက် သမိန်ဗရမ်း လမ်းနေ ဦး-----သည် ၄င်း၏သား ဖြစ်သူ ဇင်ကိုကိုလွင်မှာ နေအိမ်ပေါ်တွင် မူးယစ်ရမ်းကားဆူပူသောင်းကျန်းနေကြောင်း တာမွေမြို့မရဲစခန်းသို့ ထိန်းသိမ်းပေးရန် မတ် ၁၂ ရက် ည ၉ နာရီ ၁ဝ မိနစ်က အကြောင်းကြား ချက်အရ တာမွေမြို့မရဲစခန်းမှ တပ်ဖွဲ့ဝင်များက သွားရောက် ထိန်းသိမ်းဆောင်ရွက်ခဲ့ကြောင်း သိရသည်။
တပ်ဖွဲ့ဝင်များက နေအိမ်တံခါး ဖွင့်စဉ် ဇင်ကိုကိုလွင်က ဓားကိုင်ရန်ပြု သဖြင့် လှည့်ကင်းမီးတန်းယာဉ်သို့ တပ်ဖွဲ့ဝင်များက ထပ်မံဆက်သွယ် အကြောင်းကြားခဲ့ရာ ည ၉ နာရီ မိနစ် ၂ဝ တွင် လှည့်ကင်းမီးတန်းယာဉ် တာဝန်ကျ ရဲအုပ်ဇော်ဇော်ထွန်းနှင့် အဖွဲ့ ထပ်မံရောက်ရှိလာပြီး သက်သေ များနှင့်အတူ နေအိမ်တံခါးအားဖွင့်၍ အခန်းအတွင်းသို့ ဝင်ရောက်စဉ် ဇင်ကိုကိုလွင်မှာ ရဲတပ်ဖွဲ့ဝင်များအား သနပ်ခါးတုံး၊ ကျောက်ပျဉ်များဖြင့် ပစ်ပေါက်ခဲ့ပြီး အရိုးအသွား ၁၁ လက်မခန့်ရှိ ဓားဦးချွန်ဖြင့်ထိုးသဖြင့် ရဲအုပ်ဇော်ဇော်ထွန်းက ခြောက်လုံးပြူး သေနတ်ဖြင့် ခြောက်လှန့်ပစ်ခတ်ခဲ့ကြောင်း၊ ထိုသို့ပစ်ခတ်ခဲ့သော်လည်း ဓားဖြင့်ထပ်မံထိုးသဖြင့် သေနတ်ဖြင့် ထပ်မံပစ်ခတ်ခဲ့ရာ ဇင်ကိုကိုလွင်၏ ယာဘက်လက်မောင်းမှ ကျည်ဖောက် ဝင်ပြီး ယာဘက် ညှပ်ရိုးထိမှန်ခဲ့သဖြင့် ဇင်ကိုကိုလွင်အား ရန်ကုန်ပြည်သူ့ ဆေးရုံကြီးတွင် အတွင်းလူနာ (မစိုးရိမ်ရ)အဖြစ် တင်ပို့ကုသလျက် ရှိကြောင်းနှင့် ရဲတပ်ဖွဲ့ဝင်များကို အသက်အန္တရာယ်ဖြစ်စေလောက်အောင် ဓားဖြင့်ထိုးသူ ဇင်ကိုကိုလွင်အား တာမွေမြို့မရဲစခန်းက အမှုဖွင့် အရေးယူဆောင်ရွက်လျက်ရှိကြောင်း သိရသည်။
The Mirror Daily
https://www.facebook.com/TheMirrorDaily
နေအိမ်တွင် မူးယစ်ရမ်းကားနေသူကို ရဲတပ်ဖွဲ့ဝင်များက ထိန်းသိမ်းစဉ် ဓားဖြင့် ပြန်လည်ခုခံ၍ သေနတ်ဖြင့် ပစ်ခတ်ဖမ်းဆီး
Reviewed by THITHTOOLWIN
on
09:17
Rating: